VOV4.K’ho- Tu\ do, uă ngan làng bol Tây Nguyên tam rơmi\t is jat bơta mờng chài is bơh tơl hìu bơnhă dê. Nàng dong làng bol geh jơnau gi\t wa\ tam tờm chi tam do lơh geh cồng nha, bol a` lùp kỹ sư Mai Anh Tùng, kuang bàng lơh broă gah kỹ thuật di Công ty Solavina càr Daklak bè ală broă tờm ngan rlau jơh tu\ tam rơmi\t pơrhê.

Ơ kỹ sư, dan kỹ sư sền swì bè lơi bè bơta pràn tam rơmi\t pơrhê tàm càr Daklak, tơngai di pal nàng tam rơmi\t là tơngai lơi, ơ kỹ sư?

Kỹ sư Mai Anh Tùng: “Gơ wèt mờ tờm rơmi\t pơrhê gơdờp ngan mờ kơnhoàl ù tiah trồ tiah bơh Tây Nguyên do dê, den tàng cồng nha lơh geh uă ngan, mờ broă tam bơh lài tus tu\ do tam jat bơta mờng quèng bơh yau, den cau geh jat tàm dơ\ mìu sơnrờp nàng tam, pơgăp tàm nhai 3, nhai 4 tus dì nhai 5 tàm nam. Tus nhai tus tơngai tơnhàu den pa sa tềp nam tơnơ\ den là geh tơnhàu”.

Ơi, ơ kỹ sư, bè hơ\ ală tu\ tam sơngka sền gàr rơmi\t, sùm pal sơrlèt gan ală tu\ tơngai ngan ngồn lơi?

Kỹ sư Mai Anh Tùng: “Tàm ală tu\ tam, broă bơh sơnrờp mờ bol he lơh là lơh ù, lơh àr ơnàng mờ ring bal nàng pleh gơbam dà mờ pơrdô dà. Àr ơnàng bơh 1 thơk 2 tus 1 thơk 5 mờ bol he tam sèng bơkang tềng hơđang àr mờ bơta ngài pơgăp 30 nhân 50 phơng.

Tơngai sơnrờp, tờm rơmi\t tơnơ\ pơgăp 15 ngai geh căt bồ mat. Tơngai pơn jat tai tờm rơmi\t hòn bơh 3 tus 5 nha den he geh ơn phơng mờ jì nhơ\t dơ\ dùl. Tus dì tu\ tờm rơmi\t sơnđờm căt ntê den he ơn bơtơl tai phơng dơ\ 2. Ơn bơtơl tai phơng dơ\ 3 geh là tu\ tờm rơmi\t sơnđờm geh uă nha. Ală tơngai pơn jat tai, den tờm rơmi\t sơnđờm gơjrùh nha mờ ai tơnhàu. Tơngai tơnhàu pơgăp 1 nhai”.

Kung bè ală tờm chi tam ndai sơl, tàm ală tu\ kis dờng, tờm rơmi\t sùm gơtìp bàr pe bơta kòp lơh aniai, tu\ hơ\ dilah ngui sơnơm hoá học den geh lơh aniai bè lơi tus mờ bơta niam kơnuh rơmi\t dê tu\ tơnhàu, ơ kỹ sư?

Kỹ sư Mai Anh Tùng: “Gơ wèt mờ tờm rơmi\t, ờs mờng den cau lơh broă sa geh ngui sơnơm hoá học tàm sươn pơn yơu bè sơnơm kơryan bơsềt, kơryan kòp, gơsơ\t nhơ\t nàng gơtùi tơrmù cau lơh broă. Mơya bè hơ\, gơ geh lơh aniai tus bơta niam kơnuh dê là jơngkah sơnơm hoá học tàm rơmi\t digơlan uă ir. Ai gơ wèt mờ bơta sơnơm sinh học den gơ ờ go\ gơ gam wơl uă mờ ờ go\ lơh aniai tus bơta niam phan lơh sơnơm tơnơ\ do bơh tờm rơmi\t dê”.

Tu\ do, tàm Daklak uă tiah làng bol tam bơrlu\ bal tàm sươn kơphê tam pa wơl halà tàm sươn tiêu, sầu riêng là uă ngan. Bè hơ\, broă tam bơrlu\ bal do geh cèng wơl cồng nha bè lơi, gơ niam sơl gơ wèt mờ tờm chi công nghiệp jo\ nam halà ờ, ơ kỹ sư?

Kỹ sư Mai Anh Tùng: “Gơ wèt mờ tờm rơmi\t, den broă tam tàm bơrlu\ bal kung geh uă sơl mờ geh cèng wơl cồng nha lơh sa uă, ngui jơh geh ù mờ lơh geh priă jền tàm ală nam sơnrờp bơh ală chi công nghiệp jo\ nam dê nàng ai phan lơyah ngai ròng phan jo\ ngai. Ai ală nam pơn jat tai den nsrum nha bơh ală chi công nghiệp jo\ nam neh geh uă ngan ntê nha den cồng nha lơh geh bơh tờm rơmi\t dê là gơmù”.

Bè hơ\, gơ wèt mờ tờm rơmi\t mìng tam is gơ lơm den bè lơi, kỹ sư geh jơnau bơto pơlam lơi làng bol in nàng tam rơmi\t lơh geh cồng nha sùm mờ kơ\ kơl jăp?

Kỹ sư Mai Anh Tùng: “Gơ wèt mờ broă mìng tam is rơmi\t lơm den cồng nha lơh geh den geh sùm rlau. Mơya, tàm tơngai sơngka sền gàr mờ tam mìng is gơ lơm bơh nam do tus nam ndai kung gam kờ` sơl geh tu\ tơngai ai ù in ơm rlô nàng lơh niam wơl ù”.

Ơi, dan ưn ngài kỹ sư uă ngan!

Cau cih mờ yal tơngi\t- Lơ Mu K’ Yến