Bruă sang čư̆ êa čar Dak Lak kah leh 400 êklai prăk mơ̆ng ênoh hrui wĭt mđĭ leh anăn ênoh prăk adôk mơ̆ng thŭn 2025 čiăng mkăp kơ dŭm alŭ wăl ngă klei ksiêm mkă  grăp tuôr, ksiêm mkă hrŏng kơ jih jang mnuih ƀuôn sang thŭn 2026. Mbĭt anăn, Bruă sang čư̆ êa čar jao kơ knơ̆ng bruă Ngăn prăk bi mguôp hŏng knơ̆ng bruă mdrao mgŭn ngă klei brei čan ênoh prăk anei kơ dŭm să, ƀuôn hgŭm ngă bruă.

knơ̆ng bruă mdrao mgŭn Dak Lak brei thâo, ênoh prăk anei mâo leh, knơ̆ng bruă mâo leh hră mtô kơ Bruă sang čư̆ êa dŭm să, ƀuôn hgŭm mkŏ mjing sa alŭ wăl sa êpul gĭt gai mkă dlăng klei suaih pral jih jang mnuih ƀuôn sang mâo bi ala jing êpul bruă mdrao mgŭn nah gŭ, Êpul phung khua thŭn, Êpul phung amâo mâo jăk asei mlei, đa đa êpul, dhar bruă, alŭ wăl.