VOV4.K’ho - Jăt khà kờp bơh anih sền gròi kòp tê jê să càr Dak lak yal, bơh bồ nam 2020 tus tu\ do, gùt càr neh geh 3 nă cau chơ\t tài kòp sơnrang. Jơh ală cau do ndrờm gơtìp so sơnrang kăp mờ ờ c^t sơnơm vaccine rơcang sơndră mờ kòp tơn tơnơ\ mờ hơ\.

Do là bơta mùl màl pal geh lam sồr ngan tài càr Dak Lak gam rơcang mu\t tàm kàl trồ prang tơngai duh, tu\ kòp sơnrang [ơn gơbàn ngan tàm nam. Den tàng làng bol pal rơcang lơh jăt nền nòn ală boă rơcang sơndră mờ kòp do.

Kòp sơnrang tài virus sơnrang lơh gơbàn. Kòp gơtòp tus kòn bơnus bơh dà diao phan ròng gơtìp sơnrang bơh sồt ha là lơ-iăp tềng sồt. Jơh ală cau gơtìp kòp sơnrang là tài so, mèo sơnrang kăp, geh ờ uă cau tài ală bơta phan ndai kăp bè rềt, dồ, đe…

Tơnơ\ mờ tu\ gơmu\t tàm să kòn bơnus, virus sơnrang geh ntrờn bơh tàm tiah đah đơm kơl tao ha là bơh ơră tus mờ ală che tơngoh ngoại biên, tus mờ chung mờ tơngoh.

Tơngai gơdrơm kòp di gơlan geh bơh 2, 3 ngai tus 2, 3 nhai mờ di gơlan jo\ tus 1 nam. Cau gơbàn kòp sơnrang mờng geh tơngo\ ală bơta bè: Jê ha là dơkiăt tềng sồt; koàc; duh să, glar, jê bồ bơh 2 tus 4 ngai; ngòt dà, măt tơngai sòl mờ ngòt mờ lơnga`; Mờng gơbàn ngòt, ờ su\k ơm tàm să…

Tu\ do kòp sơnrang ờ hềt geh sơnơm sơm bời. Di lah neh gơtìp kòp, cau kòp gơbàn chơ\t tơnơ\ mờ hơ\. Den tàng, kờ` rơcang sơndră mờ kòp sơnrang, làng bol pal kah lơh jăt niam ală broă tơnơ\ do:

-C^t sơnơm sơndră mờ kòp sơnrang so, mèo in jăt tơngai mờ jăt jơnau bơto sồr bơh anih lơh broă lơh sơnơm phan ròng dê.

-Ba` ting lềng so, mèo bơdìh gùng. Di lah ting lềng pal geh phan srồm bơr so in.

-Ba` nhơl, bơsèl so, mèo, tàm hơ\ uă ngan là ba` ai kòn dềt nhơl mờ phan ròng do.

-Tu\ gơtìp so, mèo kăp, koàc, broă lơh lài ngan là rài kloh sồt mờ sơ[ong tềng dà hòr sùm bơh 15 tus 20 phút. Do là broă lơh lài ngan geh cồng nha ngan tàm broă sơndră mờ kòp sơnrang. Tơnơ\ mờ hơ\ lời sồt bè hơ\ mờ tus mơ hờ hìu sơnơm kờ` sơm. Tu\ do, c^t sơnơm vaccine sơndră mờ kòp sơnrang là broă lơh tòm ngan kờ` pleh mờ chơ\t.

-Ba` sơm is kòp tàm hìu mờ ală sơnơm yau.

Cau mblàng Ndong Brawl