VOV4.K’ho- Kòn dềt gơtìp kòp nCoV bơh sơnrờp tàm lơgar he pa geh sền go\ drim ngai 11/2. Hơ\ là dùl nă sau ùr, 3 nhai ơm tàm xã Quất Lưu, kơnhoàl Bình Xuyên, càr Vĩnh Phúc. Tềng đăp bơta geh ngan do, Cục ătbồ kham sơm kòp, Bộ Y tế neh geh dơ\ cribơyai yal tơngi\t jơnau mờ cau lơh báo bè ală bơta cih dờp pa bơh bơta kòp gơbàn mờ pà gi\t gùng dà tàm jàu hìu sơnơm sơm kòp ai cau kòp nCoV in tu\ do.

Phó Giáo sư, Tiến sĩ ồng Lương Ngọc Khuê, Kuang ătbồ Cục ătbồ kham sơm kòp gơ wèt Bộ Y tế pà gi\t, bơh broă sền go\ kơnòm dềt gơtìp bơtờp nCoV bơh sơnrờp tàm lơgar he, neh pà go\ jơi pa virus Corona neh lơh bơtờp tus tơngai dơ\ 3 F3. Bộ Y tế neh yal tơngi\t mờng chài kham sơm kòp nCoV bơh lơgar Lo mờ ală lơgar ndai dê, kuơmàng là tàm 4 hìu sơnơm tàm lơgar neh sơm bời ai ală cau bơtờp kòp do in.

Gơ wèt mờ ală cau neh geh sơm bời kòp nCoV neh rê bơh hìu sơnơm, Bộ Y tế sồr hìu sơnơm xã pơn jăt tai jăt sền bơta pràn kơldang să jan tàm [òn lơgar nàng gơtùi gờ` sền go\ ală bơta ờ bè ờs bè kòp bơtờp dilah geh.

Cau mblàng Lơ Mu K’Yến