VOV4.K’ho - Tàm phan sa kòn cau Mnông kis tàm càr Dak Nông, geh bal ală phan tru\ gơm ha là buh ndrờm geh ală bơta phan cik. Tàm hơ\ geh boh kơnuh djam kam brê là dùl bơta phan bơkah ngan.

Là phan cik ală phan sa in, mơya boh kơnuh djam kam kung geh lơh uă bơta ngan sơl. Gơtùi yal tus mờ broă lơh boh ală bơta phan bè mre\ ro, mre\ lir, lơh sràt mre\ mờ biăp thồm, lơh boh kơnuh djam kam…

Bè ờs mìng geh lơh tàm ală dơ\ kuơ màng, lơh boh kơnuh djam kam gơs phan cik bơkah mờ geh tu\ gam là phan sa is bơkah ngan tàm pah tu\ sào sa ờs mờng kòn cau Mnông dê.

Kờ` lơh boh kơnuh djam kam, bơdìh mờ bàr bơta phan là boh mờ mre\ hờk, kòn cau Mnông pal geh ală kơnuh djam kam tai. Sền tàm kơnuh djam kam ndrờm bè nha han sơl, kơnuh gơ cau yoan mờng ngui lơh sràt tàm ală ngai satềp nam pa, mơya kơnuh djam kam kòn cau Mnông lài do geh nha dềt rơlao, thồm rơlao mờ sa bơkah ngan.

Boh kơnuh djam kam brê – phan cik bơkah kòn cau Mnông dê

Kòn cau Mnông mìng ngui kơnuh djam kam do kờ` lơh boh gơs phan cik. Tu\ do, kòn cau Mnông bè tàm Quảng Trực, kơnhoàl Tuy Đức gam geh sơntìl djam kam do mờ tam tăc geh 200 rơbô đong tàm 1 k^.

Broă lơh boh kơnuh djam kam kung [uơn ngan sơl, mơya cau lơh pal kờp du\ lài ndrờm bal ală bơta phan hơ\ sồng lơh geh bơkah ngan. Khà boh geh te\ pal di pal,  uă ir ngòt hang ir.

Jăt mờ bơta mờng sa hòi ha là hang bơh tơl nă cau, tơl hìu nhă dê mờ khà mre\ hờk geh bơrlu\ bal uă ha là ờ uă. Bơdìh mờ broă bơrlu\ bal mờ mre\ hờk lir, kòn cau Mnông gam ngui mre\ hờk dum, buh sin di mơ tềng rơnga ồs kờ` tơmù bơta hòi bơh mre\ tàm tu\ kung gam gàr bơta hòi bè ờs sơl.

Bè ờs, kòn cau Mnông ai bơnah bồ tòm djam kam (gam sơnđan là kơnuh). Kơnuh djam kam geh klò tăp bơdìh hơ\ sồng rào kloh, lời ra` dà. Boh, mre\ hờk mờ kơnuh djam kam geh ơn bal tàm mpal ha là tàm ding đơr lo\ lề. Do là broă lơh boh kơnuh djam kam ờs mờng kòn cau Mnông dê. Uă cau gam ngui bal nha djam kam koh dềt hơ\ sồng bo\ bal mờ lơh gơguh thồm phan cik dê.

Ka buh să bơkah rlau tu\ cih mờ boh kơnuh djam kam brê

Tơnơ\ do, kòn cau Mnông gam te\ tai ờ uă [òk ngòt kờ` phan cik bơkah rơlao, di gơlan gơs phan sào bal mờ piang tàm ală ngai trồ tiah mìu càl dờng. Is mờ ală bơta boh cik bè ờs, kơnờm mờ broă geh kơnuh djam kam mờ phan cik do geh thồm bơkah krơi is ngan.

Boh kơnuh djam kam ngui kờ` cik mờ phan sa lơi kung gơdờp lơm, cèng geh bơta thồm bơkah. Kòn cau Mnông kờ` lơh boh kơnuh djam kam nàng cik mờ ală phan buh bè ka buh, poăc buh. Lơh he gơkờ` sa, boh djam kam gam gơdờp ngan tu\ sa bal mờ poăc gơm, mbar, [ang…

Mờ broă bơrlu\ bal niam, boh kơnuh djam kam geh bơta niam krơi is mờ gơs phan sa bơkah kuơ màng ngan tàm dơ\ sào sa ờs mờng kòn cau Mnông dê.

Cau mblàng Ndong Brawl