VOV4.K’ho- Kỹ sư Vũ Văn Tùng, cau mờng chài gah kỹ thuật bơh công ti Solavina tàm Daklak dê bơto pơlam làng bol mờ gơ\p bơyô bè bàr pe bơta gơrềng tus bơtơl phơng sih, rơcang sơndră tu kòp lơh aniai kung bè tơnhàu, sền gàr rơmi\t.

Ơ kỹ sư Vũ Văn Tùng, tơnơ\ ală broă lơh sac rwah ù, rwah sơntìl mờ tam den tàm ală tu\ sơngka sền gàr làng bol gam sền gròi tus bơta bơtơl phơng sih chi tam in, bè hơ\, kỹ sư geh jơnau bơto pơlam lơi làng bol in tàm broă ơn bơtơl phơng sih?

Kỹ sư Vũ Văn Tùng: “Nàng tơrmù broă rài yau bè ală ồng mò he sùm đơs “ờ niam jriang niam rlau mờ niam kơnuh” den làng bol bol he pal kah bè ală tu\ kis dờng bơh tờm rơmi\t dê. Gơ jat tơl bơta ù tiah, trồ tiah mờ ală tu\ sơngka sền gàr, sền go\ bơta kis dờng bơh tờm rơmi\t dê ờ pràn den bol he gơtùi ơn bơtơl tai ală bơta phơng hữu cơ vi sinh mờ klài bal mờ dùl bơnah đạm nàng ơn bơtơl ai chi in mhar dờng.

Dilah chi kis dờng niam den làng bol ba` ơn uă ir phơng đạm tài bơh dilah chi geh uă nha den [ươn ngan gơtìp tu kòp lơh aniai. Kuơmàng là bơta trồ tiah kàl mìu tàm Tây Nguyên, tơnơ\ pah dơ\ mìu den nha sùm sèt, tu kòp digơlan mu\t sa aniai tus kơnuh tơnơ\ do”.

Bè hơ\, dilah tàm ală tu\ sơngka sền gàr, nha rơmi\t căt uă ir, den bol he pal koh [à halà ờ, ơ kỹ sư?

Kỹ sư Vũ Văn Tùng: “Nha niam mờ uă ir den bol he gơtùi koh [à, bol he gơtùi koh nha pàl, mơya đơs ngan là gơ geh gơrềng tus priă jền tă tàm tu\ lơh sa, tài bơh bol he koh den pal apah cau den tơnơ\ do hoàc hươr kờp jat priă lơh geh den là gơrềng tus mờ priă lơh geh bơh làng bol dê”.

Ơi, bơdìh mờ bơta ơn phơng, den tu kòp lơh aniai tàm tờm rơmi\t kung pal sền gròi ngan. Tờm rơmi\t sùm gơtìp ală tu kòp lơi lơh aniai, ơ kỹ sư? Kờ` kơryan tu kòp lơh aniai den làng bol pal lơh broă lơi?

Kỹ sư Vũ Văn Tùng: “Tờm rơmi\t là dùl tờm chi tam mờng quèng ngan, ndrờm bè gơdờp ngan mờ uă ù tiah krơi is, mìng ờ kờp ù gơtìp gơbam dà là aniai tus kơnuh rơmi\t, ai jơh ală bơta ù den uă ngan là rơmi\t kis niam lơm.

Bè tu kòp lơh aniai tàm tiah Tây Nguyên do, bàr pe bơta kòp sùm gơtìp, hơ\ là tơnơ\ ală tu\ tam mờ ală tu\ kơnuh rơmi\t căt bồ mat sùm gơtìp tu kòp lơh aniai, bè: è í, lềr, tu lin. Den tàng tàm ală tu\ hơ\, he gơtùi tơrmù bơta pràn jak bơh ală tu kòp lơh aniai do dê bơh broă bol he tuh vôi mờ [ồm phơng vi sinh pơrhê nàng kơryan dùl bơnah.

Tàm ală tu\ kis dờng, tờm rơmi\t digơlan gơtìp bàr pe bơta kòp, bè: kòp rơđò nha tài bơh bơsềt, kòp tu cuh tờm, ală bơta kòp hơ\ làng bol kung pal sền ngăc mờ sùm lòt còp rwàng sươn rơmi\t he dê, nàng di tu\ sền go\ mờ kơryan”..

Ơ kỹ sư, pơgăp nđờ jo\ den bol he gơtùi tơnhàu mờ tu\ tơnhàu kơnuh rơmi\t, den làng bol kờ` pal kah ală broă lơh lơi nàng sền gàr niam rơmi\t?

Kỹ sư Vũ Văn Tùng: “Tờm rơmi\t tơnơ\ mờ tu\ tam, ờs mờng là bơh 9 tus 12 nhai den bol he gơtùi tơnhàu. Tơngai tơnhàu tàm Tây Nguyên do, tơrgùm bơh nhai 1 tus nhai 3. Tàm tơngai tơnhàu lơh geh bè cồng nha mờ bơta niam bơh rơmi\t dê den lài mờ tu\ tơnhàu, bol he pal lòt sền lài, bơh broă tờ dùl tờm rơmi\t nàng sền kơnuh, mờ sền tềng bồ kơnuh rơmi\t bơ`à mờ tu\ tơn pă sền go\ tàm dơlam kơnuh dà rơmi\t pơrhê, den tu\ hơ\ bol he gơtùi lòt tơnhàu.

Nàng kờ` tàm ală tu\ tơnhàu geh lơh niam den lài mờ tu\ tơnhàu, làng bol pal jì jơh nhơ\t. Kung koh jơh tờm rơmi\t gơ pừ tềng măt ù, khòm ơn tơrgùm is dùl anih tờm mờ nha nàng prăp tơnơ\ do jơm lơh gơs phơng vi sinh ngui wơl tai tàm sươn sre bơh ală hìu làng bol lơh broă sa dê.

Tàm ală tu\ tơnhàu, den bol he gơtùi ngui lơ òr halà cho\ mờ kơvìa halà ngui măy mờng ngui, gơ jat tàm rài kis hìu bơnhă mờ tơl tiah lơh sa nàng bol he geh broă tơnhàu krơi is. Kơnuh rơmi\t kờ` gàr geh bè bơta niam, kung bè bơnah curcumin geh tàm kơnuh rơmi\t den tàm ală tu\ tơnhàu, làng bol bol he kờ` pal kah là ờ go\ di lơh pă mờ lề kơnuh.

Dơ\ 2 là tơnơ\ tu\ tơnhàu, tàm ală tu\ tơnhàu tài bơh bơta geh is bơh tơl tiah dê, bol he gơtùi ìs tơngai, gơ jat tàm tơl tiah geh bơta [ươn den bol he geh tơrgùm bal halà jun tus hìu măy nàng lơh. Dilah ờ geh den ờ go\ di lời jo\ ir rlau pe ngai, bol he pal jun tus hờ hìu măy lơh nàng gàr geh bơnah curcumin geh tàm kơnuh rơmi\t”.

Ơi, bè hơ\ tơnơ\ tu\ tơnhàu den broă prăp gàr kung là kuơmàng ngan, kỹ sư geh sơl jơnau lơi kờ` bơto pơlam làng bol tàm broă prăp gàr do, ơ kỹ sư?

Kỹ sư Vũ Văn Tùng: “Bè bơta ram bè broă prăp gàr rơmi\t den tơnơ\ tu\ lơh tàm hìu măy gơ jat tàm jơnau sồr bol he gơtùi ìs pơr halà tah dềt ìs pơr mơya bơta ram bơh rơmi\t dê ranh lài mờ tu\ prăp gàr ờ go\ di lơyah rlau bơh 11 tus 12% mờ gơ jat tàm jơnau sồr bơh đah cau kờ` blơi rơmi\t dê kung bè tơngai prăp gàr mờ bol he gơtùi rwah broă lơh ơn tàm kơldung nilông mờ prăp tàm [ào mờng ngui nàng bol he prăp gàr”.

Ơi, ưn ngài kỹ sư uă ngan! Jơnau do ngai do tus ndo dan tơn jơh. Ưn ngài làng bol mờ gơ\p bơyô neh pờ iat. Dan ơm ngăc mờ pơrgon tìp wơl!

http://vov4.vov.vn/Kho/chuyen-muc/bota-chai-tam-romit-romit-c164-155923.aspx

Cau cih mờ yal tơngi\t- Lơ Mu K’ Yến