VOV4.K’ho - Tơngai tàm gùl nhai mìu do la tu\ tơngai  dờng pràn ngan bơh kơphe, kơphe dờng pràn bè ntê, tờm mờ dờng bè plai. Tơngai do kung gơlik geh ua\ ngan bơta gơ jrùh plai bơnung tàm ờ ua\ sươn kơphe geh lơh làng bol ờ suk ngan tài gơ geh gơbàn aniai dờng ngan tus cồng nha lơh geh mờ khà pleh geh bơh kơphe tơngai tơnơ\. Tềng đap ala\ bơta ờ suk,  mờ nàng bơsong ala\ bơta ờ suk bơh làng bol, cau ai tơnggit jơnau đơs Việt Nam neh geh jơnau lùp tus mờ thạc sĩ lơh  broa\ sa Đào Hữu Hiền gah jak chài chài rgơi lơh broa\ sa chi brê Tây Nguyên.

-Bơh tài gơlik geh bơta gơ jrùh plai kơphe tàm tơngai tàm gùl nhai mìu ơ thạc sĩ?

Thạc sĩ Đào Hữu Hiền: Dilah tuh phơng ờ di pal den gơ geh gơbàn gơ jrùh plai hala gơbàn ala\ bơta kòp geh gơlik geh, hala nhui sras geh lơh aniai tus bơta gơ jrùh plai. Mờ bol he pal kah,  tàm gùl nhai mìu, dilah plai neh dờng ring den tu\ do gơbàn lơh plai gơ jrùh di gơlan bơh gơbàn gơ jrùh ờs, phơng tuh ờ drờm bal hala bơh gơbàn ờ niam phơng tàm chi,  dilah ngkur plai ua\ ir den gơ kung geh gơ jrùh bà. Hala di lah tuh phơng ờ tơl ala\ bơta phơng geh bơta vi lượng bè Bo, Manhê, Silic den gơ kung geh lơh gơ jrùh plai.

-Bè thạc sĩ pa yal, dùl tàm ala\ bơta geh lơh gơ bàn gơ jrùh plai la bơh ring bal phơng tuh gam ờ hềt di pal. Den bol he pal geh ngui bơta phơng lơi kờ` geh lơh niam phan ròng pràn suơn kơphe?

Thạc sĩ Đào Hữu Hiền: Geh ala\ bơta phơng tuh mìng la phơng dùl lơm, tàm hơ\, phơng mìng dùl lơm geh phơng SA, Ure, phơng lân, kali. Dơ\ 2 la  bơnang geh tuh phơng mìng dùl lơm den gơtùi tuh phơng NPK. Tu\ tuh phơng NPK tàm nhai prang hala nhau mìu drờm geh tam pà gơs 3 dơ\, mờ ngan ngồn, kờ` pal sền gròi nàng kơryan geh bơta ờ tơl ala\  bơta trung lượng mờ vi lượng den geh rwah ala\ bơta phơng neh geh tac tàm drà ka\ bro geh tơl ala\ bơta tàm phơng den suơn kơphe geh cồng nha. Tu\ do tàm drà ka\ bro geh ua\ bơta phơng ngan, bè phơng Bình Điền lơh gơs bơta phơng 16-8-16-13S, geh bal tai bơta vi lượng la Bo hala phơng  16-7-17-13S geh ngui bơta Manhê mờ Silic mờ geh bal ala\ bơta trung lượng den geh dong suơn kơphe tam geh  cồng nha rlau mờ gàr geh niam.

-Khà tuh phơng la nđờ kờ` tơl tus suơn kơphe tàm tơngai tu\ do, ơ thạc sĩ?

Thạc sĩ Đào Hữu Hiền: Bè ờs bol a` geh đơs, phơng NPK den làng bol pal tuh khà phơng bơh 1 tấn 8 tus 2 tấn mơ gùl, 2 tấn 7 tàm dùl lồ mờ ngan ngồn jat cồng nha lơh geh bơh suơn chi mờ tuh phơng di pal. Mờ bol a` kung geh jơnau đơs la pal ngui 3 dơ\ tàm tu\ bồ-tam gùl- lồi nhai mìu kờ` tuh phơng di pal.

-Broa\ tuh phơng kơphe in tàm  tu\ tơngai do pal lơh jat ala\ bơta lơi ơ thạc sĩ?

Thạc sĩ Đào Hữu Hiền: Lài mờ tu\ tuh phơng, làng bol pal kùai jơh tap nha. Tuh phơng ba` tuh rềp mờ tờm mờ tuh jat gơ lì nha, ntê. Nàng tuh phơng geh cồng nha jơnhua, tơngguh bpta gơ sa phơng den broa\ tuh phơng gơs pal ai wơu bồr wơl ù, pleh bơta gơbàn gơ dô phơng, lơh geh ờ tơl phan ròng kơphe.

-Ơi,  ưn ngài thạc sĩ neh tam pà bơta mờng sơng ka sền gàr suơn kơphe  bal mờ làng bol  cau tam.

                                                Cau mblàng K’  Brọp