VOV4.K’ho - Pa do, kơphe Arabica Dà Làc – Lâm Đồng geh Tập đoàn Starbucks, lơgar Mỹ dê dờp là 1 tàm 7 bơta kơphe bơkah tàm dunia mờ neh geh tac tàm ròt ală hìu tac phan bơh Tập đoàn do dê tàm gùt plai ù. Bulah bè hơ\, bơh jo\, cau tam kơphe tàm tiah do kung gam lơh broă rah rài, aih blơi ờ kơljap den tàng bă ù tam mờ cồng nha tơnhàu kơphe do dê neh gơmù uă ngan. Ờ bài kong mờ bơta ờ di do, ờ uă ơruh pơnu kơnòm să tàm xã Xuân Trường, [òn dờng Dà Làc, càr Lâm Đồng neh khin cha mut ngui rơndap broă tam kơphe kloh niam tàm broă lơh sa. Bơh hơ\, kơphe Arabica tiah do neh hời rơhời bơtàu tơnguh bơta kuơ mờ mat sơnđan kă bro, pờ geh dùl broă lơh pa geh cồng nha uă ai làng bol tiah do in:

Lam lài tàm srơh tam kơphe Arabica jat công nghệ kloh niam là bi Nguyễn Song Vũ, ơm tàm [òn Xuân Sơn, xã Xuân Trường, [òn dờng Dà Làc. Bi pà git, hìu nhă mìng geh 1 lồ mờ gùl kơphe, ală nam lài, tơnơ\ mờ tu\ pic jơh ndrờm tac ris ală cau kă bro in den tàng priă lơh geh lơyah ngan mờ anih blơi ờ kơljap. Bơh ngai mut ngui rơndap broă tam kơphe kloh niam, anih blơi kơljap mờ tac  yòm rlau tai.

Jat bi Nguyễn Song Vũ, lài ngan tàm broă tam kơphe pal gàr niam bơta rềp mềl mờ tiah kis, ba` ngui uă ir phơng hoá học, uă ngan ngui phơng vi sinh mờ ală chế phẩm bơh broă lơh sa suơn sre. Broă pic kơphe kung pal gàr niam khà dủm lau 95% mờ pal lơh gơlik tàm pơgap 48 jiơ tơnơ\ mờ tu\ pic. Kơphe tu\ neh mai\ jơh geh ràu kloh mờ cèng ìs ra` tàm bơnàng ngài mờ mat ù 1 thơk. Den tàng, gar kơphe sùm kloh niam, gàr bơta [ô bơkah geh is mờ geh bơta niam uă. Bi Vũ pà git: “Lơh gơlik ờs mờng den bè tơl nă cau kung git là bol he jơh mai\ den trăm, hơ\ sồng ìs tàm [làng ù, den gơ [ơ\ ngan mờ lơh aniai tus bơta niam kơphe dê. Tu\ mut ngui rơndap broă do den kơphe geh lơh kloh bơh sơn rờp tus lồi dut mờ geh ìs tàm dra, pleh thul kơmbuh mờ gàr bơta [ô bơkah kơphe in dùl bă niam ngan rlau jơh.”

Bulah mut ngui rơndap broă tam kơphe jat broă lơh kloh niam mờ rềp mềl mờ tiah kis do geh priă bơcri uă rlau mờ broă lơh ờs mờng, mơya priă lơh geh kung gơguh uă rlau mờ phan lơh gơs sùm geh Công ty Cầu Đất Farm tàm xã blơi jat sră cih mat lài. Jat bi Nguyễn Song Vũ, tu\ do đah Công ty Cầu Đất Farm gam cih mat lài bi in lơh gơlik kơphe jat broă lơh gơlik ra` cèng [ô bơkah dà lơ we. Ală gar kơphe tơnơ\ mờ tu\ pic geh plồ kơm hồ, tơnơ\ hơ\ lơh kloh mờ broă lơh sinh học  geh is hơ\ sồng is tàm dra. Bi Vũ đơs: “Tơnơ\ 2 nam lơh gơlik kơphe kloh niam den pal đơs là rơndap broă lơh gơlik kơphe ngai sơlơ tam gơl rlau mơ kung cèng wơl bơta kuơ uă rlau. Jat mờ hơ\, bơta niam mờ khà priă tac kơphe tàm Công ty Cầu Đất geh tơnguh uă rlau.”

Bơh broă lơh kơphe kloh niam do, tu\ do tàm xã Xuân Trường neh geh rlau 30 hìu nhă làng bol lơh jat. Jơh phan lơh gơs ndrờm geh tac jat sră cih mat lài mờ khà tac sùm ờ tơl nàng drơng jơnau kờ` blơi.

                                            Cau cih mờ yal tơnggit K’Duẩn