VOV4.Êđê-Hruê 14/10, Anôk kriê dlăng bruă Đảng čar Kon Tum mkŏ mjing leh Klei bi kƀĭn tal 17, bi trông kơ bruă hluê ngă hdră mđĭ kyar bruă duh mkra – ala ƀuôn 9 mlan lehanăn hdră êlan, bruă klam 3 mlan adôk mơ̆ng thŭn 2024.

VOV4.Êđê- Hlue si asăp jak iêo mơ̆ng phŭn bruă hŏng tač êngao Australia, aduôn Penny Wong, Khua phŭn bruă hŏng tač êngao Bùi Thanh Sơn srăng nao čhưn kơ ala čar Australia mđrăm mbĭt kiă kriê klei bi kƀĭn Khua phŭn bruă hŏng tač êngao grăp thŭn Việt Nam-Australia tal 6 mơ̆ng hrue 16-19/10/2024.

VOV4.Êđê- Rơ̆ng kơ klei êngiê klei đăo kơ mnuih djuê ƀiă jing hdră êlan phŭn mơ̆ng Đảng, knŭk kna Việt Nam. Mơ̆ng hdră bhiăn klei đăo knang dưi dưn mơ̆ng thŭn 2018, bruă kriê dlăng mơ̆ng knŭk kna kơ klei đăo knang dưi hluê ngă, mgaih msir klei čiăng, klei hmăng hmưi mơ̆ng dŭm êpul êya, grăp čô. Hŏng hdră “Hdĭp jăk, đăo djŏ”, phung đăo leh anăn dŭm alŭ wăl dôk hrăm mbĭt hŏng bruă sang čư̆ êa alŭ wăl mkŏ mjing klei bi mguôp djuê ana, mđĭ kyar bruă duh mkra ala ƀuôn leh anăn răng mgang klei êđăp ênang ti alŭ wăl.

VOV4.Êđê- Aguah hruê 14/10, ti Hà Nội, Khua gĭt gai Tô Lâm nao leh ti Knăm mphŭn pŏk Adŭ mjuăt bi hriăm klei thâo kơ phung knuă druh bruă čuăl mkă Khua hlăm Anôk bruă Đảng gưl dlông tal XIV (Adŭ tal 3).

VOV4.Êđê-Aguah 14/10, ti anôk bi kƀĭn tal 22 (thơ̆ng kơ bruă), Êpul gơ̆ng bruă ƀuôn sang čar Gia Lai gưl XII (wưng thŭn 2021-2026) tư̆ ư brei 2 čô khua hlăm Anôk bruă sang čư̆ êa čar mdei bruă lehanăn ruah Khua anôk bruă djuê ana mơ̆ng Êpul gơ̆ng bruă ƀuôn sang čar.

VOV4.Êđê- Êpul hgŭm knơ̆ng bruă čar Dak Lak bi mguôp hŏng Êpul phung mnia mblei mda asei čar Dak Lak mkŏ mjing knăm bi hdơr 20 thŭn hruê Phung mnia mblei Việt Nam (13/10/2004 -13/10/2024).

VOV4.Êđê- Yang hruê mbruê 13/1, ti Sang Bruă Kƀĭn Ala, Khua bruă kƀĭn ala Trần Thanh Mẫn bi tuôm leh hŏng Khua knŭk kna China Lý Cường dôk ba anăp êpul gưl dlông China hruê čuă Việt Nam.

VOV4.Êđê-Hruê mbruê (13/10), ti ƀuôn prŏng Đà Lạt, čar Lâm Đồng, Phŭn bruă kahan ksiêm mkŏ mjing klei bi lông mjuăt asei mlei “Kyua klei êđăp ênang čar kwar” tal 9 leh anăn Klei bi lông klei bhiăn kahan, bruă lĭng kahan hlăm êpul kahan ksiêm yang ƀuôn tal 6 - krĭng wăl 3.

VOV4.Êđê- Hruê anei (14/10), lŏ dơ̆ng hdră klei bi kƀĭn tal 38, Dhar bruă kƀĭn ala brei klei blŭ kơ lu boh phŭn yuôm bhăn, hlăm anăn mâo bruă mprăp kơ Klei bi kƀĭn tal 8, Bruă kƀĭn ala gưl XV.

VOV4.Êđê- Hruê (13/10), ti Anôk bruă khua lăn čar, Khua knŭk kna Phạm Minh Chính gĭt gai leh Knăm drông kdrưh kơăm Khua knŭk kna China Lý Cường hriê čhưn klă sĭt ti Việt Nam.