Ti anôk bi kƀĭn, mnuih ƀuôn sang dŭm ƀuôn hgŭm Sông Cầu, Xuân Đài lehanăn să Xuân Thọ akâo kơ čar Dak Lak hnưm ruh mgaih klei gun kpăk ti dŭm hdră bruă sui thŭn, duh bi liê bruă mkŏ mkra gang mkhư̆ klei klưh hroh lăn ti hang ksĭ, msir mghaih klei dôk mâo ti hdră bruă wăl ƀuôn prŏng Sông Cầu lehanăn čuăl mkă anôk mă čuah mkăp kơ klei čiăng rŭ mdơ̆ng ti anăn mtam.

Klah čŭn klei bi kƀĭn bi tuôm hŏng mnuih ƀuôn sang, Nguyễn Thanh Nghị čih yap dŭm klei mnuih ƀuôn sang akâo, mtă kơ bruă sang čư̆ êa leh anăn anôk bruă djŏ tuôm čar Dak Lak bi mklă, msir mghaih jih dŭm bruă hlăm klei dưi. Mbĭt anăn, mñă čiăng mđĭ lar klei găl, klei mâo, čar Dak Lak brei mjêč bi leh hdră čuăl mkă gưl să, ƀuôn hgŭm, mjing tur knơ̆ng pŏk ngă dŭm bruă klam mđĭ kyar bruă duh mkra - ala ƀuôn.