VOV4.K’ho - Tàm dơ\ pơrjum bơh mpồl đơng lam dà lơgar rơcang sơndră mờ kòp as sồt gùng tă nhơm tài jơi pa bơh virus Corona (Covid-19), Phó Thủ tướng ồng Vũ Đức Đam, kuang atbồ mpồl đơng lam sồr lơh jăt broă yal gah lơh sơnơm in gơwèt mờ ală cau lơgar Việt Nam.

Do ờ mìng là kơnòl sơndră mờ kòp jăt tơngai mờ gam là broă lơh mùl màl kờ` ală cau lơgar Việt Nam tus bal dùl nùs, gùt làng bol sơndră mờ kòp.

Ală jơnau yal pal geh atbồ nền nòn, mìng drơng tàm broă sơndră mờ kòp, ờ geh ngui tàm broă lơh ndai.

Phó Thủ tướng sồr Bộ Thông tin mờ Truyền thông, Bộ Y tế, Bảo hiểm Xã hội Việt Nam, ală anih lơh broă internet, ală mpồl lơh broă công nghệ thông tin lơh gơs gùng dà broă bơyai lơh, ală phan công nghệ kờ` lơh jăt broă yal bơta pràn kơl dang să jan gùt làng bol tàm gùt lơgar.

Cau mblàng Ndong Brawl