VOV4.Êđê- Lŏ dơ̆ng hlăm klei bi kƀĭn tal 42, tlam mbrue 10/2, Dhar bruă gĭt gai bruă kbĭn ala mă leh klei blŭ kơ bruă mkra êlan êdeh treng Lào Cai - Hà Nội - Hải Phòng.

VOV4.Êđê-Khua knŭk kna Phạm Minh Chính mñă, bruă mkŏ dăp anôk bruă ksiêm dlăng brei mdưm boh tŭ dưn mơ̆ng ala čar, mơ̆ng mnuih ƀuôn sang jing tal êlâo hĭn

VOV4.Êđê- Hruê 10/2, bruă Đảng čar Dak Nông mkŏ mjing leh Klei kƀĭn hưn mthâo dŭm klei bi mklă kơ hdră knuă druh. Hŏng ai tiê mjêč, kpă mngač, čar Dak Nông dôk hlăm êpul ba akŏ hlăm kluôm ala kơ bruă mkŏ dăp, bi khuăt anôk bruă knŭk kna.

VOV4.Êđê- Ti čar Dak Lak, mâo dŭm čô mniê Đảng viên gĭr jih ai tiê duh myơr kơ hdră bruă cách mạng. Dŭm gru mngač anăn amâo djŏ knŏng đru mguôp mkŏ mkra ƀuôn sang đĭ kyar hơĭt kjăp, ƀiădah lŏ ba klei khăp mơai kơ ênuk gưl hđeh hruê anei.

VOV4.Êđê- “Anôk bruă đru čung ba mnuih ƀuôn sang brei mđing, pŏk ngă kjăp dŭm bruă klam mkăp kơ Klei bi kƀĭn tal XIV mơ̆ng Đảng, mtrŭt mjhar hdră bi mjĕ mjuk bruă kđi čar êlâo, hlăm lehanăn êdei kơ Klei bi kƀĭn, mjing ai êwa hơ̆k mơak, hgŭm mguôp, mlih mrâo hlăm mnuih ƀuôn sang. Mbĭt anăn, mjêč pŏk ngă Hdră êlan mtrŭn bi mguôp Anôk bruă đru čung ba mnuih ƀuôn sang Gưl dlông hŏng Anôk bruă kiă kriê klei hâo hưn Gưl dlông, ba mdah hdră mkŏ dăp anôk bruă hŏng klei khuăt, rơ̆ng hluê ngă djŏ wưng. Anei jing klei blŭ gĭt gai mơ̆ng Khua hlăm Phŭn bruă kđi čar, Khua hlăm Anôk bruă Đảng, Khua Dhar bruă ksiêm dlăng Gưl dlông Trần Cẩm Tú ti Anôk bi kƀĭn ksiêm wĭt hdră đru čung ba mnuih ƀuôn sang thŭn 2024, pŏk ngă bruă klam phŭn hlăm thŭn 2025.

VOV4.Êđê- Aguah mbruê 10/2, Êpul khua êmua knŭk kna mâo mmông bi tuôm hŏng knơ̆ng bruă kơ bruă klam, hdră êlan čiăng kơ knơ̆ng bruă bi hmar, kdlưn hĭn, đru mđĭ kyar hmar, hơĭt kjăp hlăm wưng mrâo.

VOV4.Êđê- Hruê mbruê 10/2, ti Hải Dương, ƀri wưng akŏ thŭn mrâo, Khua gĭt gai Đảng Tô Lâm, Khua knơ̆ng gĭt gai lĭng kahan gưl dlông nao čuă leh anăn mă bruă hŏng hŏng Lữ đoàn ƀrăm pui 490, Binh chủng Pháo binh, Phŭn bruă lĭng kahan.

VOV4.Êđê-Aguah mbruê (10/2), ti Hà Nội, Khua lăn čar Lương Cường mă leh bruă hŏng Adŭ bruă Khua lăn čar kơ hdră pŏk ngă bruă kriê dlăng hdră bhiăn thŭn 2025, sa bruă dôk hlăm klei dưi, bruă klam mơ̆ng Khua lăn čar hluê si klei kčah mtrŭn mơ̆ng Hdră bhiăn phŭn.

VOV4.Êđê-Hruê 10/2, ti Sang bruă kƀĭn ala, Khua bruă Đảng Anôk bruă kƀĭn ala, Khua Anôk bruă kƀĭn ala Trần Thanh Mẫn gĭt gai leh Klei bi kƀĭn tal sa mŏng Anôk kriê dlăng bruă Đảng Anôk bruă kƀĭn ala wưng thŭn 2020 – 2025.

VOV4.Êđê- Đại tướng Phan Văn Giang, Khua phŭn bruă lĭng kahan Việt Nam mâo leh klei bi blŭ hrăm đĭgn blŭ hŏng Pete Hegseth, Khua phŭn bruă lĭng kahan Mi.