Quảng Ngãi hyuă kjăp bruă klam brei čan duh bi liê bruă Knŭk kna, gĭr đĭ kyar 9%
Thứ sáu, 08:30, 07/08/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Bruă sang čư̆ êa čar Quảng Ngãi mrâo mñă kơ dŭm knơ̆ng, dhar bruă, alŭ wăl knăm ruh mgaih jih hnơ̆ng dŭm klei kpăk kơ ruh mgaih anôk ala, mnơ̆ng yua kơ bruă mkŏ mkra leh anăn bruă klam hluê ngă, mkŏ mjing klei kdlưn hĭn čiăng bi leh mta kñăm đĭ kyar 9% hlăm thŭn anei.
Truh kơ ară anei, hnơ̆ng brei čan duh bi liê bruă Knŭk kna mơ̆ng čar knŏng mâo mă 30% mkă hŏng hdră kčah, ƀiă hĭn ênoh kah knar kluôm ala. Kluôm čar ară anei mâo êbeh 100 hdră bruă čiăng ruh mgaih klei dleh dlan, kpăk gun, hlăm anăn 50 hdră hlăm klei dưi mgaih msir mơ̆ng Bruă sang čư̆ êa čar Quảng Ngãi.
Ti anăp boh sĭt anei, khua Bruă sang čư̆ êa čar Quảng Ngãi mñă kơ dŭm knơ̆ng, dhar bruă, êpul kiă kriê hdră leh anăn Bruă sang čư̆ êa dŭm să, ƀuôn hgŭm ksiêm dlăng grăp hdră, bi klă phŭn agha klei êmưt, hmao msir amâodah hưn mdah dŭm klei dleh dlan êgao klei dưi. Dŭm êpul kiă kriê hdră srăng ƀuăn rơ̆ng hŏng Bruă sang čư̆ êa čar Quảng Ngãi bi leh brei čan 100% hdră kčah ênoh prăk hlăm thŭn anei.
Viết bình luận