VOV4.K’ho – Tàm tu\ ua\ tiah làng bol kòn cau tàm Tây Nguyên gam ngai sơlơ tam gơl pa ngan, niam chài ờs mờng gơtìp roh hui\ hời rơ hời den tàm thị trấn Di Linh, càr Lâm Đồng, cau K’Ho he tàm do kung gam prap gàr ală hìu rơng bơh jo\ bal mờ ua\ phan ngui tàm hìu bơnhă bơh yau lời wơl. Do là rài kis chài rơ gơi niam ngan cau K’Ho dê kờ` pal geh sền gàr.

Tổ dân phố Di Linh Thượng 1 mờ Di Linh Thượng 2, cau K’Ho kung gam hòi mờ mat đềt mềr ngan là “[òn Njrềng” gơ ơm tàm tiah tàm gùl thị trấn Di Linh, càr Lâm Đồng. Tiah do, cau K’Ho kung gam prap gàr wơl 2, 3 nơm hìu rơng bơh jo\ gơ lơh bè gam bè ờs bơh yau tơn, bal mờ ua\ phan ngui mờng quèng tàm rài kis bơh yau lời wơl bè: cing, sơnggơr, bơnhă ồs mờ git nđờ jơt nơm drap, yang yau.

Hìu bơnhă ồng Moul Sơn, ơm tàm tổ dân phố Di Linh Thượng 1 là dùl tàm khà dùl êt ngan hìu bơnhă gam prap gàr hìu rơng bơh jo\ cau K’Ho dê. Tàm hìu tu\ do gam prap gàr pơgap 70 nơm drap, yang dờng, dềt ală bơta. Tàm hơ\, geh 2, 3 nơm drap yau mờ cau K’Ho hòi là Gong. Ală cau tac bro phan yau dan blơi 50 tơlak đông dùl nơm, mơya hìu bơnhă ờ bài tac. Ồng Moul Sơn pà git: hìu do neh geh tu\ lơh yàng sa rơpu bơh cau K’ho dê rlau 10 dơ\ bloh mờ dơ\ dut ndơl geh lơh tàm nam 1984, hìu bơnhă pơ dơng lơh yàng dơ\ le\ bal 2 nơm rơpu. Ồng pơn iờ să ngan bè niam chài bơh jo\ hìu bơnhă dê:

“Do là bơta niam chài rơ gơi, là phan kuơ hìu bơnhă dê bơh mò pàng lời wơl pal geh prap gàr. Rài bol hi gam gơtùi git kah yau niam chài kòn cau he dê, mơya rài kòn sau tơnơ\ do ờ gơtùi git nền là khi gam git bơta kuơ bơh cing, drap, yang, hìu rơng yau dê tàm rài kis [òn lơgar halà ờ, den tàng pal sền gàr, prap gàr. Kơp kờ` dà lơgar, gơnoar atbồ tàm [òn lơgar sền gròi, geh broă lơh dong kờl tàm broă lơh niam wơl hìu rơng, sền gàr bơta niam chài rơ gơi kòn cau ơm kis bơh jo\ tàm tiah do dê. Bol hi kung geh bơto tơngkah rơnàng kòn sau in git sền gàr bơta niam chài rơ gơi mò pàng he dê lời wơl, bơta niam chài kòn cau he dê. Do là ală phan lời kir kuơmàng ngan, geh pria\ kung digơlan ờ gơtùi blơi den tàng he pal git sền dờng màng mờ sền gàr ai ală rài tơ nơ\ do in”.

Ală cau kra tàm Di Linh yal wơl: Rài yau, cau K’Ho pah nam, bơdìh mờ 2, 3 broă lơh yàng geh lơh tàm [làng sre, bồ [òn, mbòr dà den ală dơ\ lơh chờ, lơh yàng dờng, krơi is, bè cèng kòi rê prap tàm đăm, tàm drong, lơh yàng `ô lir bong, lơh yàng sa rơpu… sùm geh lơh tàm hìu. Ală broă lơh yàng cèng wơl nùs nhơm chờ hờp, ram mhu\ gơ rề ua\ tàm làm gùt [òn lơgar. Ală dơ\ lơh yàng là che tơrbo\ kơ\ kơljap đah ală cau tàm [òn lơgar; tam pà, dong kờl bal mờ gơp tàm broă lơh sa. Bơh hơ\ ală rơnàng cau K’Ho pơn iờ să ngan bè niam chài bơh jo\ kòn cau he dê.

Jat khà kờp bơh sơn rờp, tu\ do tàm tổ dân phố Di Linh Thượng 1 mờ Di Linh Thượng 2, thị trấn Di Linh, càr Lâm Đông gam pơgap 30 nơm hìu rơng bơh jo\ gơ lơh gam bè ờs bơh yau tơn. Hơ\ là ală hìu bơh ồng K’Brịp, hìu bơnhă ồng Moul Sơn, ồng K’Mês, ồng K’Dùl, mò Ka Dép… Ồng K’Sội, Phó Bí thư Chi bộ, kuang atbồ mpồl lơh broă Mặt trận Tổ dân phố Di Linh Thượng 1 yal: broă làng bol gam prap gàr ală hìu rơng bơh jo\ cau K’Ho dê bè do là pal sền ngềr ngan. Kuơmàng, tàm hìu gam geh bơnhă ồs, geh cing mồng, drap yau mờ ua\ phan ngui mờng quèng ngan tàm rài kis cau K’Ho dê bơh yau. Do là anih nàng gàr sùm ală broă lơh yàng ờs mờng kòn cau he dê:

“Rài ồng mò bol he dê tàm [òn Njrềng rài yau là ală cau jak chài, gàr sùm, prap gàr niam chài ờs mờng. Bè hơ\ den tàng, rài kòn sau bol he pal git wă tàm broă sền gàr hìu rơng, cing, drap yau neh lời wơl. Kơp kờ` Đảng, dà lơgar sền gròi ua\ rlau tai tus broă prpa gàr niam chài bơh jo\ làng bol kòn cau dê, ngan là ală broă lơh yàng ờs mờng, geh bè hơ\ den làng bol hơ\ sồng gơtùi gàr sùm rài kis niam chài cing mồng…. tài do là bơta niam chài bơh jo\, sùm lơh gơlik nùs nhơm chờ hờp, ram mhu\ gơ rề làm gùt [òn. Tu\ do, bơh ală dơ\ tìp mat, `ô sa chờ hờp tàm hìu bơnhă, bol hi kung sùm tơngkah, bơ to bơtê kòn sau in bè pơrya kuơmàng mờ bơta chài dròng cing mồng, bơta chài ngui cing mồng nàng ờ gơtìp roh hui\, lơh roh bơta niam chài kòn cau he dê”.

Tàm tơngai mpồl bơtìan mut gơ rờm bal, Đảng mờ Dà lơgar sùm sền gròi mờ geh broă lơh sền gàr, bơtàu tơnguh ală bơta kuơ chài rơ gơi niam bơne\ bơh ală kòn cau dê. Làng bol ală kòn cau pơn iờ să ngan bè niam chài bơh jo\ kòn cau he dê. Broă prap gàr ală hìu rơng bơh jo\ cau K’Ho dê tàm thị trấn Di Linh, kơnhòal Di Linh, càr Lâm Đồng là pal sền dờng màng ngan.

Cau lơh bal Ndong Brừm cih – cau mblàng K’Duẩn