VOV4.K’ho – Hơ đơm m[ur bơh ală tờm chi dờng jo\ sơnam tàm [làng hìu rông [òn Lút, xã Ya Tăng, kơnhòal Sa Thầy, càr Kon Tum, ală cau klau Jrai dờng sơnam jơh nùs ngan bơto dròng cing, ja` mồng ai kơnòm dềt tàm [òn in. Do là ơdu\ bơto dròng cing, ja` mồng mờ làng bol [òn Lút sùm bơyai lơh ai rơnàng kòn sau in. Kơ nờm bơh hơ\, ua\ niam chài bơh jo\ kòn cau Jrai dê geh sền gàr mờ bơtàu tơnguh.

Gơ wèt mờ cau [òn Lút (xã Ya Tăng, kơnhòal Sa Thầy, càr Kon Tum), cing mồng geh ngui tàm rài kis bơh git nđờ rài do. Tu\ do, [òn kung gam sền gàr ua\ bơta niam chài bè ală broă lơh yàng `ô lir bong, gờm chờ dà mbòr, sa rơpu, lùp lap, `ô bau, pơthi.. Ală broă lơh yàng hơ\ den ờ gơtùi ờ geh sap ntas cing mồng. Tu\ dròng ală jơnau cing yau, làng bol tàm [òn geh ngui bòr cing mồng geh 8 pang cing mờ 3 nơm mồng, ai tu\ dròng ală jơnau cing pa, làng bol tàm [òn geh ngui bòr cing geh 9 pang cing mờ 12 nơm mồng.

                                             Cau dờng sơnam tàm [òn Lút bơto dròng cing, ja` mồng

Tu\ ờ geh broă lơh chờ, lơh yàng, cing mồng geh rơndap ring ngan jat bơta sap sèng bơh dờng ngan rlau jơh ơm hơ đơm, cing mồng dờng dimơ mờ dềt geh rơndap ơn hờ đang, ờ gơtùi lời cing halà mồng tàm [ă tềng gai dròng cing, pal prap tàm tiah ndu gơn rơh tàm hìu.

Tus bal broă lơh bơto dròng cing, ja` mồng neh rlau 12 nam, ồng Rơ Châm Phương ơm tàm [òn Lút pà git, ơdu\ bơto dròng cing, ja` mồng bơh [òn dê tàm kàl rlô bơkang pa do geh 26 nă sau bơh 6 tus 12 sơnam tus bal bơsram. Ơdu\ geh pờ tàm ngai dơ\ 3 mờ ngai dơ\ 5 pah poh. Ală ngai trồ mìu, ơdu\ geh lơh tàm hìu rông ala mờ bơdìh [làng hìu bè ờs mờng.

Ală ngai sơn rờp tus bal ơdu\ bơsram, kơnòm dềt [òn Lút geh bơto bè bơta kuơ bơh cing mồng dê gơ wèt tus mờ rài kis niam chài, nùs nhơm bơh làng bol tàm [òn dê; yal bè ală bòr cing mồng mờ [òn gam prap gàr, gam ngui; bơto ală jơnau dròng cing yau, ală jơnau dròng cing pa mờ bơta chài sền gàr, prap gàr bòr cing mồng tàm hìu bơnhă.

                                         Tu\ trồ mìu, broă bơto dròng cing, ja` mồng geh lơh tàm hìu rông

Jơh tu\ tơngai pờ ơdu\ bơto dròng cing, ja` mồng, tơl nă kơnòm dềt mìng geh jàu ja` 1 nơm mồng halà dròng 1 pang cing. Tài jat ồng Phương đơs, nàng git dùl jơnau dròng cing, pal git sap mờ git loh bơta chài dròng dùl jơnau dròng cing halà nơm mồng he dê, bơh hơ\ hơ\ sồng gơtùi pơgồp bal ring niam mờ ală cau dròng cing, ja` mồng ndai tàm mpồl.

Tơ nơ\ ua\ dơ\ mìng drìng dùl pang cing halà ja` 1 nơm mồng he dê, să tờm cau hơ\ geh git bè sap mờ git bơta chài ja` ală nơm mồng, dròng ală pang cing ndai mờ hời rơ hời git bơta chài dròng jơh dùl jơnau dròng cing. Do là broă bơsram dròng cing, ja` mồng mờ ală cau lòt lài neh bơto wơl.

Rài yau, tu\ [òn Lút ờ hềt geh ồs đèng, pal kơp ală mang àng ndar hơ\ sồng bơsram dròng cing, ja` mồng, broă bơsram gơtìp gơ rềng tài bơh trồ mang noat mrềt mờ geh ua\ sơmac sơ mềt tai. Kươmàng, pah tu\ geh cau lơi dròng halà ja` ờ di sap halà ờ di bơta chài den lơh jơh dùl mpồl gơtìp gơ rềng jơh, cau hơ\ ndrờm gơtìp ală ồng, ală wa ngui gai dròng cing đuh tềng mpàng tê jê tus `ìm tơn. Bulah bè hơ\, bol hi ndrờm ờ sang te\ mờ kung gam lơh ngan bơsram dròng cing, ja` mồng tơ nơ\ pah dơ\ bè hơ\.

Ồng Rơ Châm Phương pà git: Bơh tu\ gam dềt, bol hi neh geh bèp he dê bơto là cau klau Jrai ndrờm pal git dròng cing, ja` mồng lơm. Kung kơ nờm broă bơto kờ` den tàng đuh mờ gai mờ mơng bè hơ\ mờ bol he neh pơlam nùs nhơm pal geh bơh dùl nă cau dròng cing, ja` mồng dê hơ\ là kơ\ dơn, ơt ơl mờ kră kơldang.

Ồng Rơ Châm Đêl, kuang atbồ [òn Lút, là cau bal mờ ồng Rơ Châm Phương tus bal bơto dròng cing, ja` mồng tàm ơdu\ bơsram pà git, nàng ală sau in dròng cing, ja` mồng di, bol hi pơlam nền nòn bè bơta chài ìa, bơta pràn ngui gai mờ bơta chài tam pà sap bơh 3 nau tê èt – rềp nau tê èt mờ nau tê tềng nggùl bơh tê ìa mồng halà cing dê.

Ồng Đêl kung yal: Tài ơdu\ bơsram geh lơh tàm tơngai ờ jo\ den tàng bol hi rơ wah 1 jơnau cing [ươn dròng mờ 1 jơnau cing dròng kal ke, nàng bơto ală sau in. Hơ\ là jơnau dròng cing sùm geh ngui tàm dơ\ lơh yàng `ô lir bong tàm nhai 12 pah nam, mờ jơnau dròng cing geh ngui tu\ hìu klau lòt tus hìu ùr nàng lùp lap mờ tàm dơ\ `ô bau ngan ngồn.

Bơdìh mờ broă geh bơto bơta chài dròng cing, ja` mồng, tàm ơdu\ bơsram, kơnòm dềt [òn Lút (xã Ya Tăng, kơnhòal Sa Thầy, càr Kon Tum) gam geh ală rơnàng lòt lài bơto bè ală bơhìan bơh jo\ niam bơne\ bơh [òn lơgar dê gơ jat bal mờ niam chài cing mồng – hơ\ là sồr mpồl dròng cing, ja` mồng [òn dê tus bal dròng cing, ja` mồng tu\ tàm [òn halà ală [òn gùt dar geh cau chơt halà geh broă lơh yàng, lùp lap, `ô bau. Mơkung sùm tus bal tìp mat niam chài cing mồng mờ ală kòn cau ndai. Broă bơto dròng cing, ja` mồng ai rơnàng tơ nơ\ in sùm geh [òn Lút gàr ùm, cau lòt lài den bơto wơl cau tơ nơ\ in nàng kờ` sền gàr niam chài bơh jo\ cau Jrai dê.

Jat [a\u Kon Tum – Cau mblàng K’Duẩn