Tiểu cầu là ală bơta tàm mhàm dềt geh lơh bơh chung ntìng. Tiểu cầu là bơta kuơ màng tàm broă kơrian mhàm. Tu\ khà tiểu cầu tàm mhàm gơmù den gơbàn gơl^k mhàm. Gơmù tiểu cầu là bơta mờng gơtìp tàm cau kòp sốt xuất huyết. Bơta pràn kơ\t mhàm mờ bơta pràn sơndră mờ mồr cau kòp gơmù.

Tiểu cầu geh tàm mhàm bơh dùl nă cau pràn di pơgăp geh bơh 150 rơbô tus 450 rơbô tàm tơl microl^t mhàm (dùl bơnah tơlăk tàm 1 l^t). Cau kòp geh sền là gơmù tiểu cầu tàm mhàm tu\ khà tiểu cầu ờ uă rơlao 150 rơbô.

Khà ngòt rơngơ\t tàm broă gơmù tiểu cầu là gơmù tus 50 rơbô, mơya, kàl kòp sốt xuất huyết nam do neh geh dờp uă cau kòp gơmù tiểu cầu tus mờ khà ngòt rơngơ\t ngan lơyah rơlao bơh 10 rơbô 20 rơbô tiểu cầu tàm 1 microl^t mhàm. Tu\ gơtìp gơmù tiểu cầu, jăt mờ khà di mơ ha là jroă, bác sĩ geh sồr lơh jăt broă sơm kòp di pal.

Geh ờ uă broă dong kờl sơm kòp gơmù tiểu cầu mờ he pal kah:

-Hùc dà păt nha bơlhong: ală enzyme geh tàm nha bơlhong lơh gơguh tiểu cầu, tơnguh ală bơta kơ\t mhàm mờ sơlơ\u wơl ală bơta gơbàn ờ niam klờm tài virus lơh gơbàn.

-Hùc dùl li dà tơrdih plai chi dềt pah ngai dong kờl tơnguh khà tiểu cầu tu\ gơbàn kòp sốt xuất huyết dengue. Ală bơta plai chi dềt geh uă bơta phan sơndră mờ oxy hoá, den tàng geh dong kờl lơh ring bal ală phan geh is mờ dong kờl să jan tơnguh lơh gơs tiều cầu.

-Sa blơn su\t ha là hùc dà plai blơn su\t tơrdih: Lycopene tàm plai blơn su\t lơh gơguh tiều cầu. Vitamin A dong kờl broă tơnguh bơtàu tiểu cầu mờ lơh niam ală protein geh lơh bơh ală tế bào.

-Dà păt nha đam kung dong kờl lơh gơguh tiểu cầu tàm mhàm.

-Bơtơl vitamin C: Vitamin C là dùl bơta phan sơndră mờ oxy hoá pràn kơl dang mờ vitamin C khà uă geh dong kờl kơrian bơta aniai phan geh is bơh tiểu cầu. ală phan sa geh uă vitamin C, he gơtùi bơtơl să jan in là: kroăc, ca`, dâu tây, kiwi.

-Bơtơl vitamin B12 mờ acid folic: Vitamin B12 mờ acid folic là bàr bơta phan geh kuơ tus mờ broă lơh gơs uă bơta phan tàm mhàm, tàm hơ\ geh tiểu cầu. Kờ` tơnguh B12 mờ acid folic tàm să jan, he gơtùi sa biăp bina, plai chi geh tò, hùc dà toh…

Di gơlah gơmù tiểu cầu uă, he pal tus mơ hờ hìu sơnơm kờ` geh bác sĩ kham mờ sơm kòp:

-Ngui sơnơm corticosteroids: ală cau kòp gơtìp gơmù tiểu cầu geh ai ală bơta sơnơm corticosteroids.

-Tơmu\t tiểu cầu: Tơmu\t tiểu cầu là dùl broă lơh geh cồng nha kờ` sơndră ha là sơm kòp gơl^k mhàm ai ală cau kòp gơmù tiểu cầu ha là gơnoar tiểu cầu ờ pràn. Ală cau gơtìp kòp HIV, cau gam pal sơm hoá trị ha là cau bơkiar phan tàm dơlam să ba` ngui broă c^t tiểu cầu.

-Reh koh la: Bơta do geh lơh tu\ cau kòp ờ di pal mờ sơnơm sơm kòp ha là tu\ la sơbì ală phan tiểu cầu l^k bơdìh să jan lơh să jan ờ tơl tiểu cầu.

Cau mblàng Ndong Brawl