VOV4.K’ho -  Lơh pas la bơta kơp kờ` bơh ua\ ngan cau. Mờ ala\ cau lơh broa\ sa suơn sre tàm Daklak, lơh pas ờ tềng lơi ngài mờ mo tơn tềng ù tiah he dê. Mờ sơnơng mờ lơh ngan hơ\,  geh ờ ua\ cau lơh broa\ sa neh gơ gơs cau pas geh pria\ tơmàn.

Sơnrờp  pal yal tus jơnau lơh pas bơh  hìu nha\ mò Nguyễn Thị Thái Hà tàm thị trấn Quảng Phú, kơnhòal Cư\ Mgar, càr Daklak. Tàm ala\ nam 1990,  tàm broa\ lơh lòt jòi gùng kis, hìu nha\ mò Hà geh tus ơm kis lơh broa\ sa tàm kơnhòal Cư\ Mgar, càr Daklak. Bơh nđờ nam bòr glar kal ke, mò Hà  neh blơi geh 5 lồ ù. Bơh sơnrờp mò Hà kung mìng tam kơphe, hơ\ sồng geh jòi bơsram, đòm jat mò neh lơh  broa\ la tam bơrlu\ bal  ala\ bơta chi tam tàm suơn kơphe. Go\ geh cồng nha bơh  ala\ bơta chi tam pa, ala\ sơntìl pa, den rhời gơ bơtàu tơngguh rhời, tus tu\ do mò neh geh 22 lồ ù mờ ua\ ngan bơta chi tam bơh kơphe tus plai pơnat, bơ,  plai bung... Ua\ ngan la ala\ bơta chi tam mờ sơntìl pa ai cồng nha tơnhàu ua\, ai geh kờp bal pah nam di 7 tơmàn pria\. Tam pà bè broa\ lơh he dê, mò Nguyễn Thị Thái Hà đơs:

Bơh sơnrờp a` tam 5 rbô tờm kơphe, 3 nam tơnơ\ kơphe tơnhàu geh den kơphe tac gơmù pria\, a` go\ gơ lơh êt ngan  mờ ala\ bơta sơntìl chi tam kis a` tam nàng kìng càl tam tơnhàu tiêu, bơh ala\ nam  go\ sầu riêng kung di pal mờ ù Tây Nguyên a` geh tam  sầu riêng. Tơnơ\ geh tam den  gơ geh gơ kờ` bal jat gơ,  den tàng pah ngai 4 nam tơnơ\ tờm sầu riêng gơ geh  gơ tơp plai sơnrờp bơh hơ\ pah nam geh plai a` geh bơsram tai nàng plai gơ slơ niam, khà plai ua\. Tus tu\ do,  kờ` lơh broa\ sa ir a`  tam plai bung, pơnat  thái,  tờm kroac lơ ngồt gam  pic plai a` go\ kung geh cồng nha sơl.

Ờ ua\ ù bè hìu nha\ mò Hà, hìu nha\ ồng Y ‘ Mai K’Nul kòn cau Rơđê kis tàm xã Cuôr Đăng, kơnhòal Cư\ Mgar mìng sơnđờm  lơh sa mờ 5 sào ù tam kơphe. Tam  bơrlu\ bal mờ tiêu, tờm chi sa plai tàm suơn kơphe, bal mờ ròng kơnrồ. Trơyang, geh bal geh ngui ala\ jơnau git wa\, khoa học kỹ thuật tàm lơh sa neh  dong ồng geh pria\ jền niam, bơtàu tơngguh lơh sa  rhời jat pah nam. Tus tu\ do, hìu nha\ ồng neh geh 1 lồ 5 sào kơphe tam bal mờ tiêu, chi sa plai bal mờ ròn phan, geh kờp bal bơh hìu nha\ geh bơh 500 tus 700 tơlak pria\ dùl nam. Kờ` bơtàu tơngguh lơh broa\ sa kơljap  ồng Y’  Mai đơs la,  cau lơh broa\ sa pal geh ngui geh cồng nha rlau tàm lơh sa.

Pal kờp du\ lài jơh la broa\ geh ngui sơnơm sền gàr phan tam  bơh chi tam nàng geh ngui jat khoa học kỹ thuật. Lơh mbè lơi pal bơsram lài jơh la bơh tàm sra\, tàm bao\, tơnơ\ hơ\ la geh lòt sền bơsram bơh ala\  cau lơh suơn, go\ cồng nha geh ngui hơ\ sồng gơtùi lơh geh.

Jơnau yal bơh mò Hà mờ ồng Y’ Mai mìng la 2 tàm  ua\ ngan jơnau yal go\ tờm ngan bơhg lơh sa  bơh sa\ tờm cau lơh broa\ sa. Pah na\ cau geh tơk dùl  sơnơng,  dùl broa\ lơh, mờ ala\ bơta lơh sa krơi is, mơya tềng khi drờm geh bơta  bal  la  lơh ngan lơh sa mờ geh ngui ala\ bơta pa tàm lơh sa, Geh rcang  lơh lài  tàm jòi bơsram, lơh li la pria\ geh, ờ sơnđìng tàm dùl bơta chi tam, phan ròng mờ la khi geh tam dra\ di pal mờ  ala\ tam gơl trồ tiah nisơna kung bè bơta gơguh gơmù bơh drà ka\ bro.

                            Cau cih mờ yal tơnggit K’ Brọp