Anei jing hdră bruă hnơ̆ng prŏng čiăng bi mni kơ dhar bruă mnơ̆ng lŏ hma phŭn, mbĭt anăn hưn mdah anăn knăl, dhar kreh leh anăn rup alŭ wăl. Đào Mỹ, K’iăng Khua Knơ̆ng bruă sang čư̆ êa čar Dak Lak brei thâo, knăm mơak jing klei bi kƀĭn yuôm bhăn bi hgŭm knŭk kna, phung mkra mjing, anôk bruă duh mkra leh anăn dŭm ƀĭng hgŭm hlăm, êngao lăn čar. Hluê anăn, hdră mtrŭt mđĭ pŏk mlar wăl anôk ba čhĭ kơ ala tač êngao lehanăn jak iêu hdră duh bi liê hlăm čar.

Hluê si Anôk bruă mkŏ mjing, knăm mơak mâo 17 hdră bruă êdah êdi msĕ si: knăm rang mdah mnơ̆ng dhơ̆ng OCOP, klei bi kƀĭn bi hgŭm ba čhĭ, knăm ƀơ̆ng huă, hdră livestream čhĭ mnia leh anăn dŭm tuôr hiu čhưn tui ksiêm krĭng pla mjing. Mta mrâo mơ̆ng knăm mơak anei jing mđĭ hĭn klei bi mguôp plah wah bruă hiu čhưn ênguê lŏ hma hŏng dhar kreh krĭng Lăn Dăp Kngư, ƀuăn srăng mkŏ mjing ai êwa hơ̆k mơak leh anăn ba lu klei ktuê dlăng jăk siam kơ phung tuê.