VOV4.Êđê- Hlăm hdră hriê čhưn gưl knŭk kna ti Việt Nam mơ̆ng Khua mil čhil Dhŭng Korea tlam 23/6, ti Hà Nội, Khua knŭk kna Phạm Minh Chính leh anăn Khua mil čhil Dhŭng Korea Yoon Suk Yeol nao hlăm Klei bi kƀĭn Việt Nam - Dhŭng Korea.

VOV4.Êđê- Aguah mbruê 23/6, Khua lăn čar Võ Văn Thưởng leh anăn mô̆ ñu drông čhưn leh Khua mil čhil Dhŭng Korea Yoon Suk Yeol leh anăn mô̆ gơ̆ hriê čuă ala čar Việt Nam.

VOV4.Êđê- Tlam mbruê 22/6, k’iăng Khua knŭk kna Lê Minh Khái tŭ drông leh k’iăng Khua knŭk kna hlŏng păn ngă Khua phŭn bruă ngăn prăk Dhŭng Korea Choo Kyung Ho.

VOV4.Êđê- Tlam mbrue 22/6, Khua gĭt gai Đảng Nguyễn Phú Trọng drông čhưn leh Thượng tướng An-va-rô Lô-pết Mi-ê-ra, khua phŭn bruă kahan lĭng Cu-ba.

VOV4.Êđê- Tlam 22/6, bruă Đảng čar Gia Lai mkŏ mjing leh klei bi kƀĭn ksiêm wĭt 10 thŭn hlue ngă hdră mtrŭn 29-NQ/TW mơ̆ng Êpul khua kiă kriê bruă Đảng gưl dlông kơ bruă mlih mrâo sang hră mơar.

VOV4.Êđê- Aguah mbruê 22/6, Khua mil čhil Dhŭng Korea Yoon Suk Yeol mbĭt hŏng êpul bi ala Dhŭng Korea truh leh ti Hà Nội, kčưm klei hriê čuă gưl knŭk kna ti Việt Nam mơ̆ng hruê 22-24/6/2023 hluê si klei iêô jak mơ̆ng Khua lăn čar Võ Văn Thưởng.

VOV4.Êđê- Aguah mbruê 22/6, ti čar Oudomxay, Dưr Lào, mkŏ mjing knăm ba jao, ba wĭt klang 10 čô lĭng kahan, phung thơ̆ng kơ bruă Việt Nam djiê êngiă ti 6 čar Bắc Lào wĭt kơ ala čar.

VOV4.Êđê- Dŭm sang hră gưl 3 ti čar Dak Lak mprăp jih leh dŭm mta bruă knhal tuč, knăm rơ̆ng kơ klei bi lông êđăp ênang, tŭ jăk

VOV4.Êđê-Mrâo anei, ti să taih kbưi Čư̆ Drăm, kdriêk Krông Bông, čar Dak Lak, Hdră rŭ mjing êlan dơ̆ng pral Ƀuôn Ama Thuôt – Khánh Hoà dưi kčưm pŏk. Boh nik, knăm pŏk hdră anei dưi mkŏ mjing mbĭt leh anăn online hŏng 2 hdră mkăn jing êlan dơ̆ng pral Biên Hòa – Vũng Tàu leh anăn êlan dar 3, ƀuôn prŏng Hồ Chí Minh.

VOV4.Êđê- Hrue mbrue (21/6), ti Hà Nội, Đại tướng Tô Lâm, Khua phŭn bruă kahan ksiêm bi trông leh hŏng knơ̆ng khua kiă kriê kahan êa ksĭ Dhŭng Korea Kim Jong-uk hlăk mâo gưl hriê čhưn lehanăn mă bruă ti Việt Nam.