VOV4.K’ho - Tơnơ\ ala\ nhai bơh kàl prang, mut tàm kàl mìu, kơphe kờ` geh ngan  sơng ka sền gàr nàng geh lời prap  phơng ròng plai mờ cat ntê  geh ntê plai nam tơnơ\. Mờ kơphe gơbàn trồ  prang soat dà, broa\ sơng ka sền gàr slơ geh pal sền rlau nàng kơphe geh mhar gơ cat pràn rlau. Kỹ sư Nguyễn Thị Thảo anih tờm bơto pơlam broa\ lơh sa suơn sre càr Daknông, dong pơlam:“Tơnơ\ kàl prang jo\ jòng den  suơn kơphe geh gơbàn ro ntê mờ gơ jrùh plai, nàng  gàr niam bơta do den tàm  kàl mìu lài jơh he pal lơh kloh suơn chi, koh sang ala\ ntê ro, ntê tu sa aniai, lơh kloh suơn, tơnơ\ hơ\ tơngguh  khà phơng geh tuh: Lài jơh la bồm  phơng đang nha, tơnơ\ hơ\ geh ngui ala\ bơta phơng vô cơ den khà đàm mờ lân pal tơngguh  ua\  rlau pơndrờm mờ ala\ nam bè ờs, mờ bal mờ hơ\ kờ` pal tuh tai phơng hữu cơ nàng lơh mbùr ù, lơh  rơyas kơphe cat pràn”.

Jat kỹ sư Nguyễn Thị Thảo, bal mờ bơta bơh trồ ờ mìu lơh kơphe gơbàn ro ntê, gơ jrùh plai, mut tàm kàl mìu,  kơphe bươn ngan gơ jrùh plai is bơh gơbàn ua\ ir dà, khà plai gơ jrùh di gơlan geh tus 20%:“Tàm tơngai nhai 5, nhai 6 do,  den gơ geh gơ jrùh plai bè ờs, gơ jrùh plai mờ tềng boai geh tềl jù mờ kơmhò plai kơphe. Den làng bol pal sùm geh lòt còp  suơn nàng git gờ`, dilah kơphe ờ tơl phơng den gơ geh lơh gơ jrùh, hala plai ua\ ir gơ kung geh gơ jrùh bà. Nàng kơryan bơta gơ jrùh plai den làng bol gơtùi geh bồm ala\ bơta phơng tam pà tus 3 dơ\, tàm bồ nhai mìu,  dơ\ 2 la tam gùl nhai mìu di tàm nhai 7, mờ  dơ\ 7 la tàm di nhai 9. Tàm tơngai lồi den pal tơngguh tuh ua\ kali, tài tu\ do kơphe kờ` ngan nàng geh bơta  rong plai”.

Ala\ bơta kờ` kuơ màng ngan mờ broa\ sơng ka sền gàr suơn kơphe tàm kàl mìu la pal tuh phơng, bồm sơnơm tu mờ koh ntê mờ ròng ntê kờ` gàr niam cồng nha kơphe geh tus nam tơnơ\. Kỹ sư Nguyễn Thị Thảo, đơs:“Kàl mìu den he pal kah tus broa\ sền gàr, tam pà dềt  ua\ dơ\ tuh phơng. Mờ pal lòt kleh tờk cat sùm, mờ di nhai 8 nhai 9, ala\ ntê gơ neh gơ cat ua\ den sùm pal koh sang nàng kơryan tu sa aniai, mơ kung geh lời wơl ala\ nte ròng kờ` geh plai nam tơnơ\,  ala\ ntê dờng pràn cat ring jơh ala\ gah, ờ gơ cat gơ sơlơu\ wơl tàm  dơlam”.

Mờ ala\ suơn chi ờ geh bơta pràn nàng cat  dờng gơs wơl bè ờs, làng bol ờ go\ di tam pa wơl kơphe mo , mờ pal geh tam pơdar mờ ala\  jơi chi khoah, hala tam gơl gơs tam chi tam ndai êt kờ` dà lơgar nàng pleh gơbàn trồ ờ mìu. Broa\ ngui sơntìl kơphe sơri bơkiar kung ờ gơtùi tam dra\ jai mờ prang, tiah ờ tơl dà. Kỹ sư Nguyễn Thị Thảo  đơs lài“Tiah  kơh bơnơm he do den ala\ jơi kơphe  pa mờ Viện khoa học kỹ thuật nông lâm nghiệp neh lơh geh la bơh TR4 tus TR12, den ờ geh sơntìl kơphe kong mờ trồ prang. Mờ kơphe  sơri dilah lời gơ kis  dờng bè ờs den rơyas gơ geh gơ mut jrô den kung gơtỳi  kong jai mờ prang geh, gơya tu\  he koh cồng den rơyas gơ kung  ờ cat mut jrô tai tàm ù nàng gơ geh gàr  ring bơh  đang tờm mờ tam tiah ù, den cat cồng nha mờ  bol a`  geh bơyai geh den  tờm bơkiar gơ kung ờ kong mờ prang ua\. Mờ dilah tam pa wơl kơphe mo den la ờ lơh di pơlam,  mờ a` đơs mờ làng bol ba` di tam pa wơl kơphe bè hơ\, mờ pal  geh lơh tam  chi ndai pơdar ù”.

          Cau cih mờ yal tơnggit K’ Brọp