Klei bi kƀĭn tal anei, Anôk kriê dlăng bruă Đảng gưl dlông srăng ksiêm dlăng, bi mklă dŭm bruă yuôm bhăn pŏk ngă Hdră mtrŭn Klei bi kbĭn XIV mơ̆ng Đảng, mta phŭn kơ bruă mkŏ mkra Đảng, bruă kđi čar leh anăn mđĭ kyar ala čar hlăm wưng mrâo. Blŭ hrăm mphŭn pŏk Klei bi kƀĭn, Khua gĭt gai Đảng, Khua Lăn čar Tô Lâm mñă klă, Klei bi kƀĭn tal XIV bi mklă leh hdră êlan, mta kñăm leh anăn dŭm klei mĭn tĭng prŏng; Klei bi kbĭn gưl dlông tal 2 mdưm tur knơ̆ng mkŏ mjing leh anăn klei bhiăn mă bruă kơ wưng păn bruă. Klei kƀĭn trông gưl dlông tal 3 brei mlih dŭm hdră êlan anăn jing klei kčah mtrŭn ruh mgaih klei kpăk, ba yua ai dưi leh anăn mkŏ mjing klei găl đĭ kyar mrâo.

13 mta phŭn bi trông hlăm Klei kƀĭn hlăm lu mta bruă ƀiădah mbĭt anăn mđing kơ mta kñăm kdlưn hĭn, mkŏ mjing klei dưi kiă kriê, gĭt gai, kriê dlăng, ngă bruă, mđĭ kyar leh anăn răng mgang lăn čar hlăm wưng mrâo. Khua gĭt gai Đảng, Khua lăn čar mñă, Gưl dlông mđing bi trông êlam ti êpul, bi êdah klă klei mĭn ti anôk bi kƀĭn, mguôp klei blŭ klă anăp hlăm Klei čih mkra Hdră mtrŭn, Hdră bruă, hdră kčah ngă bruă; blŭ hrăm brei khuăt, lač klă kơ boh klei, klă klei djŏ, klă hlak mblang, klei akâo, klă hdră ruah; đru mguôp tlă anăp bi leh hdră êlan mơ̆ng Gưl dlông.