VOV4.K’ho -Tàm broa\ ròng sur jat ròng ua\, broa\ tềm pềr pria\ la kuơ màng ngan kờ` lơh geh ua\ bơta kuơ. Kuơ màng ngan la tus mờ broa\  ròng sur me, broa\ he pơlam sur kòn in sa gờ` ờ mìng lơh sur me ờ hoan gơtìp aniai tơnơ\ tơl dơ\ deh mờ gam lơh sur kòn in  geh tơngguh bơta pràn sơndra\ mờ kòp, rcang tơnjơh pô, ờ hoan roh tơngai sền gàr, sur kòn mhar geh tac.

            Tàm ròng sur, ngan la ròng sur công nghiệp, sur kòn mờng ngan geh tà pô me gờ` ngan. Bè ờs, sur kòn bơh 18-20 ngai hơ\ sồng git sa. Bulah bè hơ\,  jat bơta ròng phan bè tu\ do, nàng tơn ru] lơyah tơngai  ròng, tềm pềr pria\ jền mờ broa\ lơh sền gàr, cau mờng ngan tà toh pô me tu\ sur kòn rơp geh bơh 20-25 ngai. Den tàng,  broa\ pơlam sur git sa gờ` geh ua\ bơta gơdờp niam:

            -Lài jơh: Lơh sur mgar dờng mờ mhar gơs jơh đah lơh lề phan sa tàm sa\ sur bơh geh bơchul bơh gùng lơh lề phan sa bơh sur kòn gơlik geh  ka` lơh lề phan sa bơh hơ\ gơ geh mờng mờ phan sa bơh bơdĩh.

            -Dơ\ 2: la lơh tơmù gơbàn aniai bơh sur me bơh sur kòn geh bơsir phan ròng sa\ bơh phan siam bơdĩh mờ broa\ tà toh pô me geh lơh lài mờ sur kòn ờ hoan gơbàn rgai tơnơ\ geh tà toh me.

            Kờ` bè hơ\, cau ròng sur pal pơlam  sur kòn sa bè tơnơ\ do: Rcang bòng siam, bơta bòng geh lơh tac tàm drà hala geh lơh bòng is, bòng tam tiah tơr è bòng wil, đah bơr bòng geh lơh gơ srềp bồ nàng kơryan sur me sa phan siam sur kòn.

            Broa\ pơlam sur kòn sa bè tơnơ\ do:

            -Broa\ lơh sơnrờp: Ngui phan siam geh is ờ duh bơceh lơh lài bè phe, tơngời, bùm, bùm blàng, khoah tương…Gơtùi coh tơngời, phe, khoah nàng bô bơkah, tơnơ\ bo\ lề.

            -Broa\ lơh dơ\ 2: Gơtùi ngui ala\ phan sima công nghiệp pơlam siam sur kòn in bè Con Lợn Vàng Newpro X1947 hala Newpro X2000-R.

            Làng bol pal kah: Phan siam sur kòn in kờ` pal tơl bơta bòk, đàm, sinh tố mờ vi lượng. Ua\ ngan la bòk phe, bòt tơngời, lơ\ nse, ka ờ ba\, khoah tương coh, ka` ơlak…Ala\ ngai sơnrờp pơlam sa làng bol pal ngui gai geh pùt đềs hala bìai bong pih pòr dà geh dà toh tềng toh sur me nàng sur kòn pô den geh lơ yiap bal, tơnơ\ hơ\ gơtùi kơryan sur me is nàng pơlam sur kòn sa. Kung gơtùi ai sur kòn gam dềt git sa tàm bòng sur nàng sur kòn đòm.

            Ala\ phan pơlam siam sur kòn sa pal kloh,  phan siam ờ gơbàn mbih lơh sur kòn gơ jroh è. Làng bol pal lời bòng sur dùl anih nàng sur kòn mờng anih sa. Bòng sur geh ơn tàm wàng sur 2-3 jiơ hơ\ sồng ta\ lơh kloh, tơnơ\ 1-2 jiơ  hơ\ sồng ơn phan siam pa tàm wàng, lơh sùm be fhơ\ 2, 3 dơ\ tàm dùl ngai nàng lơh geh bơta kờ` sền bơh sur kòn mờ nàng phan siam sùm pa mờ bô gơ hòi gơ jà. Khà phan siam sur kòn  geh ơn ua\ rhời pah ngai. Mìng pơlam tàp 3-4 ngai, sur kòn neh git sa tàm bòng, pơlam ai sur kòn cah is mờ me mờ mìng cah is trồ ngai. Ngai sơnrờp cah is bơh 7 jiơ drim tus 10 jiơ ngai, ngai dơ\ 2 tac jo\ rlau gùl jiơ hala rlau jat tơngai nàng tà pô. Dilah ai siam tàm 20 ngai, pah ngai pal tà tai ngaà me rlau gùl jiơ tai. Ngai tà toh pô lồi dut kung mìng cah  ngài me di bơh 7 jiơ  drim  tus 5-6 jiơ mho. Lài mờ ngai tà toh pô mìng ai sur me, sur kòn sa ê\t. Tus ngai cah is kòn tà toh  me, làng bol ai sur kòn sa rhời, ba` ai sa hờm. Tơnơ\ hơ\, geh ờ ai kòn pô tai, cah is sur kòn ròng tai tus bơh 60 -90 ngai. Tu\ do, sur kòn neh dờng mhar, tàm ngai cah, tà toh me, làng  bol krơ\ sur me ờ siam di dùl ngai mang nàng sur me ờ gơlik dà toh tai.

                                                                        }au mblàng K’ Brọp