VOV4.Êđê- Tlam mbrue (30/12), ti Anôk bruă knŭk kna, Khua knŭk kna Phạm Minh Chính drông čhưn leh hŏng k’iăng khua knŭk kna Lào (Saleumxay Kommasith) ƀri mâo gưl hriê čhưn lehanăn mă bruă ti Việt Nam.

VOV4.Êđê- Tlam mbrue (30/12), ti Hà Nội, mkŏ mjing klei bi kƀĭn prŏng anôk bruă Đảng dŭm anôk bruă gưl dlôngtal 19, kñăm ksiêm wĭt bruă thŭn 2024, hlue ngă bruă knuă thŭn 2025.

VOV4.Êđê- Knơ̆ng bruă sang čư̆ êa čả Daklak mtă leh kơ dŭm anôk bruă djŏ tuôm mâo klei hâo mdah bi ênŭm dŭm anôk mâo leh hră tŭ yap djăp klei găl mkra mjing êtak čăt hlăm čar, lehanăn mâo dŭm hdră kiă kriê bi kjăp anôk mkra mjing êtak čăt hlăm wưng ti anăp./.

VOV4.Êđê- Tlam mbruê (30/12), ti Sang bruă kƀĭn ala, Adŭ bruă kƀĭn ala, bruă Đảng anôk bruă kƀĭn ala mbĭt hŏng Công đoàn anôk bruă mkŏ mjing Klei bi kƀĭn ksiêm wĭt hdră bruă thŭn 2024, pŏk ngă bruă thŭn 2025.

VOV4.Êđê- Aguah (30/12), Anôk bruă sang čư̆ êa ƀuôn prŏng Đà Lạt (Lâm Đồng) mkŏ mjing Knăm bi mni kơ phung mă bruă bi mdoh wăl hdĭp mda, mâo lu klei đru mguôp hlăm hdră mkŏ mjing ƀuôn prŏng Đà Lạt “mtah – doh – siam”, đru mguôp hlăm klei tŭ jing mbĭt mơ̆ng Festival mnga Đà Lạt tal 10 thŭn 2024.

VOV4.Êđê- Thŭn 2024 bruă sang čư̆ êa dŭm čar Lăn Dap Kngư bi mklă jing thŭn êdah êdi, hlue ngă lu bruă klam yuôm bhăn mđĭ kyar bruă duh mkra - ala ƀuôn, jing yuôm bhăn hlăm klei hlue ngă Hdră mtrŭn Klei bi kƀĭn bruă Đảng dŭm čar, hlăm anăn êdah êdi jing bruă pŏk ngă hrăm mbĭt hdră msir hlăm Hdră kñăm ala čar mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng wưng I mơ̆ng thŭn 2021 truh thŭn 2025, leh anăn mâo lu klei tŭ dưn yuôm bhăn, klei hdĭp mda ai tiê leh anăn mnơ̆ng dhơ̆ng mnuih ƀuôn sang lăn Dap Kngư dưi mđĭ, bruă bi hrŏ ƀun dưi mđĭ lar.

VOV4.Êđê- Hlăm dŭm thŭn giăm anei, bruă mđĭ kyar Đảng hlăm êpul bruă duh mkra êngao knŭk kna ti čar Dak Lak mâo klei bi mlih jăk. Grăp thŭn, dŭm êpul brua Đảng hlăm anôk bruă duh mkra bi mŭt leh djăp hnơ̆ng kčah leh anăn êbeh hnơ̆ng kčah. Boh tŭ anei đru hlăm bruă mkŏ mjing anôk bruă duh mkra ƀrư̆ hruê ƀrư̆ hơĭt kjăp, mbĭt anăn bi mklă klei yuôm bhăn mơ̆ng Đảng hlăm dŭm anôk bruă duh mkra êngao knŭk kna.

VOV4.Êđê- Khua gĭt gai Đảng mñă, phung hriăm lu jing êpul bi ala kơ klei thâo mơ̆ng mnuih ƀuôn sang lehanăn djuê ana, jing sa hlăm dŭm boh kdrŭt yuôm bhăn ba wĭt boh tŭ êdah êdi lehanăn klei đĭ kyar mơ̆ng ala čar.

VOV4.Êđê- Ti ƀuôn prŏng Huế, čar Thừa Thiên Huế mkŏ mjing leh knăm hưn mdah hdră mtrŭn mơ̆ng anôk bruă kƀĭn ala, kơ klei mkŏ mjing ƀuôn prŏng Huế dôk hlăm gưl dlông, lehanăn bi êdah hdră mtrŭn mơ̆ng Dhar bruă gĭt gai bruă kƀĭn ala kơ bruă dăp wĭt êpul êya gưl kdriêk, să hlăm ƀuôn prŏng Huế wưng thŭn 2023-2025.

VOV4.Êđê- Khua gĭt gai Đảng Tô Lâm bi êdah klei hdơr knga amâo mâo knhal leh anăn klei mpŭ hŏng khua gĭt gai Hồ Chí Minh, khua gĭt gai mơ̆ng Đảng leh anăn mnuih ƀuôn sang drei, pô jhŏng ktang sua wĭt klei êngiê djuê ana.