VOV4.K’ho - Tàm dơ\ tam dră mờ kòp Covid-19 gơtòp, sơrlèt jơh ală kal ke geh is, tàm hơ\ geh bal broă di gơlan gơtòp kòp uă ngan, ală y, bác sĩ bal mờ cau lơh broă gah lơh sơnơm là ală cau tàm tiah sơnrờp tam dră mờ kòp gơtòp tàm càr Dak Lak gam lời is ing rài kis să tòm, ngai mờ mang lơh broă, pơgồp bal tàm broă kơrian mờ kòp gơtòp.

Mho ngai 30 nhai 7, cau kòp Covid-19 sơnrờp ngan càr Dak Lak geh jun tus hờ hìu sơnơm bơsiă jòr gơl^k mhàm mờ kòp klờm soh càr Dak Lak kung là tu\ mpồl cau sơnrờp ngan tus tàm tiah tam cah is, mu\t tàm dơ\ tam dră mờ kòp Covid-19.

Ală cau lơh broă xét nghiệm tàm Viện Vệ sinh dịch tễ Tây Nguyên gam bơyai lơh gơl^k RNA bơh virus Sars CoV-2 bơh ală phan kòp

Lo\ Lê Thị Bình, atbồ gah Điều dưỡng khoa nội 2 hìu sơnơm bơsiă jòr gơl^k mhàm mờ kòp klờm soh là 1 tàm 54 nă kuang bàng lơh sơnơm tàm hìu sơnơm pà g^t, bơh rơlao 1 poh lơh broă tàm tiah tam cah is, bơdìh mờ broă ờ su\k pah ngai geh sùm rơcang sơndră mờ kòp gơtòp, bơta mờ lo\ sùm rơcang tai là rài kis bàr nă kòn gam dềt ơm tàm hìu.

-Tàm ngai a` lòt mìng thàn đơs bàr nă kòn ơm tàm hìu kơ\p bèp rê mờ hòi điện thoại bèp in là mè pal lòt tam cah is ờ g^t tu\ lơi rê.

Tus ngai dơ\ 2 hơ\ sồng a` hòi điện thoại pu me in, hơ\ hơ\ a` hơ\ sồng yal là bàr nă ùr bơklao a` ndrờm pal lòt lơh broă den tàng 2 nă kòn pơyoa mờ mò, di lah sơrlèt dơ\ do den bol kòn rê, di lah ờ den…

3 ngai sơnrờp ờ tu\ lơi gơtùi lơhă b^c, ờ su\k tài ngòt bè kòp ờ uă mờ ờ su\k tus mờ hìu nhă den uă rơlao. Mơya tus ngai do den neh ờ hoan ngòt tai.

Tu\ UBND càr Dak Lak crơng gơs tiah tam cah is tơrgùm bal dơ\ 2 tàm hìu bơsram Đại học Luật Hà Nội-tàm càr Dak Lak, dờp ală làng bol geh tìp rềp mờ cau gơtìp kòp Covid-19, lo\ Nguyễn Thị Khanh, lơh broă tàm hìu sơnơm [òn dờng Buôn Ma Thuột là dùl tàm ală cau sơnrờp ngan lam lài tus tàm do lơh broă.

   Dơ\ b^c ing bơh cau xét nghiệm lơh broă tàm khoa virus, Viện Vệ sing dịch tễ Tây Nguyên dê
Drơng gàr bơta pràn kơl dang să jan ai rơlao 200 nă cau tàm tiah tam cah is tơrgùm bal, lo\ pà g^t, ală y, bác sĩ tàm do geh tam pà gơs uă dơ\ lơh broă, tơl dơ\ lơh broă sùm tàm 6 jơ, soh ală bơta phan ndơ\p, să jan tu\ lơi kung sùh dà kơl hề. Bơta lơh kal ke tus mờ oh mi cau ùr ngan là tàm dơ\ lơh broă ờ gơtùi hùc dà ha là lòt jă brê.

Muh măt cau lơi kung geh go\ gùng pơn chèo, geh cau den glar bòl… lo\ Nguyễn Thị Khanh yal, broă lơh neh rơwah den pal lơh ngan lơh gơs kơnòl.

-Jơh ală tài rài kis mpồl bơtiàn he dê mờ do mìng là broă pơgồp bal bơnah dềt ngan tàm kơnòl să tòm dê mờ bol a` pơnyờ să ngan bè broă lơh bol a` dê.

Lài mờ tu\ mu\t tàm do, a` neh rơndăp lài jơh ală broă tàm hìu nhă ring niam nàng iang nùs tàm do lơh broă. Kòn a` den tu\ do 2 nă gam ơm tàm hìu sền gàr is bal tài bàr nă ùr bơklao ndrờm lơh broă tàm gah lơh sơnơm.

Neh uă ngai do, cử nhân Nguyễn Hồng Quân, drơng broă tàm anih tơrlòng tă nhơm, Khoa virus, Viện Vệ sinh dịch tễ Tây Nguyên ờ geh ngai lơi ơm. Bi pà g^t, ală ngai do khà phan xét nghiệm bơh ală càr tàm Tây Nguyên pơyoa tus uă, 13 nă oh mi tàm khoa pal lơh broă bơh 7 jơ drim tus 10 jơ mang.

Geh ală ngai, rơ\p l^k bơh anih xét ngiệm, ờ hềt thàn hồ ào lơh broă, jơh ală cau lơh broă pal mu\t wơl tàm anih lơh broă tài geh phan xét nghiệm pa. Jơh ală bơta ndrờm wă là pal tàm pơrlòng mờ tơngai nàng ai geh cồng nha xét nghiệm di ngan mờ mhar là pơgồp bal tàm broă kơrian mờ kòp Covid-19 gơtòp.

Bi Nguyễn Hồng Quân pà g^t, broă lơh bơh ală bol bi dê ndrờm g^t loh ală broă nàng sền gàr să tòm, mơya tài gam jơnau đơs mpồl bơtiàn tai, tài bơta lơngăp lơngai hìu nhă bal mờ [òn lơgar den tàng uă kuang bàng pal ơm tơn tàm khoa lơh broă tàm tơngai gơtìp kòp Covid-19 gam gơbàn kal ke:

-Mùl màl tu\ lơh broă den broă niam ờ do ờ dă tàm anih tơrlòng bol a` sùm pal geh niam, broă mờ di gơlan gơtìp kòp ndrờm là ờ geh.

Mơya tài nùs nhơm cau tàm hìu geh tu\ kung ờ gơtùi đơs den tàng bol a` dan mờ kuang đơng lam khoa mờ yal mờ cau tàm hìu là bol a` ơm tơn tàm khoa nàng lơh broă.

 Kung kờ` kòn lòt nhơl mờ cau tàm [òn lơgar den uă tu\ cau tàm [òn lơgar bal kung ờ hoan geh jơnau pin pơrdah sơl.

Pah ngai tam dră tơn mờ kòp gơtòp ngòt rơngơ\t ngan, mpồl y bác sĩ bal mờ cau lơh broă gah lơh sơnơm tàm càr Dak Lak gam ơm ing jơh ală broă lơh tàm rài kis să tòm, lơh ngan ai jơh pràn nàng lơh niam kơnòl, tài bơta pràn kơl dang să jan mpồl bơtiàn, tài nùs nhơm pin dờn kơrian mờ kòp gơtòp.

Cau mblàng Ndong Brawl