VOV4.K’ho- Tềng đăp bơta gơbàn kal ke bơh kòp bơtờp do dê, mpồl kuang bàng bơh Bộ Y tế dê neh tus tàm Tây Nguyên bơyai ală broă lơh sơrbac mhar kơryan kòp bơtờp bạch hầu tàm tiah do.

Bơh nhai 6 tus tu\ do, neh geh 72 nă cau bơtờp kòp bạch hầu tàm 10 thôn, [òn gơ wèt 4 càr Tây Nguyên. 3 nă cau neh chơ\t bơh kòp do. Sơnam bơtờp uă kòp bạch hầy là bơh 3 tus 60 sơnam. 28 nă cau geh bơta gơ tơngo\ kòp, khà cau bơtờp kòp ờ geh bơta gơ tơngo\ kòp geh tus mờr 50%. Bơta do pà go\, jơnau pơhìn uă bè lơh bơtờp mhar kòp bạch hầu tàm Tây Nguyên là loh làng ngan. Mblàng đơs bè jơnau pơhìn kòp bơtờp, Tiến sĩ Đặng Quang Tân, Kuang ătbồ Cục Y tế dự phòng pà gi\t: Bơta geh ngan tàm ală [òn lơgar geh kòp ndrờm là [òn lơgar tàm tiah sar lơgar ngài, tiah jơi bơtiàn kòn cau. Tu\ bol a` lòt sền ngan ngồn den go\ gùng lòt rê kal ke ngan. Ală [òn ờ geh rơndeh nàng lòt rê. Tu\ kuang bàng lơh sơnơm tus den làng bol sùm ờ geh măt tàm hìu, kal ke ai broă lơh ci\t sơnơm rcăng sơndră kòp in. Bal mờ hơ\, den broă ală [òn sùm tơrgùm răc yàng, tàm ală hìu lơh tàm nđir bal, kung là anih [ươn ngan nàng ală cau geh gơdram kòp bạch hầu tàm să lơh bơtờp tàm mpồl bơtiàn.

Tàm khà ală càr tàm Tây Nguyên den Dăk Nông geh khà cau bơtờp kòp bạch hầu uă ngan rlau jơh, bal mờ 28 nă, pơn jăt hơ\ là Kon Tum 24 nă. Nàng kơryan kòp bạch hầu tàm ală càr tàm tiah Tây Nguyên, Bộ Y tế neh lam lơh uă broă lơh, bè ơm yah is ală tiah geh cau gơbàn kòp, jòi sền ală tềl tơngo\ ală bơta bơtờp kòp, sơm kòp jơh nùs ală cau neh bơtờp in, bơyai lơh ai hùc sơnơm kháng sinh, ci\t sơnơm rcăng sơndră kòp ai rlau 10 rbô nă làng bol tàm ală thôn, [òn geh cau bơtờp kòp bạch hầu.

Mìng is càr Gia Lai, mờ khà cau geh sền go\ bơtờp kòp là 17 nă, dùl êt rlau mờ càr Dăk Nông bal mờ Kon Tum mơya geh đơs là pal kơlôi rcăng ngan, tài bơh geh 1 nă cau chơ\t, 1 nă cau gơbàn kơn jơ\ gam geh sơm kòp jơh nùs ngan.

Nàng kơryan kòp bạch hầu, broă lơh rcăng sơndră kòp tàm càr Gia Lai geh lam lơh niam ngan, bè: ơm yah is, [ồm sơnơm lơh kloh [ơ\, mờ ală broă lơh ndai nàng gròi sền tiah gơdram kòp lơh bơtờp kòp. Tàm tiah geh kòp tàm [òn Bông Hiot, xã Hải Yang, kơnhoàl Đăk Đoa, gơnoar ătbồ xã Hải Yang neh crơng gơs mpồl lơh broă dong kờl is nàng dong làng bol [òn Bông Hiot bè mblàng yal, hòi jà làng bol rcăng sơndră kòp jăt jơnau bơto sồr; dong kờl di tu\ ală làng bol in tu\ blơi halà geh jơnau kờ` pal geh ngan ngồn tàm rài kis. Jăt ồng Mai Xuân Hải, Kuang ătbồ Sở Y tế càr Gia Lai đơs, gah lơh sơnơm càr dê neh rcăng lài wil tơl ală bơta nàng kơryan kòp.

Ồng Mai Xuân Hải, đơs tai: Gah lơh sơnơm neh rcăng wil tơl ală bơta bè sơnơm tơm ba, dà sơnơm mờng ngui nàng rcăng sơndră kòp. Tu\ do, bol a` pơn jăt tai jăt sền bơta gơbàn bơh kòp dê, di tu\ ai ơm yah is, jòi lùp wơl tiah geh kòp, ai ơm yah is di tu\ ală cau pin bơtờp kòp, sơm kòp jơh nùs ai ală cau bơtờp kòp in, tơrmù uă ngan rlau jơh bơta lơh bơtờp kòp mờ tơrmù [à jơnau pơhìn digơlan gơbàn chơ\t să tài bơh kòp do.

Đơng lam dơ\ lơh broă, Giáo sư- Tiến sĩ ồng Nguyễn Thanh Long, ătbồ ing Bộ trưởng Bộ Y tế đơs nền: Nùs nhơm bơh Bộ Y tế dê là pal bơsong kòp do mhar ngan rlau jơh mờ ờdo ờdă ngan rlau jơh, mơkung kơ\ kơl jăp ai ală nam pơn jăt tai in. Bulah geh ală bơta gơbàn kal ke bơh kòp dê, mơya ală càr tàm tiah Tây Nguyên geh bơta gơn kơnờm gờ` kơryan geh kòp bạch hầu, tài bơh do ờ go\ di là kòp krơi. Ală càr kung neh ai ơm yah is di tu\, jòi lùp tềl tơngo\ gơbàn kòp geh cồng nha, pràn jak xét nghiệm neh geh tơnguh uă. Dăk Nông là tiah geh kòp bơtờp kal ke ngan rlau jơh mờ neh gơtùi xét nghiệm is; ală càr ndai gơtùi xét nghiệm di tu\ tàm Viện Vệ sinh dịch tễ Tây Nguyên. Bộ Y tế neh rcăng lài 500 rbô ding sơnơm vaccine kòp bạch hầu nàng Tây Nguyên in kơryan kòp.

Cau cih Dương Đình Tuận- Cau mblàng Lơ Mu K’Yến