Jăt mờ hơ\, kờ` tơnguh broă rơcang sơndră mờ kòp gơtòp tàm hìu bơsram, Bộ Y tế neh cih jơnau bơto sồr tàm broă lơh tu\ geh ală cau gơtìp duh să, bơsiă, glar tă nhơm tàm hìu bơsram kờ` tơmù ờ uă ngan broă gơtòp kòp, gàr niam bơta pràn kơl dang să jan, ờ do ờ dă broă bơto mờ bơsram.

Jăt jơnau bơto sồr, tu\ go\ kơnòm bơsram, cau bơsram dờng, cau pơgru geh dùl tàm ală bơta tơngo\ bè duh să, bơsiă, glar tă nhơm (cau geh pin), hìu bơsram pal lơh jăt ală broă tơnơ\ do:

Cèng mơ cau geh pin tus tàm tiah tam cah is tàm jơdu\ lơh sơnơm ha là tiah geh hìu bơsram ai lơh. Tơmù broă tìp mờ ală cau gùt dar, pleh mờ tìp rềp hờ đơm 1 thơ\k mờ ală cau ndai.

Cau lơh sơnơm tàm hìu bơsram pơn chèo y tế, srồm tê, ngui phan soh y tế (phan soh y tế do pal geh bơsoh lài mờ tu\ l^k bơdìh jơdu\ y tế ha là tiah tam cah is mờ pìh kloh mờ dà sơnơm rào ha là sơ[ong lài mờ tu\ soh tai, ba` pìh bal mờ ală phan biài ndai). Mờ ai chèo y tế bal mờ bơto sồr tàm broă pơn chèo di ai cau gơtìp pin in.

Cau lơh sơnơm lùp bè broă geh tìp mờ ală cau lơi, gơwèt mờ cau pơgru, cau bơsram dờng den lùp tơn. Gơwèt mờ kơnòm bơsram phổ thông, hòi jà cau mè bèp tus hờ hìu bơsram kờ` pơgồp bal lùp bè broă neh tìp mờ cau lơi mờ lơh jăt ală broă kờ` bơsong niam. Di lah cau geh pin ờ geh bơta tơngo\ tìp mờ cau kòp den geh lơh bè tơnơ\ do:

Sơm kòp ală bơta duh să, bơsiă, glar tă nhơm. Di lah kờ den cau lơh sơnơm hìu bơsram cèng cau pơgru, cau bơsram dờng ha là pơgồp bal mờ mè bèp cèng kơnòm bơsram tus hờ hìu sơnơm rềp ngan kờ` di tu\ sơm kòp.

Cih wơl ală jơnau tơng^t tàm pang sră sền gròi bơta pràn kơl dang să jan kơnòm bơsram di jăt mờ kơrnoăt geh ai tàm Thông tư liên tịch sồ 13/2016/TTLT-BYT-BGD mờ ĐT ngai 12/5/2016 bơh ală Bộ Y tế-Bộ Giáo dục mờ Đào tạo bơto sồr broă lơh sơnơm hìu bơsram.

Di lah cau gơtìp pin geh dơ\ tìp m cau kòp, pơn diang tus hìu sơnơm kờ` tam cah is mờ sơm kòp. Kuang bàng lơh sơnơm hìu bơsram pơgồp bal mờ hìu sơnơm xã ha là anih lơh sơnơm geh gơnoar tàm ală tiah kờ` jun kơnòm bơsram, cau pơgru do pal lơh di mờ kơrnoăt geh ai tàm broă sơndră mờ kòp gơtòp.

Ală broă lơh tàm hìu sơnơm: Gơwèt mờ cau geh tìp rềp ha là cau geh gơrềng ndai den lơh jăt jơnau bơto sồr bơh anih lơh sơnơm geh gơnoar tàm ală tiah. Mờ yal jơh ală cau pơgru, kơnòm bơsram, cau mè bèp kơnòm bơsram ai kơnòm bơsram ơm ờ lòt bơsram tơn tus tàm tu\ lơi hìu bơsram geh jơnau yal pa; lơh jăt broă pas wàs, [ồm sơnơm mờ lơh kloh tiah kis jăt jơnau bơto sồr bơh Bộ Y tế dê.

Jơdu\, tiah tam cah is pal geh tơl: Ai lài jơdu\ tam cah is geh broă lơh kloh niam tơl tơn. Gàr niam broă lơh jăt broă sơndră mờ gơtòp mờ broă lơh kloh niam nhơm kis, ba` ngui măi lơh mrềt. Pah ngai, jùt, rào bơnàng hìu, tê at mpồng mờ ală phan ngui tàm jơdu\ lơh broă mờ ală dà lơh kloh vi khuẩn ha là dà rào kloh bè ờs. Gàr hìu jă brê kloh niam. Tàm jơdu\ geh ơn phan rào tê mờ sơ[ong ha là dà lơh kloh vi khuẩn tềng te mhar kờ` [uôn ngui.

Ơn thùng sìô siă geh bơno\p til. Tơrgùm niam chèo gòm muh măt, pơ-àr jùt muh măt, bơr, sề neh ngui bơh cau tam cah is ơn tàm thùng sìô siă. Gơwèt mờ cau geh tìp mờ cau gơbàn kòp den tơrgùm, pơn diang mờ lơh kloh bè phan sìô siă gơtòp jăt jơnau bơto sồt bơh hìu sơnơm xã; tơrgùm ală sìô siă tơl^k bơh rài kis ndai tàm thùng ơn sìô siă bè ờs.

Gàr niam phan lơh sơnơm di jăt mờ kơrnoăt geh ai. Geh kơrnoăt tiah tam cah is: tơmù ờ uă ngan ală cau ờ geh broă mu\t tàm tiah tam cah is; gàr niam bơta lơngăp lơngai, ờ do ờ dă; ba` bơyai lơh sào sa tơrgùm bal gal cau tàm tiah tam cah is; ai phan sa cau tam cah is in mờ gàr niam ờ do ờ dă tàm phan sa.

Cau mblàng Ndong Brawl