Rơwas là phan bơna dờng ngan, pơgồp bal kuơ màng tàm rài kis chài rơgơi kòn cau Mnông dê. Kòn cau Mnông sền rơwas là dùl nă cau tàm mpồl bơtiàn bal mờ rài kis rơwas geh lơh jăt bơhiàn kòn cau Mnông dê sơl.

Jăt bơhiàn ờs mờng, tu\ kòn cau Mnông ku\p geh dùl nơm rơwas brê, kòn cau Mnông neh bơrklào rơwas do tàm dùl tiah hờ bơdìh [òn di pơgăp bơh 2 tus 3 nhai. Tu\ rơwas neh lơn mờ dờn jơnau sồr bơh kòn bơnus dê, kòn cau Mnông bơyai lơh dùl dơ\ lơh yàng kờ` tơmu\t rơwas tàm [òn.

Dơ\ lơh yàng geh pơn jờng nùs nhơm jăk chài bơh kòn cau Mnông dê bal mờ bơta pràn kơl dang să jan. Ală cau răc dan mờ yàng kờ` geh bơta pràn kơl dang să jan rơwas in bal mờ bơta niam ờ do ờ dă mờ pas gơs bơh cau neh ku\p geh rơwas. Rơwas geh sền bè kòn bơnus dê sơl, tus bal mờ ală broă lơh mpồl bơtiàn mờ lơh jăt  ală adăt boh lam kòn cau Mnông dê.

Ồng Đàng Năng Long, kis tàm kơnhoàl Lăk, càr Dak Lak pà g^t, 4 rơnàng hìu nhă ồng dê neh ku\p mờ bơklào geh rơwas: rơwas geh bơta kuơ bè pphan bơna mờ nùs nhơm. Kòn cau Mnông mờ rơwas geh nùs nhơm đềt mềr bal mờ tam pà bal bơta pas gơs mờ kal ke.

Tàm bồ kàl mìu, cau tòm rơwas bơyai lơh yàng kờ` yal ală rơwas in là, ù tiah brê bơnơm neh sơn đờm ai rơwas in geh phan sa. Dùl dơ\ lơh yàng geh boyai lơh tàm bồ kàl prang kờ` yal rơwas in là, phan sa gam mờr jơh mờ ală cau pal lơh ngan kờ` sơrlèt mờ kàl prang.

Uă hìu nhă kòn cau Mnông sền rơwas là phan bơna dờng màng ngan mờ là cau bơyô đềt mềr ngan kòn cau Mnông dê. Dùl dơ\ lơh yàng răc dan kờ` geh bơta pràn rơwas in geh ai lơh niam bơne\\ ngan. Dùl nă cau răc yàng, dùl nă cau geh bơngă pin dờn mờ g^t wă uă jơnau bè bơhiàn kòn cau Mnông tus mờ ală hìu nhă geh rơwas kờ` lơh yàng.

Phan pơdơng lơh yàng geh ơlăk, phe, jrềng lơh mờ nsồp lơwe, piang kòi bò, dùl khàr dà mờ poăc sur. Bal mờ hơ\ là dơ\ dròng cing mồng.

Cau lơh yàng răc dan mờ yàng kờ` ai bơta bơtoah ală rơwas in geh bơta pràn kơl dang să jan bal mờ bơta niam ờ do ờ dă kờ` rơwas gơtùi lơh broă mờ tam pà bal broă glar bòl, kòl jan kal ke mờ làng bol [òn lơgar. Jơh lơh yàng, cau sàc dà ơlăk bal mờ phan pơdơng yàng tuh hờ đang bồ rơwas.

Bơdìh mờ broă lơh yàng kờ` geh bơta pràn do, kòn cau Mnông gam geh dùl broă lơh yàng tu\ dùl nơm rơwas geh deh kòn, gơtìp kòp ha là chơ\t ha là tu\ cau tăc rơwas mờ cau ndai in, ha là lơh yàng sơnđan măt rơwas in.

Ală bơhiàn do neh bơyai lơh bè dùl dơ\ lơh chờ rơwas in tàm kơnhoàl Buôn Đôn, Lăk, càr Dak Lak tàm nhai 3 kờ` prăp gàr bơtiàn niam chài ờs mờng kòn cau Mnông dê.

Cau mblàng Ndong Brawl