VOV.Êđê- Dưi mâo boh tŭ dưn mơ̆ng Hdră krŭ kdơ̆ng mlan 8 thŭn 1945 Việt Bắc jing kđông kahan kgŭ krŭ kdơ̆ng dưi rŭ mdơ̆ng hŏng hnơ̆ng trah dlăng mơ̆ng Khua gĭt gai Nguyễn Ái Quốc - Hồ Chí Minh lehanăn klei sa ai mơ̆ng mnuih ƀuôn sang tinei. 80 thŭn leh hruê hnŭk êngiê, klei yăl dliê kơ knhuah gru cách mạng mơ̆ng dŭm krĭng ƀuôn sang anei ăt mâo mnuih ƀuôn sang ti krĭng lăn krŭ kdơ̆ng anei kriê pioh kjăp.

VOV.Êđê- Hruê 28/8, ti Anôk bruă rang mdah ala čar, Hà Nội mkŏ mjing leh Knăm mphŭn pŏk klei rang mdah 80 thŭn ktuê êlan hnŭk êngiê – Êđăp ênang – Yâo mơak.

VOV.Êđê- Anăp truh kơ klei bi hdơr 80 thŭn hrue kgŭ krŭ kdơ̆ng mlan 8, lehanăn hrue mkŏ mjing lăn čar hrue 2/9, Khua bi ala knŭk kna Lao ti China (Somphone Sichaleune) djă êpul bi ala knŭk kna Lao ti Bắc Kinh nao čuă lehanăn hơêč hmưi Khua bi ala knŭk kna Phạm Thanh Bình lehanăn jih jang phung knuă druh mnuih mă bruă anôk bruă bi ala knŭk kna Việt Nam ti China.

VOV.Êđê- Ƀri wưng bi hdơr 80 thŭn hruê mkŏ mjing Sang mđung asăp blŭ Việt Nam, tlam mbruê 27/8, Anôk bruă jưh ti Lăn Dap Kngư (VOV Lăn Dap Kngư) mkŏ mjing mmông bi tuôm hŏng phung knuă druh, phung mă bruă tuôm mă bruă ti anôk bruă, wĭt mdei bruă.

VOV.Êđê- Hruê mbruê 27/8, Êpul ngă bruă mơ̆ng Phŭn bruă hdră bhiăn mơ̆ng k’iăng khua phŭn bruă Nguyễn Thanh Ngọc jing khua êpul mâo leh mmông mă bruă hŏng bruă sang čư̆ êa čar Lâm Đồng hluê ngă klei ksiêm dlăng, ktrâo lač, ruh mgaih klei dleh dlan, kpăk gŭn hlăm bruă ngă bruă sang čư̆ êa alŭ wăl 2 gưl hlăm bruă hră gŏ êsei.

VOV.Êđê- Mmăt mbruê 27/8, ti wăl tač Ba Đình, Hà Nội, hdră lông ngă klei ruĕ kahan gưl knŭk kna, bi hdơr 80 thŭn hruê krŭ kdơ̆ng mlan 8 tŭ jing leh anăn hruê mkŏ mjing ala čar yang ƀuôn ngă phŭn Việt Nam ( bruă klam A80) klă klơ̆ng mkŏ mjing.

VOV.Êđê- Khua gĭt gai Đảng Tô Lâm mñă klă – dhar bruă kiă kriê bruă knuă jing êpul siă suôr, jih ai tiê, mbruă, đru mguôp mkŏ mjing klei kiă kriê lăn čar leh anăn bi hơĭt klei hdĭp yang ƀuôn.

VOV.Êđê- Boh tŭ, ông Lê Huyền, Khua hlăm bruă Đảng čar, Khua Anôk bruă ngă hră mơar Klei bi kƀĭn bruă Đảng čar, djŏ ruah ngă K’iăng Khua Knơ̆ng bruă sang čư̆ êa čar Khánh Hòa.

VOV.Êđê- Tlam 27/8, Khua bruă kƀĭn ala Trần Thanh Mẫn ksiêm dlăng bruă mprăp kơ Klei rang mdah “Hƀuê ênuk leh anăn Bruă klam Bruă kƀĭn ala Việt Nam" ti Anôk bruă Knăm mơak klei rang mdah ala čar (Đông Anh, Hà Nội).

VOV.Êđê- Tlam mbruê (27/8), ti anôk bruă Khua lăn čar, Khua lăn čar Lương Cường mâo leh mmông mă bruă hŏng Adŭ bruă Khua lăn čar kơ bruă knuă mlan 8/2025 leh anăn bruă klam phŭn mlan 9/2025.