VOV4.K’ho - Rơpung jàl là dùl bơta chi tam geh bơta kuơ pràn să jan in uă ngan, gam geh cau ngui sa kờ` ngan. Tu\ do, broă tam rơpung jàl ngui công nghệ cao gam geh uă tiah mut lơh kờ` lơh geh phan sa niam mờ cèng wơl cồng nha lơh sa uă. Broă mut ngui công nghệ tam rơpung jàl tàm hìu jơm mờ nilon halà jàl neh dong tơmù priă ngui sơ nơm sền gàr phan tam, sền gàr pràn kơldang să jan cau tam mờ cau sa. Tơ nơ\ do, thạc sĩ Vũ Thị Kim Dung, kuang bàng kỹ thuật trung tâm bơ to broă lơh kơnhoàl Cư Mgar, càr Daklak geh pơlam làng bol mờ gơp bơ yô in bơta chài tam, sơngka sền gàr rơpung jàl tàm hìu jơm mờ nilon halà jơm mờ jàl:

Ơ Thạc sỹ Vũ Thị Kim Dung, kờ` tam rơpung den broă kuơ màng ngan rlau jơh là `chi?

Thạc sỹ Vũ Thị Kim Dung: Tam rơpung jàl den broă kuơ màng ngan rlau jơh là rơ wah sơntìl mờ rơcang tờm nàng tam. Rơ wah sơntìl den tu\ do tàm Daklak a` go\ sơntìl Chu Phấn là sơntìl niam ngan rlau jơh mờ cèng wơl cồng nha uă ngan rlau jơh

Bal mờ broă rơ wah sơntìl den bol he pal kah bơta lơi tu\ rơwah ù nàng tam rơpung ơ thạc sỹ?

Thạc sỹ Vũ Thị Kim Dung: Bol he geh lơh jat ală broă lơh bè tơnơ\ do: Bơh sơn rờp den bol he ơn vôi, tơnơ\ hơ\ lơ òr ù nàng lơh niam ù lài mờ tu\ lơh àr tam. Tơnơ\ mờ tu\ jơh lơ òr den bol he lơh àr jat di mờ jơnau sồr bè kỹ thuật mờ rih phơng vi sinh. Gơwèt mờ phơng vi sinh bol he gơtùi blơi halà ngui ală phơng chuồng, phơng jơm lề, ơn tàm ù, tơnơ\ hơ\ ngui ală chế phẩm bè tu luh mờ ală bơta phơng kơryan bơsềt, bol he [ồm lài mờ tu\ lă bàk jơm glòm drơng tàm broă lơh sa sưon sre. Ngui bàk jơm glòm tàm broă lơh sa suơn sre dong ù gàr bơta sùh ìo mờ ờ huan lơh `hơt hòn lềng uă.

Gơwèt mờ lơh àr tam rơpung jàl den gơ jat tàm tơl kàl: nhai mìu den bol he lơh àr jơnhua rlau pơn drờm mờ tu\ trồ tơngai. Sùm den lơh àr jơnhua 40 phơng mờ ơnàng 1 thơk 2, bol he tam gơs 2 sèng. Bơta ngài tam đah ală tờm là 40 phơng. Tơnơ\ mờ tu\ tam 1 poh den bol he sơn đờm kơt che, dong tờm rơpung hòn song mờ gơ dờp àng mattơngai sòl niam rlau. Bè hơ\ den plai rơpung geh ală ơ ră jàl niam. Bè bơta chài kơt che den bol he geh kơt jat ală kồ `jrăng tờm rơpung dê nàng tờm rơpung in hòn song mờ ờ gơtìp gơ dùh tàm đơm. Tờm lơi jòng den he kờp nha bơh tềng tờm guh hờ đang pơgap 25 nha den kleh tờk nàng ală phan pràn tơr gùm ròng chi, ờ duh pal ròng tờm tai.

Ơ thạc sỹ, broă ơn phơng tu\ tam rơpung den he pal sền gròi bè lơi?

Thạc sỹ Vũ Thị Kim Dung: Tơnơ\ bơh 3 tus 4 ngai tam den bol he ơn phơng jat bơta: khà đàm là 50 mờ cali là 25. Tàm 1 nhai sơn rờp, bol he geh tam cah gơs 13 ngai [ồm. Bol he tam cah gơs khà dềt phơng gơ in dipal, klài tàm sơntèk dà mờ ơn tàm chi in bơh broă [ồm. Tu\ [ồm den geh dùl nơm van lơh tơmù bơta pràn gơ klơn. Kờ` ding [ồm ờ gơtìp sơn tă, den geh dùl nơm phan jồr  nàng jồr sồ siă mờ bol he pal ràu kloh phan jồr do sùm.

Tơngai dơ\ 2, bol he ơn khà đàm là 75 mờ cali là 25.

Tơngai dơ\ 3, bol he tơmù khà đàm là 25 mờ cali là 75. Lài mờ tu\ tơnhàu pơgap 10 ngai den bol he ờ ơn phơng tai mờ ờ [ồm dà tai, den plai rơpung lơ ngồt rlau.

Ai bè kòp tu sa aniai tàm rơpung jàl den bè lơi, broă rơcang sơndră kòp tu sa aniai bè lơi ơ Thạc sỹ?

Thạc sỹ Vũ Thị Kim Dung: Bè kòp tu sa aniai den tơngai sơn rờp bol he sền gròi tus lơmô trĩ mờ rơhài cuh plai. Rơhài cuh plai tài tam tàm hìu jơm mờ nilon halà jơm mờ jàl den tàng ờ huan gơlik geh. Tàm 2 poh sơn rờp, bol he sền gròi tus lơmô trĩ lơh aniai. Ai kòp gơbàn uă tàm plai rơpung là kòp gơ hòr bơ sơt. Gơ hòr bơ sơt geh tơng go\ là tềng tờm geh ală tềl tơr đàng, lơh gơlik ală dà bơ sơt jù mờ bol he geh mut lơh broă lơh là jùt tơn. Ngui Tridomin jat khà 1 ờ 1 nàng jùt tơn ai ală tờm gơtìp kòp lơh aniai in. Tu\ bơsong kòp gơ hòr bơ sơt tàm tờm rơpung jàl den bol he pal sền suơn nàng git khà bè kòp do là kàr lơi mờ geh ală broă lơh nàng kơryan di tu\. Dilah tàm suơn geh khà tờm gơtìp kòp 1 êt den bol he ngui Tridomin jùt tơn mờ pal geh dùl pang sră cih ngai, nhai sền gròi, sền khà kòp ngai sơn rờp dê tus 7 ngai tơ nơ\ gơguh uă làh ờ.

Ơi, dan ưn ngài Thạc sỹ uă ngan!

                                                       Cau cih mờ yal tơnggit K’Duẩn