VOV4.K’ho - Tềng đap mờ kòp sốt xuất huyết (SXH) gơbàn kal ke, Mpồl kuang bàng lơh broă bơh Bộ Y tế geh ồng Lê Thanh Hiền, Phó kuang atbồ drơng broă Viên Vệ sinh dịch tễ Tây Nguyên lam bồ neh tus sền gròi bè broă gơbàn kòp SXH tàm càr Gia Lai.

Kờp tus ngai 20 nhai 8, gùt càr Gia Lai neh dờp geh rơlao 6 rơbô 200 nă cau gơtìp kòp SXH, tàm hơ\ neh gơbàn 2 nă cau chơ\t tàm kơnhoàl Cư\ Sê. Mpồl kuang bàng do sồr gơnoar atbồ ală cấp pal tus bal pràn, bơtơl priă di tu\ ai broă sơndră mờ kòp, crơng gơs mpồl kuang bàng sền gròi sùm tàm kàl gơbàn kòp do.

Jăt jơnau sền, ală nhai lồi nam 2019 do, kòp gam gơbàn kal ke, tàm hơ\ uă ngan bơh nhai 8 tus nhai 10 là tơngai uă bơh kòp SXH pah nam dê, den tàng pal geh broă sơndră pràn, bal mờ broă tus bal bơh gơnoar atbồ ală cấp, ală gah lơh broă, mpồl lơh broă bal mờ làng bol tus bal.

Cau mblàng Ndong Brawl