VOV.Êđê- Ti krah klei luč liê kyua angĭn êbŭ hƀuê ênuk mrâo êgao, yan Noel ti krĭng đăo Mằng Lăng, čar Dak Lak ăt mâo hơuh mđao leh anăn bi đru. Wăt tơdah lu gŏ sang dleh dlan hlăm klei msir mgaih boh jhat yan adiê ngă, ƀiădah hlăm klei đăo, klei bi đru ƀuôn sang leh anăn klei bruă sang čư̆ êa đru, Noel thŭn anei jing leh yan bi kah mbha, yan klei khăp leh anăn čang hmăng klei êđăp ênang.

VOV.Êđê- Hlăm knăm mphŭn rŭ mdơ̆ng kdrêč tal 3 hlăm hdră duh bi liê mkŏ mkra êlan dơ̆ng pral Quy Nhơn – Pleiku, Phạm Anh Tuấn- Khua Bruă sang čư̆ êa čar Gia Lai mñă kơ dŭm anôk bruă ngă bruă srăng rơ̆ng kơ jăk, lŏ dlăng kriê 5 thŭn hŏng hdră.

VOV.Êđê- Tlam mbruê 22/12, ti anôk bruă Knŭk kna, Khua Knŭk kna Phạm Minh Chính gĭt gai klei kƀĭn mơ̆ng Êpul gơ̆ng bi lông ktưn pah mni wưng thŭn 2021 - 2025.

VOV.Êđê- Hruê (22/12), ti Sang hră gưl 2 Nguyễn Hữu Thọ, ƀuôn hgŭm Bình Kiến, Knơ̆ng bruă Dhar kreh, mjuăt asei mlei leh anăn Hiu čhưn ênguê čar Dak Lak mkŏ mjing Klei bi lông hâo hưn kơ hdră gang mkhư̆ djah ksu kơ phung hđeh sang hră mguôp hŏng klei bi lông klei mĭn mbruă kơ klei lŏ mkra mjing mnơ̆ng mơ̆ng djah ksu.

VOV.Êđê- Ti să Dă Huoai, čar Lâm Đồng mphŭn rŭ mdơ̆ng Hdră êlan dơ̆ng êra pral Tân Phú - Bảo Lộc.

VOV.Êđê- Leh dŭm hruê mdrơ̆ng hŏng angĭn êbŭ mrô 13 lehanăn gưl adiê hjan êa lip lêč ngă, klei hdĭp mnuih ƀuôn sang ti ktuê hang ksĭ Dak Lak ƀrư̆ ƀrư̆ lŏ wĭt msĕ aguah tlam. Ti dŭm krĭng ksĭ, ai êwa mprăp kơ yan hiu mă kan mrâo hlăk mjêč ruă hĭn. Dŭm boh hô̆ mran kă krañ kjăp kñăm mdrơ̆ng hŏng angĭn êbŭ ară anei dưi mkra, dưm nhiên liệu, mprăp nao phă êa ksĭ, ba klei čang hmăng kơ sa yan ngă bruă jăk găl, amâo mâo hiu trah mă kan soh hdră bhiăn, amâo hưn mthâo, amâo hluê ngă klei kčah mtrŭn (IUU).

VOV.Êđê- Yang hruê dơ̆ng mbruê 22/12, ti anôk bruă Khua Knŭk kna, Khua Knŭk kna Phạm Minh Chính jao leh klei bi klă tiŏ nao Lê Mạnh Hùng, Khua êpul gơ̆ng êpul grup êa pui êwa čuh Việt Nam (Petrovietnam) wĭt ngă bruă ti Phŭn bruă tuh tia leh anăn păn ngă Khua phŭn bruă tuh tia jing êjai.

VOV.Êđê- Ti Anôk bruă dhar kreh - hiu čhưn ênguê čar, Knăm mơak - klei rang mdah mnơ̆ng mđup brei, mnơ̆ng bruă tuh tia mkra mjing êdah êdi leh anăn mnơ̆ng OCOP mguôp hŏng Knăm mơak mnơ̆ng ƀơ̆ngjăk Lăn Dap Kngư thŭn 2025 klă sĭt mphŭn pŏk. Klei anei kyua Knơ̆ng bruă tuh tia mnia blei Dak Lak gĭt gai, mkŏ mjing truh hruê 25/12.

VOV.Êđê- Aguah 22/12, ti Anôk dlăng bruă Đảng, ti gŭ klei gĭt gai mơ̆ng Khua gĭt gai Đảng Tô Lâm, Klei bi kƀĭn tal 15 Anôk dlăng bruă Đảng gưl dlông tal 13 mphŭn pŏk.

VOV.Êđê- Hrue mbrue 21/12, Khua knŭk kna Phạm Minh Chính nao leh ti anôk bi kƀĭn ksiêm wĭt bruă thŭn 2025 lehanăn hlue ngă bruă kơ thŭn 2026 mơ̆ng phŭn bruă rŭ mdơ̆ng.