VOV4.K’ho - Ală nam pa do, kơnờm khin cha mut ngui bơta chài tàm broă lơh sa, tàm hơ\ geh broă lơh gơlik is phơng hữu cơ vi sinh bơh broă jơm ka` vi sinh mờ ală phan sang bơh tàm broă lơh sa suơn sre, uă bă chi tam bơh làng bol tàm ntum Ea Kpam, kơnhoàl Cư\ Mgar, càr Daklak neh brồ guh cồng nha lơh sa tàm broă sơngka sền gàr chi:

Là dùl tàm ală hìu nhă tam kơphe jo\ nam tàm ntum Ea Kpam, kơnhoàl Cư\ Mgar, bi Hồ Sĩ Hưng pà git, lài do tơnơ\ pah kàl tơnhàu, phan sang bơh tàm broă lơh sa suơn sre bè kơmhò kơphe, tờm tơngời sùm geh hìu nhă bi lời ra` tơnơ\ hơ\ den cèng chu. Mơya bơh nam 2010, tu\ anih tờm mut ngui khoa học công nghệ càr Daklak pơgồp bal mờ cơldu\ lơh broă sa mờ bơtàu tơnguh [òn lơgar kơnhoàl Cư\ Mgar mut lơh tơrlòng lài ală broă lơh gơlik phơng hữu cơ vi sinh bơh kơmhò kơphe mờ ală phan sang tàm broă lơh sa suơn sre geh cồng nha, bi Hưng bal mờ uă làng bol tàm [òn lơgar neh jòi git, mut ngui mờ cèng wơl cồng nha lơh sa uă. Dilah lài do pah nam, hìu nhă bi Hưng pal tă rlau 30 tơlak priă nàng blơi ală bơta phơng tuh  hoá học ơn 2 lồ kơphe in den bơh tu\ mut ngui broă lơh ai phan sang bơh tàm broă lơh suơn sre nàng lơh phơng vi sinh, hìu nhă bi neh tềm pềr mờr 15 tơlak priă blơi phơng tuh. Ờ mìng bè hơ\, ơn phơng hữu cơ vi sinh gam dong tơmù dimơ bơta ù gơtìp klàr, kơldang, dong lơh niam ù, tơnguh khà phơng tàm ù, dong ù gàr dà niam. Bi Hồ Sĩ Hưng pà git: “ Tu\ mut ngui bơta chài lơh broă sa, làng bol mut lơh bơrlu\ kơmhò kơphe mờ è phan ròng den cồng nha cèng wơl niam ngan, tờm chi gơs niam, ờ huan gơtìp kòp tu sa aniai.”

Ai jat bi Trần Văn Toàn, dùl nă cau lơh broă sa geh uă mờng chài tàm broă lơh phơng hữu cơ vi sinh den broă lơh phơng hữu cơ vi sinh bơh ală phan sang bơh tàm broă lơh sa suơn sre kung [uơn ngan. Nàng lơh gơlik dùl tấn phơng vi sinh bơh kơmhò kơphe halà bơh `gkòng tơngời, tờm bùm blàng den pal geh 1 tấn ală phan do bal mờ 200 ki\ è phan ròng, 10 ki\ phơng ure mờ 2 ki\ chế phẩm phơng vi sinh, he bơrlu\ jơh, tuh dà tơl sùh ìo, tơrgùm gơs 1 gơnru jơnhua bơh 1 thơk 3 tus 1 thơk mờ gùl. Ơnàng gơnru bơh 2 tus 3 thơk, tơnơ\ hơ\ ai bàk jơm kơ\ nàng gàr bơta sùh ìo, gàr bơta mrềt duh, pơgap 2 nhai tơnơ\ den ală phan sang bơh tàm broă lơh suơn sre neh ồm gơtùi cèng ơn ală chi tam in. Bè cồng nha lơh sa bơh phơng hữu cơ vi sinh cèng wơl, bi Toàn pà git: “ Lài do, a` ơn phơng vô cơ bal mờ dùl êt phơng bi sinh mơya khà priă blơi kas ngan, bơh tu\ hìu nhă a` jơm glòm is jat bơta pơlam bơh mpồl cau lơh broă sa dê mờ kuơ màng là bơh tu\ mut ngui bơh broă lơh jơm glòm den cồng nha ơn phơng gơguh niam ngan, bơh hơ\ hìu nhă a` neh tềm pềr geh priă blơi phơng.”

Uă cau go\ bơta kuơ bơh broă jơm is phơng vi sinh là kờ` lơh gơlik 1 tấn phơng vi sinh bơh ală phan sang tàm broă lơh suơn sre, priă tă lơh mìng bơh 400 tus 500 rbô mờ tềm pềr bơh 30 tus 50% khà phơng hoá học pal blơi nàng ơn chi tam in. Tàm tu\ hơ\ khà mbùr ù dê kung geh tam gơl uă ngan, bal mờ hơ\, chi tam gơs niam, bơta pràn sơndră kòp tu sa aniai gơguh uă, kơnờm sa tơl phơng bơh ù. Den tàng bơh 2, 3 jơt hìu nhă mut lơh bơh sơnrờp, tus tu\ do, jơh ală làng bol tàm ntum Ea Kpam, kơnhoàl Cư\ Mgar neh mut ngui broă lơh phơng hữu cơ vi sinh. Ồng Nguyễn Văn Thanh, kuang atbồ mpồl cau lơh broă sa ntum Ea Kpam pà git: “ Tu\ do tàm ntum geh rlau 90% ală hìu nhă ndrờm lơh kơmhò kơphe gơs phơng lài mờ tu\ ơn tờm kơphe in, bơh hơ\ gơtùi kơryan ală bơta bơsềt kòp, tơnguh khà jồp phơng, tơmù priă blơi phơng, kuơ màng là phơng hoá học bơh 35 tus 40%.”

Mờ broă ngui ală phan sang bơh tàm broă lơh suơn sre nàng lơh gơlik phơng hữu cơ vi sinh bơh làng bol kơnhoàl Cư\ Mgar dê, neh pơgồp bơnah sền gàr tiah kis, mờ do kung là dùl tàm ală broă lơh dong gah lơh sa suơn sre bơtàu tơnguh kơ\ kơljap, dong làng bol lơh broă sa lơh geh phan bơna ờ do ờ dă, cèng wơl cồng nha lơh sa uă.

                              Cau cih mờ yal tơngit K’ Duẩn.