VOV4.Êđê - Adŭ bruă Khua lăn čar mkŏ mjing klei kƀĭn bruă klei mrâo hưn mdah klei bi klă pap brei klei soh thŭn 2025 (gưl tal 2) mơ̆ng Khua lăn čar, ƀri wưng bi hdơr 80 thŭn hruê mkŏ mjing ala čar yang ƀuôn ngă phŭn Việt Nam (2/9/1945 – 2/9/2025). Mmông pap brei truh kơ jih hruê 31/8/2025.

VOV4.Êđê - Khua knŭk kna Phạm Minh Chính leh anăn mô̆ ñu hŏng êpul bi ala gưl dlông Việt Nam mjưh ruĕ jăk siam bruă ngă nao hlăm Klei bi kƀĭn gưl dlông BRICS pŏk mlar thŭn 2025 leh anăn bruă ngă dua nah ti Cộng hoà Liên bang Brazil.

VOV4.Êđê - Hlăm 6 mlan akŏ thŭn 2025, čar Gia Lai (mrâo) yap dŭm klei tŭ êdah kdlưn kơ hnơ̆ng đĭ kyar bruă duh mkra wăt prăk hrui wĭt knŭk kna. Khădah snăn, klei mdê kơ klei bhiăn kriê dlăng, anôk bruă nah gŭ ka hrăm mbĭt leh anăn klei lông dlăng mơ̆ng hdră ngă bruă dôk kčah klei lông dlăng kơ bruă sang čư̆ êa mrâo.

VOV4.Êđê- Hrue 6/7, ti Brasil, Khua knŭk kna Phạm Minh Chính nao leh ti anôk bi kƀĭn gưl dlông BRICS pŏk mlar thŭn 2025 lehanăn mâo klei blŭ hrăm yuôm bhăn ti anôk trông čhai gưl dlông BRICS pŏk mlar kơ ‘Hyuă kjăp hĭn hdră êlan lu tĭng, kơ bruă duh mkra ala ƀuôn – bruă ngăn prăk lehanăn klei mĭn anak mnuih”.

VOV4.Êđê- Hrue mbrue 7/7, bruă êdam êra čar Daklak mkŏ mjing leh klei trŭn kơ bruă ba anăp đru kơ bruă ngă hră mơar ti bruă sang čư̆ êa dua gưl.

VOV4.Êđê- Hrue mbrue 7/7, ti anôk bruă Đảng gưl dlông, Khua gĭt gai Đảng Tô Lâm, Khua knơ̆ng êpul kiă kriê gưl dlông kơ bruă kdơ̆ng hŏng klei ƀơ̆ng ngăn, klei bi liê pliă plia, kiă kriê leh klei bi kƀĭn tal 28.

VOV4.Êđê- Aguah 7/7, Khua gĭt gai Đảng Tô Lâm gĭt gai leh Klei kƀĭn tal 28 Anôk gĭt gai Gưl dlông kơ hdră gang mkhư̆ klei ƀơ̆ng ngăn, klei bi liê ti mang, klei ngă amâo jăk čiăng bi trông, brei klei blŭ kơ boh tŭ hdră gang mkhư̆ klei ƀơ̆ng ngăn, klei bi liê ti mang, klei ngă amâo jăk 6 mlan akŏ thŭn lehanăn bruă klam phŭn hlăm 6 mlan knhal jih thŭn mbĭt hŏng dŭm bruă mkăn.

VOV4.Êđê- Khua knŭk kna Phạm Minh Chính bi tuôm leh hŏng khua anôk bruă Granja Fujikura – anôk bruă lŏ hma ba yua kdrăp mrâo ti Brazil hlăm anôk Granja Fujikura mơ̆ng Japon

VOV4.Êđê- Aguah mbrue 7/7, Khua lăn čar Lương Cường nao ti anôk bi kƀĭn ksiêm wĭt 6 mlan akŏ thŭn mơ̆ng phŭn bruă kahan ksiêm.

VOV4.Êđê- Hluê ngă Hdră mtrŭn mrô 57 kơ hdră mđĭ kyar bruă kreh knhâo, kdrăp mrâo lehanăn bi mlih mrô, dŭm knơ̆ng, dhar bruă, alŭ wăl ti krĭng Dhŭng kwar krah lehanăn Lăn dap kngư dôk mtrŭt mđĭ hdră bi mlih mrô mơ̆ng gưl nah gŭ truh kơ gưl čar, bi hgŭm mđrăm mbĭt hŏng hdră duh mkra – ala ƀuôn, boh nik hlăm bruă lŏ hma, hiu čhưn ênguê lehanăn mkra mjing. Mơ̆ng anăn, dŭm anôk bruă duh mkra dưi čan prăk duh bi liê lehanăn mđĭ kyar hdră bruă hŏng klei tŭ dưn, kpă mngač, mjing boh kdrŭt yuôm bhăn kơ hdră mđĭ kyar hơĭt kjăp mơ̆ng krĭng.