Khua knŭk kna Lê Minh Hưng mñă klă gưl nao čhưn đru mđĭ klei đăo knang kđi čar, mđĭ klei bi hgŭm plah wah khua gĭt gai dua ala čar leh anăn mđĭ klei bi hgŭm plah wah dua Bruă kƀĭn ala. Khua knŭk kna bi mklă Việt Nam pioh nanao klei mđing mrô sa kơ klei bi hgŭm hŏng Lào; mbĭt anăn bi hgŭm kjăp hŏng Knŭk kna leh anăn dŭm anôk bruă djŏ tuôm mơ̆ng Lào pŏk ngă tŭ dưn klei kuôl kă tŭ ư leh.

Dua tĭng tŭ  ư mjing klei êdah kldưn hlăm klei bi hgŭm bruă duh mkra, mnia blei leh anăn duh bi liê; mđĭ mkŏ anôk bruă êlan klông nah gŭ, êa  pui êwa čuh, mlih mrô, mđĭ kyar mnuih mă bruă leh anăn mđĭ mjĕ êrô mnuih ƀuôn sang. Dua ala čar ăt srăng bi hgŭm mkŏ mjing tŭ dưn bruă ngă hlăm jar “Thŭn bi hgŭm Việt Nam - Lào 2027”. Khua bruă kƀĭn ala Lào Sonexay Siphandone bi mklă Bruă kƀĭn ala Lào srăng lŏ dơ̆ng bi hgŭm kjăp hŏng Bruă kƀĭn ala Việt Nam, đru mđĭ klei bi hgŭm prŏng, bi hgŭm kluôm leh anăn kjăp plah wah dua ala čar ƀrư̆ đĭ kyar kjăp.