VOV4.K’ho - Nàng làng bol wa\ rlau tai bè bơsềt, git broa\ lơh, git jơnau kờ` ngan nàng tam bơsềt niam, bol a` neh geh dơ\ tìp mờ lùp jơnau mờ bi Nguyễn Trọng Hòa, cau tờm anih tam bơsềt tàm Tây Nguyên  tàm [òn Kon Sơ Lam 2, sơnah [òn Trường Chinh, [òn dờng Kon Tum, càr Kon Tum.

            -Geh ua\ cau ngan tu\ do kơp kờ`  geh tam bơsềt. Bi geh jơnau bơto sồr lơi tus mờ broa\ tam bơsềt do?

            Jat a` den tam bơsềt ờ kan mờ cau lơi kờ`  bơsềt den drờm gơtùi tam bơsềt. Tu\ do,  mờ  bơta bơtàu tơngguh bơh khoa học kỹ thuật mờ ngan la bơh kông nghệ ròng  cấy mô neh geh lơh ua\  tàm  làm drà ka\ bro Việt Nam. Làng bol cau lơh  sa kờ` bơcri  tam  bơsềt den  bơta kuơ màng ngan he pal geh la drà ka\ bro.  Tu\ he geh drà ka\ bro niam den tu\ hơ\ he hơ\ sồng pờ ơnàng lơh sa geh lơh phôi sơntìl hala bơta lơh dờng màng rlau.

            -Geh dùl bơta mờ cau lơh sa tu\ mờ mut lơh tam bơsềt la khi ờ khin cha ngan. Khi sơnơng di gơlan ù tiah tềng khi ơm ờ gơ kờ` làng lơh gơs dùl trang trại kờ` tam bơsềt. Bi geh jơnau bơto pơlam lơi tus mờ  sơnơng do bơh cau lơh broa\ sa?

            Mờ kong nghệ tam bơsềt tu\ do den la mìng tam tàm hìu krơh, tơmù ua\ ngan bè bơta trồ tiah, ù tiah hala  ala\ bơta phan geh is ndai. Làng bol cau lơh sa kờ` lơh la pal jòi wa\ nền nòn, pal git wa\ geh, git ngan ala\ jơnau bè sinh lý, sinh học bơh bơsềt nàng geh rơndap niam lơh mbè lơi gơ in di pal mờ trồ tiah. Bơta dơ\ 2 la bol he pal sền gròi ngan  bơta drà  ka\ bro tiah he kis,  jòi wa\ nàng git tềng hơ\ cau kờ` bơsềt lơi, kờ` nđờ mờ gam ờ tơl nđờ kờ` bol he bơcri  gơ in di pal. Bơta dơ\ 3 la bol he pal geh lơh bal.  Lơh bal mờ cau lơh lài  kờ` bol he git kỹ thuật nàng ròng tam, hala geh bơta tam pà nàng ròng  tam niam rlau. Lơh bal mờ ala\ tiah ndai mờ drà ka\ bro ndai  kờ` bol he  gơtùi ai bơsềt he dê geh tam ka\ bro ngài rlau mờ khà slơ ngai slơ dờng.

            -Nàng geh dùl  anih tam bơsềt, cau tam bơsềt pal rcang nền nòn  bơta lơi?

            Kờ` mut lơh tam bơsềt den he pal geh dùl la ba\ ù ơnàng nàng  geh tiah tam bơsềt. Ba\ ù hơ\ di gơlan la ơpah hala  ù he geh lài den slơ niam. Dơ\ 2 la he geh dùl khà pria\. Khà pria\ hơ\ gơ jat tàm bơta dờng he lơh mờ bơta kơp kờ` bơh drà ka\ bro mờ he kờp du\ geh bơcri. He pal geh dùl anih  lơh sơntìl pin dờ` ngan nàng he geh blơi phôi sơntìl rê  sơng ka sền gàr. He pal geh kỹ thuật tam ròng. Kỹ thuật do den làng bol cau tam bơsềt gơtùi geh  iat, sền tàm  rơdio, bao\, sra\,  internet hala he hòi điện thoại tơn tus  ala\ cau tàm gah  do nàng kơnờm mờ cau pơlam dong kờl.

            -Tàm Kon Tum  làng bol kờ` tam ua\ bơsềt gơtùi tus tềng lơi  kờ` blơi geh phôi sơntìl bơsềt kờ` tam gơs trang trại bơsềt he dê?

            Tàm [òn dờng Kon Tum, làng bol he gơtùi tus mờ ala\ Trung tâm bơto broa\ lơh,  ala\ trung tâm khuyến nông hala trung tum ngui  khoa học kong nghệ hala Sở khoa  học mờ Công nghjê  nàng geh dong pơlam hala geh yal tơnggit tus ờ ua\ anih geh  lơh sơntìl pin dờ` ngan mờ geh bơnga\ ngan tàm [òn dờng Kon Tum.

            -Geh git,  anih tam bơsềt bi dê kung la anih  geh ua\ ngan cau tus blơi sơntìl. Bi gơtùi yal tơnggit mờ làng bol lơh sa he in  gam lơh geh ala\ sơntìl lơu, mbè lơi tàm anih bi dê?

            Tu\ do tềng anih a` dê la anih bơsềt  kloh Tây Nguyên,  gơ ơm tềng gùng Trần Văn Hai sơne\ bal mờ gùng Nơ Trang Long. Do la anih  tam bơsềt sa mờ bơsềt lơh sơnơm gơtùi đơs la dờng ngan rlau jơh tàm [òn dờng Kon Tum. Tu\ do,  bol a` gam tac tàm drà ka\ bro 4 bơta sơntìl  bơsềt. Hơ\ la bơsềt rhe, bơsềt kràng, bơsềt kơm mhơr mờ bơsềt linh chi. Ala\ bơsềt do drờm la bơsềt ờs mờng tàm drà ka\ bro mờ di pal mờ  tàm tiah Kon Tum mờ geh bol a` geh lơh wơl nàng lơh   but bơsềt ua\ rlau, di pal mờ trồ tiah mờ ù tiah tàm càr Kon Tum.

            -Mờ anih tam bơsềt bi dê, tu\ mờ làng bol kờ`  blơi sơntìl bơsềt nàng rê tam tềng ba\ ù khi dê den geh  pơlam bơto bè lơi bơh anih tam bơsềt bi dê?

            Tềng đap mat la bol a` geh dong làng bol sền lài ba\ ù mbè lơi,  khà dà bè lơi geh tơl khà niam hala ờ mờ geh dong mblàng tus broa\ bơcri  tam bơsềt lơu di pal. Dơ\ 2 la tu\ geh git geh bơta bơsềt mờ làng bol  kờ` tam den bol a` geh pơlam  kỹ thuật dong làng bol in git geh kỹ thuật sền gàr, sơng ka bơsềt tam geh bè bơsềt gơbut ua\, khà bơkah bơh bơsềt. Bol a` geh lơh ngan dong kờl dùl bơnah broa\ ka\ bro làng bol tam bơsềt in tu\  sơnđờm tam. Bol a` di gơlan geh blơi wơl ờ ua\ bơta bơsềt bè bơsềt Linh chi. Mờ ala\ bơsềt ris den bol a` geh yal tơnggit ờ ua\  anih  cau blơi kờ` làng bol in  git  tàm tơngai tam bơh sơnrờp.

            -Ưn ngài bi ua\ ngan bè  dơ\ lùp  mờ ho jơnau lùp!

                                                Cau cih mờ yal tơnggit K’ Brọp