VOV4.Êđê- Hlue si Hdră, hlăm 2 hruê, hruê anei leh anăn mgi (25 - 26/6), dŭm anôk bruă knŭk kna gưl să, ƀuôn hgŭm mrâo ti čar Dak Lak mkŏ mjing klei lông ngă bruă hrăm mbĭt. Čiăng rơ̆ng kơ bruă mkŏ mjing jăk, êlâo anăn, Bruă Đảng čar Dak Lak leh anăn dŭm bruă djŏ tuôm mkŏ mjing leh lu bruă hriăm mjuăt, ksiêm dlăng bruă prăp klei găl čiăng êdi.

VOV4.Êđê- Mơ̆ng hruê 24-27/6, Khua knŭk kna Phạm Minh Chính mbĭt hŏng Êpul bi ala gưl dlông Việt Nam srăng nao ti Klei bi kƀĭn gưl dlông grăp thŭn phung mă bruă ba anăp tal 16 mơ̆ng Klei bi kƀĭn trông bruă duh mkra tar rŏng lăn (Klei bi kƀĭn WEF Thiên Tân 2025) lehanăn mă btuă ti China.

VOV4.Êđê- Aguah 24/6, Êpul gơ̆ng bruă ƀuôn sang čar DakLak mphŭn pŏk Klei bi kƀĭn tal 10, ksiêm dlăng, bi mklă lu bruă djŏ hŏng klei dưi, êlâo kơ wưng čar Dak Lak mrâo klă klơ̆ng dưi ba yua mơ̆ng hruê 1/7.

VOV4.Êđê-Gưl bi lông bi ruê̆ klei hriăm gưl 3 thŭn 2025, čar Gia Lai mâo êbeh 16.200 čô bi lông, hlăm anăn mâo 704 čô bi lông êngiê.

VOV4.Êđê- Tlam (23/6), Anôk bruă gĭt gai ngă klei bi mŭt čar Lâm Đồng, Bình Thuận leh anăn čar Dak Nông mkŏ mjing lông ngă bruă 6 anôk bruă knŭk kna gưl să mrâo.

VOV4.Êđê-Tlam mbruê 23/6, ti Nam Định, Khua gĭt gai Đảng Tô Lâm leh anăn Êpul mă bruă mơ̆ng gưl dlông mă bruă hŏng Êpul khua bruă Đảng dŭm čar Nam Định, Hà Nam, Ninh Bình kơ bruă hluê ngă dŭm hdră mtrŭn, klei bi klă mơ̆ng gưl dlông leh anăn đa đa bruă klam kñăm kơ klei mđĭ kyar bruă duh mkra ala ƀuôn, răng mgang klei êđăp ênang ti 3 čar.

VOV4.Êđê- Hdră duh mkra – ala ƀuôn mơ̆ng čar Dak Lak hlăm dŭm mlan akŏ thŭn 2025 lŏ dơ̆ng bi mlih jăk siam, hŏng lu mta bruă mâo leh klei đĭ kyar êdah êdi. Čar ăt bi leh dŭm bruă mprăp kơ bruă knŭk kna leh bi mŭt čar srăng mŭt ngă bruă lehanăn dôk čih mkra hră mơar ba mdah kơ Klei bi kƀĭn phung bi ala bruă Đảng čar tal XVIII, wưng thŭn 2025–2030.

VOV4.Êđê- Tuôm êbat nao soh čhuai hluê êpul bi kdơ̆ng Fulro, lu mnuih ƀuôn sang ti Lâm Đồng lŏ wĭt leh hŏng ƀuôn sang, dưi tŭ jum hŏng klei sŭk suôr lehanăn mâo klei đru klă sĭt mơ̆ng bruă sang čư̆ êa alŭ wăl.Hŏng hdră mtrŭn thâo pap lehanăn ai tiê hrăm mbĭt mơ̆ng êpul êya, diñu amâo djŏ knŏng ñŭ kma hŏng êpul êya ƀiădah lŏ jing mnuih ƀuôn sang ba akŏ, hgŭm kngan đru mkŏ mkra ƀuôn sang.

VOV4.Êđê- Aguah mbruê 23/6, ti ƀuôn prŏng Kon Tum, Êpul khua bruă Đảng čar Kon Tum mkŏ mjing klei bi tuôm hŏng phung khua kiă kriê 40 ƀuôn hgŭm mrâo mơ̆ng čar, ngă bruă mơ̆ng hruê 1/7 kơ anăp.

VOV4.Êđê- Aguah mbruê 23/6, ti anôk bruă knŭk kna, Khua knŭk kna Phạm Minh Chính gĭt gai klei bi kƀĭn mơ̆ng knŭk kna čiăng brei klei blŭ mguôp kơ Hdră mtrŭn mkŏ mjing klei rang mdah boh tŭ dưn bruă duh mkra ala ƀuôn ƀri wưng bi hdơr 80 thŭn hruê Mkŏ mjing lăn čar.