VOV4.K’ho – Tềng đap jơnau tơnggit, geh dùl jơnau yal tàm lơgar ndai đơs là, tơngai gơ drơm kòp Covid-19 digơlan jo\ jòng tus 24 ngai ala mờ 14 ngai bè jơnau yal tu\ do. Bộ Y tế lơgar he dê pà git, ală cau jak chài khà dùl bơh Viện vệ sinh dịch tễ dà lơgar dê gam kơlôi sơnơng, sền sơwì nàng geh ală jơnau pơlam dipal.

Broă đal git di tơngai gơ drơm kòp bơh jơi pa virus Corona lơh gơbàn kòp Covid 19 dê geh pơrya kuơmàng ngan nàng rơcang sơndră kòp do. Kuơmàng là tàm broă ngui tơngai tam cah is, sền gròi pràn kơldang să jan bơh cau geh tềl tơnggo\ gơbàn kòp dê kung bè cau ơm rềp mờ cau kòp Covid19, digơlan bơ tờp virus.

Giáo sư Đặng Đức Anh, Kuang atbồ Viện Vệ sinh dịch tễ dà lơgar pà git, tu\ do Việt Nam kung gam ngui tơngai tam cah is cau pin bơ tờp tàm 14 ngai tus tu\ geh cồng nha kơ lôi sơ nơng, sền sơwì dipal bè jơnau yal tơngai gơ drơm kòp neh gơguh tus 24 ngai: “Jơnau yal bè 24 ngai là dùl tàm ală jơnau kôisơnơng tàm lơgar ndai. Bulah bè hơ\ tu\ do ờ hềt geh ua\ jơnau yal mờ ờ hềt geh loh cơng tàng bè bơta do. Bộ Y tế kung bè Mpồl đơng lam dà lơgar geh jòi git, kơlôi sơnơng ală jơnau yal do mờ geh tơlik ală jơnau pơlam tàm tơngai tus dùl bă dipal. Tu\ do, bol he kung gam lơh jat jơnau pơlam là 14 ngai”.

Kung jat Giáo sư Đặng Đức Anh đơs, tơnơ\ tu\ kơlôi sơnơng mờ tam cah gơtùi jơi pa bơh virus Corona dê, Viện Vệ sinh dịch tễ dà lơgar gam kơlôi sơnơng nền nòn rlau bè rơndap tap sèng gen bơh virus lơh gơbàn kòp Covid 19, bơh hơ\ gơtùi sền là jơi virus tàm Việt Nam geh bơta lơi krơi mờ ală lơgar tàm dunia: “Dùl tàm ală kơnòl mờ bol a` geh Bộ Y tế jàu là kơlôi sơnơng ua\ rlau bè virus mờ kháng thể nàng wèt tus broă lơh gơlik sơnơm vaccine. Ală broă do ờ gơtùi lơh mhar. Bol a` lơh ngan nàng gơtùi geh phan khoa học tàm tơngai tus, gờ` ngan rlau jơh kung pal kơp bơh 6 nhai tus 1 nam den hơ\ sồng gơtùi geh jơnau kơlôi sơnơng bè kháng thể kung bè lơh gơlik sơnơm vaccine”.

Kơlôi sơnơng bè virus mờ kháng thể kung geh pơgồp bơnah tàm broă jòi geh sơnơm sơm kòp Covid 19 tàm lơgar he. Viện Vệ sinh dịch tễ dà lơgar kung gam pơgồp bal mờ mpồl kơlôi sơnơng bơh Học viện Quân y, Đại học Bách khoa mờ Viện sền sơwì sơnơm vaccine mờ sinh phẩm nàng lơh gơlik sinh phẩm, tơmù tơngai sềm mhàm, git go\ virus SARS CoV2 lơh gơbàn kòp Covid 19.

Cau mblàng K’Duẩn