VOV4.K’ho- Drim ngai 22/3, tàm [òn dờng Buôn Ma Thuột, càr Dăk Lăk, Mpồl kuang bàng bơh Mpồl đơng lam dà lơgar rcăng sơndră kòp Covid-19 neh lòt sền broă lơh rcăng sơndră kòp mờ lơh broă mờ kuang bàng đơng lam bồ càr Dăk Lăk. Kờp tus drim ngai 22/3, càr Dăk Lăk ờ hềt sền go\ cau lơi bơtờp kòp Covid-19. Jơh gùt càr neh tam cah is, gròi sền rlau 270 nă cau tus bơh tiah geh kòp, halà tam tìp rềp mờ cau kòp.

Kuang bàng đơng lam bồ Bộ Y tế lòt còp mờ pà phan bàr pe nă cau gam geh tam cah is tơrgùm bal in

Jờng rơ ngan broă lơh rcăng lài rcăng sơndră kòp bơh càr Dăk Lăk dê, ồng Đỗ Xuân Tuyên Thứ trưởng Bộ Y Tế sồr càr pal sơlơ tơnguh rlau tai ală broă lơh rcăng sơndră kòp. Mơkung sền wơl pràn jak lơh sơnơm, cau lơh broă, phan bơna, bơh hơ\ geh broă rơndăp lơh sơndră wơl tàm jơh ală bơta lơi digơlan gơlik geh.

Tàm tơngai tus, jơnau pơhìn gơbàn uă kòp tàm tơngai geh gam sơlơ kal ke tu\ khà cau bơh lơgar ndai rê hờ lơgar ngai sơlơ gơguh, Thứ trưởng Bộ Y tế ồng Đỗ Xuân Tuyên sồr càr Dăk Lăk pal lơh jăt niam broă gròi sền kham sơm kòp gơ wèt mờ ală cau rê bơh lơgar ndai.

Cau mblàng Lơ Mu K’Yến