VOV4.K’ho- Biăp trau (jat dà kòn cau Rơđê là Djam bua) là dùl tàm ală phan sa bơkah krơi is ngan, cèng bềng bơhìan bơh yau kòn cau Rơđê dê tàm càr Dak Lak, Dak Nông. Phan sa do tơr gùm uă phan te\ geh is mờ gơm kal ke ngan, Biăp trau geh sền là phan sa “mpồl bơtìan” ờ gơtùi ờ geh tàm ală dơ\ lơh yàng duh khoai, chơ\t [ồc mờ tam dơ\ sa `ô bau… kòn cau Rơđê dê.

Jat kòn cau Rơđê, trau geh gơm biăp bơkah ngan rlau jơh là trau kiăt ờ hềt bơtờp. Trau do hòn uă tàm gah dà croh, tiah thòng tàm brê. Tờm trau mờ ngkòng thàp dềt, nha tơlir mờ kiăt. Tu\ hìu bơnhă, [òn lơgar geh dơ\ lơh chờ tam bau hala tơ\p [ồc, kòn cau Rơđê hơ\ sồng mut tàm brê p^c trau. Ngkòng trau cèng rê sang te\ nha, klồ kơmhò, rào kloh den koh gơl lơyah.

Blơn bơtang, trau kiăt… ngui nàng gơm biăp trau

Nàng gơm biăp trau bô thồm bơkah, kòn cau Rơđê gam ngui 2,3 phan te\ ndai bè ntìng sur, kơn rồ, poăc kơn rồ, vếch kơn rồ (pròc mơda kơn rồ), gòl ju, blơn bơtăng, mre\, pơnat kơnòm, bơl hong… Jat bơta bơkah tơl hìu bơnhă dê mờ ală phan te\ gơtùi te\ uă phan tai halà ờ. Mơya, ală phan gơm pal di pal, ờ uă ir nàng pleh mờ bơta lơh roh te\ bơta bơkah krơi is bơh biăp trau dê. Tàm hơ\, gòl ju kung là 1 tàm lă phan te\ tờm, lơh bơkah tai bơta krơi is bơh phan sa dê.

Jat bơta mờng chài bơh kòn cau Rơđê dê, phan sa gơm bơh ju brê bô thồm bơkah, pal rơ wah ju ờ mơda ir kung ờ krà` is. Să ju kung mìng ai bơh tờm tus să ju hơ\ sồng bơkah mờ lơbơn, ờ di ai tai cồng ju tài bơh gòl ju tềng do gơ bơsơ\t. Ju koh rê, plồ kơm hồ bơdìh nàng ai gòl ju kò, lơbơn mờ rơngồt. Tu\ gơm, cau tru\ jak ngan ai [à bơsơ\t ju dê nàng tu\ gơm ju ờ hoan bơsơ\t, lơh phan sa in bơkah rlau.

Biăp trau kòn cau Rơđê dê biăp trau

Tơnơ\ rào, lơh jơh ală phan gơm do, gơm dà duh den hơ\ sồng te\ trau, ntìng sur, ntìng kơn rồ, blơn bơtang, gòl ju… gơm ai gơ in lơbơn. Tơnơ\ hơ\, pơgap 1 jiơ  tơnơ\ hơ\ sồng te\ tai poăc kơn rồ, vếch kơn rồ mờ gơm tai. Cau ùr kòn cau Rơđê gam kờ` ngan klài bòk phe mờ nha pơ`ao (dùl nha brê sùm geh kòn cau Rơđê ngui nàng lơh phan te\) nàng lơh geh bơta gơ klăc mờ tơnguh tai bơta bô thồm ai phan sa in. Lồi du\t là te\ mre\, hàn mờ dùl ết boh, bòk ngòk. Tu\ bơta bô thồm uă là tu\ biăp neh gơm jơh, glah biăp geh ơn tai tàm bơnhă mờ ồs dềt gơn tus di tu\ sa hơ\ sồng tồ glah.

Pah dơ\ tàm hìu bơnhă halà tàm [òn geh dơ\ sa chờ hờp, halà chơ\t bồc, cau ùr kòn cau Rơđê tơr gùm wơl tai, tơl nă cau dùl tê rcang ală phan tru\ dùl glah biăp trau dờng. Biăp trau bơkah, bô thồm, cèng bơta bal hiă mờ niam ngan bơh brê bơnơm dê, ơn prap bơta kuơ nùs nhơm uă ngan bơh mpồl bơtìan kòn cau Rơđê dê.

Jat sră ba\o Dak Nông- Cau mblàng K’ Hạnh