VOV4.K’ho – Ua\ hìu bơsram tàm càr Kon Tum sùm sền gròi tus broă bơto bơtê niam chài bơh jo\ ai kơnòm bơsram in. Bơh hơ\, dong ală oh pơn iờ să bè bơta niam chài rơ gơi krơi is bơh jơi bơtìan kòn cau he dê. Tàm hơ\, hìu bơsram Phổ thông kòn cau ơm wơl kơnhòal Kon Plông, Hìu bơsram Phổ thông kòn cau ơm wơl càr mờ hìu bơsram kấp 1 Đặng Trần Côn tàm xã Ngọc Bay, [òn dờng Kon Tum là ală pơn yơu niam bè jơnau sồr kơnòm bơsram jơi bơtìan kòn cau dùl êt cau soh phan kòn cau jat ngai geh sồr.

Tu\ jơ lik nhơl, [làng hìu bơsram Phổ thông kòn cau ơm wơl kơnhòal Kon Plông gơlơh nggồr  nggàc mờ chờ hờp ngan. Tềng nggùl ală tờm chi tơlir là li la dà phan soh kòn cau. Phó Kuang atbồ hìu bơsram, ồng Đinh Su Giang chờ hờp yal, ală kơnòm bơsram kờ` ngan phan soh ờs mờng kòn cau dê. Hìu bơsram mìng sồr soh phan kòn cau tàm ngai dơ\ 2 mờ ngai dơ\ 6 pah poh, mơya ua\ oh kung gam soh phan kòn cau lòt bơsram pah ngai.

Jat pơgru Đinh Su Giang yal, hìu bơsram sùm sền dờng màng broă bơto bơtê ală oh in bè bơta niam chài rơ gơi, git prap gàr mờ tơnguh ală bơta kuơ niam chài krơi is bơh jơi bơtìan kòn cau he dê. Broă sồr soh phan kòn cau là dùl tàm ală broă lơh jat ngan ngồn gùng dà hơ\, geh hìu bơsram gàr sùm bơh ua\ nam do, bơh hơ\, ală oh gơtùi git bơta kuơ bơh tơl blah phan soh dê, sơlơ kờ`, sơlơ pơn iờ să bè phan soh ờs mờng bơh jo\ jơi bơtìan kòn cau he dê.

Nàng bơto bơtê kơnòm bơsram in jơnau git wă sền gàr, tơnguh bơta niam chài rơ gơi jơi bơtìan kòn cau đơs bal, phan soh ờs mờng bơh tơl jơi bơtìan kòn cau dê đơs is, Hìu bơsram Phổ thông kòn cau ơm wơl kơnhòal Kon Plông sồr ală cau pơgru pơgồp bal tơngume do tàm tơl môn bơsram, bơh ală jơnau bơto bơtê tàm ơdu\, halà bơh jơnau bơto tơngkah, pơn jờng tơn. Tàm môn Mỹ thuật, cau pơgru sền gròi tus ală bơta dà màu tờm, ală rùp bơka, niam chài geh tà` tàm blah ồi, blah àu bơh kòn cau Sơdàng dê. Tàm môn Âm nhạc, ală oh geh bơsram sap cing mồng, ală jơnau tamya tàm broă lơh chờ, lơh yàng…

Tàm nhai 10 nam 2020, cau pơgru mờ kơnòm bơsram bơh hìu bơsram dê neh lơh dùl anih niam chài ală jơi bơtìan kòn cau tàm kơnhòal. Bơdìh ală broă lơh bè hỏngông, đờng lu\, tờm gơ nơng, rùp mòn dơm chi, gam geh phan soh bơh jo\ cau Sơdàng, Hrê dê tai. Anih do nting tơngkah ală kơnòm bơsram sùm kah bè tơngu rơyas he dê, bal mờ hơ\, do kung là bơta pơn iờ să bơh kơnòm bơsram mờ cau pơgru hìu bơsram dê.

Bal mờ broă lơh anih niam chài, pah poh, hìu bơsram bơyai lơh ai 2 ơdu\ lòt sền ală [òn làng bol jơi bơtìan kòn cau dùl êt cau tàm [òn lơgar nàng jòi git niam chài bơh jo\ ală jơi bơtìan kòn cau dê. Tu\ lòt sền, ală oh ndrờm soh phan kòn cau he dê.

Tàm [òn dờng Kon Tum, Hìu bơsram kấp 1 Đặng Trần Côn tàm xã Ngọc Bay là tiah geh mờr 100% kơnòm bơsram kòn cau Bahnar kung sền gròi ngan tus broă bơto bơtê niam chài bơh jo\ ai ală kơnòm bơsram in.

Pơgru Đặng Ngọc Hiếu, drơng broă Đội pà git, jat jơnau đơng lam bơh Mpồl đơng lam hìu bơsram dê, sùm lơh ngan nàng lam ală oh tus rềp rlau mờ ală bơta kuơ niam chài bơh jo\, kuơmàng là phan soh ờs mờng kòn cau he dê. Tàm hơ\, pah poh, tàm ngai dơ\ 2 mờ ngai dơ\ 5, gàr sùm broă sồr ală oh soh phan kòn cau lòt bơsram. Tàm ală anih sền sră bơh hìu bơsram dê, ndrờm geh bơka, sềr ală pang rùp bè phan soh kòn cau, dong ală oh kờ` gơboh, pơn iờ să bè phan soh kòn cau he dê.

Bal mờ broă sền gròi bơto bơtê ală jơnau git wă bè ală phan soh ờs mờng bơh làng bol kòn cau Bahnar dê ai kơnòm bơsram in, hìu bơsram gam crơng gơs ală mpồl dròng cing ja` mồng tàm ală khối ơdu\. Jat tơngai pơrgon pah nhai, hìu bơsram bơyai lơh ai kơnòm bơsram soh phan kòn cau, tamya xoang, dròng cing, ja` mồng tềng đap bơta pơlam bơh ală nghệ nhân, cau kra [òn dê.

Kuơmàng, hìu bơsram Phổ thông kòn cau ơm wơl càr Kon Tum là anih bơsram bơh kơnòm bơsram tus bơh ua\ tiah tàm càr dê, mờ ua\ jơi bơtìan kòn cau krơi is. Pơgru Lưu Thế Vinh, Phó Kuang atbồ hìu bơsram yal, tu\ do geh 464 nă kơnòm bơsram gơ wèt 15 jơi bơtìan kòn cau gam bơsram tàm hìu bơsram. Tàm ală ngai chờ, hìu bơsram bơyai lơh ală broă lơh niam chài, đơs crih tamya mờ ua\ broă lơh niam ngan bè pơrlòng phan sa ală jơi bơtìan kòn cau, đơs pơnđik, tamya kòn cau, bơceh mòn broă lơh.. gơ hòi gơ jà gal ngan kơnòm bơsram tus bal. Tàm ală broă lơh do, ală oh geh soh phan kòn cau he dê, bal mờ gơp sền git ngan ngồn ală bơta niam chài rơ gơi.

Mò Đinh Thị Lan, Phó Kuang atbồ Sở Giáo dục mờ Đào tạo càr Kon Tum pà git, tơngai lài, Sở sùm sền gròi tus broă prap gàr mờ sền gàr ală phan soh ờs mờng bơh làng bol jơi bơtìan kòn cau dùl êt cau tàm jơh ală hìu bơsram tàm càr dê. Bơh ală broă lơh niam, bơceh pa, ală hìu bơsram neh lơh gơlik anih nàng ală kơnòm bơsram jơi bơtìan kòn cau dùl êt cau geh tai bơta nàng git rlau tai bè ală bơta chài rơ gơi jơi bơtìan kòn cau he dê, tàm hơ\ geh bơta niam bè phan soh… Kơ nờm bơh hơ\, ală oh git sền dờng màng, tàm pơ dờn mờ tơnguh bơta kờ` gơboh gơ wèt tus mờ ală bơta kuơ bơh jo\, bơta niam chài rơgơi kòn cau dê.

Cau mblàng K’Duẩn