VOV4.Êđê- Aguah mbrue (14/11), ti Hà Nội, Bruă Đảng dŭm anôk bruă gưl dlông mkŏ mjing klei bi kƀĭn mbĭt hŏng online kơ boh phŭn hdruôm hră "Kluôm ala sa ai tiê, pai mă djăp klei găl, hgao klei dleh dlan, klei lông dlăng, jih ai tiê hlue ngă tŭ jing hdră mtrŭn klei bi kƀĭn prŏng Đảng 13” Mơ̆ng khua gĭt gai Đảng Nguyễn Phú Trọng hlăm kluôm bruă Đảng.

VOV4.Êđê- Hlue si asăp jak iêo mơ̆ng khua mil čhil Mi Joe Biden, hrue mbrue (14/11), Khua lăn čar Võ Văn Thưởng lehanăn mô̆ ñu mbĭt hŏng êpul khua prŏng Việt Nam nao leh ti anôk bi kƀĭn gưl dlông APEC 2023 lehanăn mâo dŭm klei bi tuôm dua nah ti Mi, mơ̆ng hrue 14 - 17/11.

VOV4.Êđê- Khua phŭn bruă Ngăn prăk Hồ Đức Phớc mâo leh mmông mă bruă dua nah hŏng Khua phŭn bruă ngăn prăk Australia, Khua kriê dlăng bruă ngăn prăk mơ̆ng Japin leh anăn Khua phŭn bruă Ngăn prăk Singgapore, ƀri gưl nao hlăm Klei bi kƀĭn Khua phŭn bruă Ngăn prăk APEC 2023, ti Mi.

VOV4.Êđê-Ăt hlăm tlam hruê 13/11, Khua knŭk kna Phạm Minh Chính drông leh Đại tướng Tea Seiha, K’iăng khua knŭk kna, Khua phŭn bruă lĭng kahan Campuchia dôk mâo gưl čhưn, mă bruă ti Việt Nam.

VOV4.Êđê- Tlam mbruê 13/11, Knơ̆ng bruă lŏ hma leh anăn mđĭ kyar krĭng ƀuôn sang čar Lâm Đồng brei thâo, mâo leh hră mơar kơ bruă sang čư êa dŭm čar brei mâo hdră êlan đru sa kdrêč prăk mnga lĭng čan mơ̆ng ngăn prăk knŭk kna kơ grăp čô, êpul êya čiăng mbĕ mđuê̆, mkra mlih sang ală kĭng ti ƀuôn prŏng Đà Lạt.

VOV4.Êđê- Hruê mbruê 13/1, K’iăng Khua lăn čar Võ Thị Ánh Xuân nao hlăm Knăm mơak Bi mguôp djuê ana ti alŭ Bà Chăng A, să Châu Thới, kdriêk Vĩnh Lợi, čar Bạc Liêu.

VOV4.Êđê- Tlam mbruê 13/11, ti sang bruă Khua lăn čar, Khua lăn čar Võ Văn Thưởng tŭ drông leh Đại tướng Tea Seiha, k’iăng Khua knŭk kna, Khua phŭn bruă lĭng kahan Campuchia dôk mâo gưl hriê čuă Việt Nam.

VOV4.Êđê- Bruă sang čư êa čar Lâm Đồng mrâo mâo hră mtrŭn mtrŭt mjhar dŭm anôk bruă hlăm čar hluê ngă hrăm mbĭt dŭm hdră êlan, gĭr mtrŭt bi hmar klei brei čan duh bi liê bruă knŭk kna thŭn 2023.

VOV4.Êđê-Dŭm thŭn êgao, knuă druh lĭng kahan mơ̆ng Kđông răng mgang ƀăng jang knông lăn Đăk Ruê (Knơ̆ng gĭt gai lĭng kahan răng mgang knông lăn Dak Lak) hluê ngă leh jăk hdră bruă “Anak rông kđông kahan răng mgang knông lăn”, “Đru kơ adei nao sang hră”, “H’uh mđao krĭng knông lăn” amâo dah dŭm gru hmô bruă duh mkra pla mdiê kuê, rông êmô ana mđai, mđup mjeh bê… đru kơ mnuih ƀuôn sang msir klei ư̆ êpa, bi hrŏ klei ƀun knap. Mơ̆ng anăn, mnuih ƀuôn sang hĭn mơh đăo knang hlăm êpul kahan răng mgang knông lăn, nao hgŭm răng mgang kjăp klei h’ĭt ênang ti krĭng knông lăn ala čar.

VOV4.Êđê- Aguah mbruê 13/11, ti anôk bruă Phŭn bruă lĭng kahan, Đại tướng Phan Văn Giang, Khua hlăm Phŭn bruă kđi čar, k’iăng khua knơ̆ng gĭt gai lĭng kahan gưl dlông, Khua phŭn bruă lĭng kahan Việt Nam gĭt gai mmông tŭ drông Đại tướng Tea Seiha, k’iăng Khua knŭk kna, Khua phŭn bruă lĭng kahan Campuchia klă klơ̆ng hriê čuă Việt Nam.