VOV4.K’ho - Deh kòn là dùl tơngai geh uă kal ke mờ ngòt rơngơ\t, tàm hơ\ uă ngan là tàm tiah sar lơgar ngài, ngài mờ hìu sơnơm. Mơya, bơta mùl màl do gam geh, mìng tàm mpồl bơtiàn làng bol kòn cau.

Deh kòn tàm hìu, cau mè mờ kòn se di gơlan gơtìp mờ ală bơta ngòt rơngơ\t lơi? Mpồl cau ai tơng^t jơnau đơs do neh geh dơ\ lùp mờ bác sĩ chuyên khoa 2 Hoàng Ngọc Anh Tuấn, kuang atbồ khoa hồi sức cấp cứu kòn se mờ kòn se pa deh bè broă do tàm hìu sơnơm tiah Tây Nguyên.

-Ơ bác sĩ! Tu\ deh kòn tàm hìu, cau mè mờ kòn se di gơlan gơtìp ală bơta ngòt rơngơ\t lơi?

Bác sĩ Hoàng Ngọc Anh Tuấn: Tu\ deh kòn tàm hìu ờ mìng lơh aniai tus mờ bơta pràn kơl dang să jan kòn se mờ bơta pràn kơl dang să jan cau mè kung gơtìp ờ niam sơl.

Tàm do, tàm broă sơm kòp bol a` mờng ngan tìp, hơ\ là kòp uốn ván kòn se pa deh. Tài tu\ deh kòn tàm hìu, ală cau đơng deh ờ g^t tàm broă lơh. Dơ\ bàr tai là ală phan đơng deh, phan siăt klo\, lơh klo\, lơh kloh să jan kòn se ờ tơl niam, ờ geh lơh kloh vi trùng.

Tàm do ală kòn se gơtìp kòp uốn ván, tu\ bol a` lùp den geh uă ngan là tài deh tàm hìu. Gơwèt mờ cau mè, bơta gơbàn uă ngan là gơl^k mhàm tơnơ\ mờ tu\ deh, gơtìp mồr tơnơ\ mờ tu\ deh mờ di lah ờ geh sơm kòp di tu\, roh mhàm uă ir den cau ùr pa deh gơtìp chơ\t.

Bơdìh hơ\ tai, gam gơbàn uă bơta kòp mồr ndai tai, mờ he g^t là bơta pràn kơl dang să jan bơh cau mè pa deh den ờ gơtùi ndrờm mờ ală cau mè ndai, să jan gam ờ sô ngan.

-Jơnau gơlời wơl bơh kòp uốn ván là bè lơi ơ bác sĩ?

Bác sĩ Hoàng Ngọc Anh Tuấn: Tàm do a` pal đơs là ală kòn se gơtìp uốn ván tu\ pa deh, di lah tơngai gơdram kòp sơlơ ờ uă den kòp sơlơ jroă. Geh cau sơm kòp rơlao 1 nhai mơya kung gam pal tă nhơm mờ măi.

Mơya, bu\ lah he neh lơh ngan kờ` dong klàs kòn se hơ\ kis, mơya bơta ờ niam tơnơ\ mờ kung gam sơl. Mờ bơta ờ niam do gơtìp glar bòl ngan, di gơlan là să jan kòn se dờng ờ bè ờs, bồ tơngoh lơh broă ờ bè ờs, ndrờm bè bơta gơtìp kòp lơng tơngoh.

Bơta do ờ mìng lơh glar bòl tus mờ cau tàm hìu nhă tàm broă sền gàr ròng siam mờ gam kal ke tus mờ mpồl bơtiàn.

-Cau mè geh bun mờ cau tàm hìu nhă, tàm hơ\ uă ngan là tàm tiah ngài mờ hìu sơnơm den pal tơnkah ală bơta lơi nàng pleh mờ broă pal deh kòn tàm hìu?

Bác sĩ Hoàng Ngọc Anh Tuấn: Bè bơta do, jăt a` geh 2 bơta.

Dùl là kuang bàng lơh sơnơm. Mpồl cau lơh broă do pal lơh ngan niam broă lam sồr, pơgồp bal mờ kuang bàng lơh broă gah khà kờp làng bol lơh bè lơi nàng làng bol in g^t là ba` deh kòn tàm hìu, bơta do lơh gơbàn uă ngan tus mờ bơta pràn kơl dang să jan cau mè mờ kòn se.

Dơ\ bàr là gơwèt mờ ală cau mè mờ cau tàm hìu nhă, bơta kuơ màng ngan là jơnau g^t mờ wă. Bơdìh mờ broă sền gàr niam bè phan sa, broă sào sa, b^c, ơm rơlô să den broă kham bun jăt tơngai là kuơ màng ngan.

Tàm tơngai geh bun, di lah cau mè go\ gơlơh ală bơta tơngo\ ni sơna lơi den pal tus mơ hờ hìu sơnơm, ba` tus hờ hìu cau bơjơu, tài ală cau do ờ g^t tàm broă deh dùh, ờ g^t tàm broă bơto sồr cau mè mờ cau tàm hìu nhă.

A` kơ\p kờ` là mờ broă tơnguh jơnau g^t wă bal mờ broă lam sồr niam bơh ală kuang bàng lơh sơnơm tàm ală tiah geh tơmù uă ngan ală cau pal deh kòn tàm hìu.

-Ơi, dan ưn ngài bác sĩ!

Cau mblàng Ndong Brawl