VOV4.K’ho - Tu\ do,  broa\ bơcri nàng tam ua\ chi tam  bơrlu\ bal tàm suơn kơphe la broa\ lơh di pal mờ geh dong làng bol bơsong geh jơnau ờ suk ngan bè lơh sa mờ ngui ua\ ngan jơh ala\ bơta ù geh,  tơngai sòl, dà, phơng tuh geh lơh tơngguh cồng nha lơh geh, tơmù  gơbàn hoàc hươr bơh ala\ bơta tu sa aniai tus mờ chi tam. Tàm jơnau do,  bol a` geh pơyau ờ ua\ bơta mờng bơh cau tam kơphe mờ ala\ broa\ pal kah bơh ala\ cau jak chài gah lơh sa suơn sre tu\ mut lơh broa\ lơh tam ua\ bơta chi tam bơrlu\ bal.

            Kung bè ua\ hìu nha\ làng bol ndai nàng geh tai tơnhàu bơdĩh mờ kơphe, nđờ nam do,  hìu nha\ ồng Cao Văn Thắng kis tàm ntum Ea Kiết, kơnhoàl Cư\ Mgar, càr Daklak neh tam bơ, tiêu, sầu riêng bal tàm suơn kơphe mờr 2 lồ hìu nha\ dê. Ồng Thắng ai git,  ồng rwah bơ, sầu riêng, tiêu nàng tam bal mờ kơphe tài do la ala\ bơta chi tam cèng wơl bơta kuơ bè kìng mbur kơphe in,  lơh geh gơbàn ìo ù tu\ tam bal mờ kơphe. Kơnờm geh ngui broa\ lơh tam bơrlu\ bal do suơn kơphe hìu ồng geh hòn cat pràn gơs ngan mờ cồng nha tơnhau 4 tấn tàm dùl lồ. Bal mờ hơ\,  pria\ geh bơh hìu nha\ dê kung gơguh ua\ bơh ala\ bơta chi tam bơrlu\ bal. Ồng Thắng ai git:“Kung bal dùl ba\ ù hơ\ di lah tam  bơrlu\ bal den drờm 4 lồ kơphe cau dê tam, bơcri êt rlau, tu\ lòt lơh broa\ tàm suơn mriềt rlau bơh ua\ mbur, chi che  rơm hơm. Nhai tuh dà kung mìng tuh bơh 2, 3 dơ\ den he tuh dùl dơ\, tài jơh  ala\ tờm kìng mbur gàr geh ìo niam ngan”.

            Bulah bè hơ\,  tam bơrlu\ bal mbè lơi nàng gàr niam suơn kơphe geh cồng nha kơljap bè hìu nha\ ồng Cao Văn Thắng ờ di la làng bol ờ git. Jat tiến sĩ Phan Việt Hà atbồ cơldu\  lơh broa\ khoa học mờ lơh broa\ bal dunia, di Gah lơh broa\ jak chài chài rgơi ma\y mok lơh broa\ sa suơn sre chi brê Tây Nguyên, den ua\ ngan hìu nha\ làng bol tam chi jir ir geh lơh ờ tơl phơng  tuh chi tam in, tam chi rha ir den ờ  chồl guh geh cồng nha lơh broa\ sa. Den  tàng,  broa\ tam chi di pal geh ai git sơnđìng bơh tàm bơta ù,  bơta sơntìl chi tam,  kàl lơh sa mờ ngan la bơta gơbàn tu sa aniai bơh tơl [òn lơgar, tiến sĩ Phan Việt Hà bơto bơtê:“Mờ suơn chi bol he  gam tam kơphe den bol a` geh đơs lài mờ làng bol he ba` tam jir ir mờ bol he geh kờp du\ mbè lơi tàm bơta ù tiah, trồ tiah,  kờp du\ lơh mbè lơi gơ in di pal. Tam tiêu bơrlu\ bal mờ suơn kơphe den bol he pal tam 2 sèng kơphe den tam dùl sèng tiêu. Mờ ala\ bơta chi tam sa plai, bè bơ pơnyơu mờ tờm macca den bol he pal tam pal 3 sèng kơphe den hơ\ sồng tam dùl sèng chi sa plai. Tài ala\ chi do gơ geh ntê gơ lì ơnàng dờng den tàng bol he ờ go\ di tam jir ir”.

            Bal mờ broa\ rwah chi tam geh tam bơrlu\ bal, bơta tam bơrlu\ bal tàm tu\ tam mờ sền gàr, tuh phơng suơn chi in kung la broa\ lơh kuơ màng. Den tàng,  mut lơh broa\ tam bơrlu\ bal chi tam geh cồng nha làng bol pal git wa\ nền nòn suơn kơphe he, bơta chài tam bơrlu\ bal lài mờ tu\ geh  lơh tam bơrlu\ bal chi tam. Kơp kờ` làng bol lơh sa geh  cồng nha ua\.

                             Cau cih mờ yal tơnggit K’ Brọp