Hlăm klei bi trông, Khua bruă kƀĭn ala Trần Thanh Mẫn đăo knang ti gŭ klei gĭt gai mơ̆ng Khua bruă kƀĭn ala Sophon Zaram, Bruă kƀĭn ala Thái Lan srăng hrăm mbĭt hŏng Knŭk kna mđĭ kyar bruă duh mkra- ala ƀuôn, mđĭ klei hdĭp mda mnuih ƀuôn sang leh anăn kơhưm mơ̆ng Thái Lan hlăm lu ala čar.

Bi mbi kơ klei bi hgŭm plah wah anôk bruă čih mkra hdră bhiăn dua ala čar hlăm wưng êgao, dua Khua bruă kƀĭn ala tŭ ư mđĭ klei bi trông êpul gưl dlông leh anăn dŭm gưl; pŏk ngă tŭ dưn Klei kuôl kă bi hgŭm plah wah Bruă kƀĭn ala dua ala čar. Bi trông kơ dŭm bruă krĭng wăl leh anăn lu ala čar, dua Khua bruă kƀĭn ala tŭ dư lŏ dơ̆ng bi hgŭm kjăp hlăm ASEAN, AIPA, IPU leh anăn dŭm  klei bi kƀĭn bruă kƀĭn ala lu tĭng; mđĭ lar bruă klam phŭn mơ̆ng ASEAN leh anăn mđĭ klei bi hgŭm hlăm dŭm klei bhiăn krĭng Mêkông.