VOV4.K’ho-  Lài do, rsi lơh mờ ngke rơpu là phan ngui ờ gơ tùi ờ geh bơh ală ùr ơruh M’nông dê nàng sền gròi bơta niam bơ ne\ să jan dê. Bơta niam geh is mờ kơltau jù di mơ, mat àng, so\ gơlơh rơ m^t  bè tàm bơr lu\ bal mờ bơta niam ù pơrhê bazan mờ trồ tơngai duh ir bơh tiah kơh bơ nơm dờng ơning ơnàng dê.

Ală ùr ơruh kèr so\ mờ rsi ngke rơpu halà lơh mờ gle nàng so\ ờ gơs wăk tơ nơ\ um tàm dà dờng, dà croh. Tơ nơ\  tu\ so\ neh niam, ală ùr ơruh ngui phan kơ\t so\ mờ phan yau, plai nhòng, che nhơ\t ja halà kòng gle nàng so\ in ờ gơ rung tu\ tus bal tam ya tàm dơ\ lơh chờ tàm [òn.

                                                            Rsi ngke rơpu bơh kòn cau M’nông dê

Bè broă sơng ka muh mat, phan dò, wan, kòn cau M’nông sền dờng màng ngan so\ tồr, lơh geh bơta krơi is mờ ală jơi bơtìan rềp bal. Broă kơ\t so\ bơh cau ùr M’nông dê kung krơi is ngan sơl mờ cau klau. Cau klau so\ geh kơ\t tơr gùm jơh dùl bă\ tàm đah ngkời. Cau ùr den ờ pồt jơh so\ nàng pồt mờ lời wơl mờ lời dùl ết gùt dar bồ ndrờm mờ dùl nau tê me. So\ geh kèr, tàm  gùl so\ geh kun nàng pồt mờ gùng so\ kèr gơ gơs dùl gùng pah gùt dar bồ sơn đan là Trong Nrây.

Ală so\ geh kèr geh koh ring bal mìng lời lơyah pơgap mờ 2 nau tê, ală so\ hơ\ sơn đan là Nrây. Gùt dar bồ jat gùng Nrây cau ùr pồt dùl nơm dang nhòng bơkào sơn đan là Nhong Kach. Cau klau geh tiah kung lời so\ Nrây, tàm gùng Nrây khi kung kơ\t tơmut nhòng sơn đan là Nhong Dên. Nhong Kach bơh cau ùr dê mpờl go\ ngan mờ ua\ dà pơr hê, rơ m^t, tơr lir phồng, Nhong Dên bơh cau klau dê mpờl go\ dà jù kò. Mờ bơta bơka să bè hơ\, sền bơh ngài gơtùi g^t loh là bồ so\ bơh cau klau halà cau ùr dê. So\ cau ùr kung pồt bè so\ cau klau sơl, mơya cau ùr den pồt jơnhoa rlau mờ geh tơngo\ tiang so\ ala mờ bơka bơkào bè cau klau. So\ bơh ngkời geh bơka Nraih mờ lơngô. Nraih bơh cau ùr dê kung ndrờm bè cau klau sơl, mơya jòng rlau mờ geh bơka mờ jơng chơ\p brà. Jơng chớp brà geh pồt mờ che brài geh dà sơng mờ lip tàm Nraih đùl con tán tiar mờ ngke rơpu. Bơdìh mờ Nraih, tơrnò brà, tàm so\ cau ùr geh bơka tai dùl nơm rsi lơh mờ ngke rơpu.

Rsi rơpu bơh cau ùr dê sùm lơyah rlau mờ cau klau mờ bal hia\ rlau, ờ duh kờ` pal lơh tai mờ lòs, ua\ ngan là kờ` sền gàr so\ sùm hàng niam. Rsi do geh sơn đan là Net Nke. Dùl nơm Nraih geh pơn ndrờm mờ dùl nơm sur 3 đàm tê, 1 nơm rsi  rơpu bơh cau ùr dê geh kuơ mờ dùl nơm iar me, dùl nhòng Nhong Kach kờp pria\ dùl nơm sur 3 đàm tê. Cau pồt so\ bơka bơkào tu\ lơi geh dơ\ lơh chờ halà tu\ tus bal pơrjum cribơyai broă kuơ màng. Ală ngai bè ờs mờ tu\ lòt lơh broă, cau klau M’nông pồt so\ mờ rsi ngke rơpu geh lơh tai mờ chì mờ trà. Rsi lơh tai mờ trà hơ\ geh sơn đan Net mlum, rsi lơh tai mờ chì geh kuơ mờ 1 nơm iar me, rsi lơh tai mờ trà kờp pria\ dùl nơm sur dờng.

Phan soh ờs mờng bơh ală mpồl jơi bơtìan kòn cau M’nông dê geh ua\ bơta krơi is mờ niam ngan tơngo\ loh làng bơhìan niam chài rơ gơi bơh kòn cau dê. Ngan là, cau ùr tàm tiah kơh bơ nơm M’nông bơh jo\ neh g^t broă lơh hàng să ai is să tờm he dê. Khi ờ mìng jak ngan, tryang tryồng, g^t tà` phan, g^t tơl ală broă tàm mìr, git tam ya, đơs crih tàm ală dơ\ lơh chờ mờ gam g^t lơh hàng niam ai să jan he in mờ ală phan bong să bơh brê bơ nơm geh is, sền gròi bơta niam cau ùr dê mờ so\ bồ niam, jù ntiar kơ nờm rsi ngke rơpu dê.

Brọp jat Ba\o Dak Nông- Cau mblàng K’ Hạnh