VOV4.K’ho - Kơnhoàl Dà Teh là tiah tam tiêu uă ngan bơh càr Lâm Đồng dê, mờ bă tiêu gam geh tu\ do gơguh tus 200 lồ. Bulah bè hơ\, tài jơh ală làng bol ờ hềt git loh bơta chài sơngka sền gàr mờ ală broă lơh rơcang sơndră kòp tu sa aniai den tàng cồng nha cèng wơl ờ hềt uă, geh tu\ geh uă hìu nhă làng bol ờ geh tơnhàu tơn tài tiêu gơtìp kòp chơt dùl ròt. Bè hơ\ lơh bè lơi nàng bơtàu tơnguh tờm tiêu kơ\ kơljap, ờ gơtìp ală bơta kòp tu sa aniai, ngan là kòp chơt mhar, chơt lơỳai, broă lơh geh cồng nha bơh ồng Trần Xuân Thăng, ơm tàm Mỹ Đức, kơnhoàl Dà Teh, càr Lâm Đồng geh yal tơnơ\ do geh dong làng bol bơsram mờ đòm jat:

Tàm tu\ uă suơn tiêu bơh làng bol lơh broă sa tàm [òn lơgar pal kong mờ kòp tu sa aniai uă, gơbàn kòp chơt dùl ròt, cồng nha lơh sa cèng wơl ờ uă, den suơn tiêu ơnàng 3 sàu mờ gùl bơh hìu nhă ồng Nguyễn Xuân Thăng, ơm tàm [òn 2, xã Mỹ Đức, kơnhoàl Dà Teh, càr Lâm Đồng kung gam gơs bè ờs, kờp bal pah nam ndrờm ai hìu nhă ồng in cồng nha mờr 300 tơlak priă.

Ồng Nguyễn Xuân Thăng đơs tờm, tờm tiêu gơ kờ` ngan mờ ù tiah ndo. Suơn tiêu hìu nhă ồng dê ờ gơtìp aniai uă bơh ală bơta kòp tu sa aniai là kơ nờm ồng sùm sền gròi tus broă sơngka sền gàr, lơh jat di bơta chài sơngka sền gàr mờ gah lơh sa suơn sre neh pơla. Bal mờ hơ\, sùm jòi git jơnau tơnggit bè ală gơlik geh kòp tu sa aniai jat kàl, bal mờ ală bơta sơ nơm kơryan kòp nàng rơcang sơndră, ờ lời suơn tiêu gơtìp kòp lơh aniai. Jat ồng Nguyễn Xuân Thăng, tờm tiêu tàm do sùm gơtìp kòp chơt mhar, chơt lơỳai den tàng pal sền gròi tus broă yuh tơlik dà tàm nhai mìu, mờ tơnơ\ pah dơ\ mìu pal [ồm sơnơm nàng rơcang sơndră ală bơta kòp tu sa aniai. Hơ\ là ală mờng chài ồng ai geh rlau 20 nam rềp mềl mờ tờm tiêu. Ồng Nguyễn Xuân Thăng đơs: “Tu\ do broă jòi git jơnau tơnggit đah ală cau tam geh tàm internet, ală bơta kòp tu sa aniai mờ ală bơta sơ nơm rơcang sơndră kòp kung geh tơl tàm internet bơh ală pang internet pơlam lơh sa suơn sre den tàng pal sùm sền gròi. A` sồr làng bol gam tam tiêu tàm [òn lơgar pà pal kah tàm nhai mìu, broă yuh tơlik dà suơn tiêu dê pal kah ală tiah gơ kờn dà tàm suơn he pal bơ song mơ.”

Lài do, geh tu\ bă ù tam tiêu tàm kơnhoàl Dà Teh gơmù uă ngan, mìng gam hơ đơm 50 lồ tài gơtìp chơt bơh kòp lơh aniai. Tài khà priă tiêu tàm drà kă bro kơ\ kơljap mờ gơguh jơnhua den tàng tu\ do làng bol lơh broă sa neh tam wơl, bal mờ bă ù neh geh bè lài là 200 lồ. Jat ồng Nguyễn Văn Giang, Chủ tịch mpồl cau lơh broă sa xã Mỹ Đức, kơnhoàl Dà Teh, tu\ do kòp chơt mhar, chơt lơỳai digơlan pơnjat tai gơlik geh uă, ală mờng chài bơh broă tam tiêu hìu nhă ồng Nguyễn Xuân Thăng dê geh là ală chài git wă kuơ màng ngan nàng làng bol in tus sền mờ đòm jat. Ồng Nguyễn Văn Giang đơs: “Hìu nhă ồng Thăng sùm jòi git bơta chài sơngka sền gàr nàng mut ngui tàm suơn tiêu hìu nhă dê gơ in geh cồng nha, bal mờ hơ\, ồng ai geh mờng chài is să tờm dê nàng gàr niam cồng nha lơh sa. Tơngai lài, ồng Thăng ờ mìng sơngka sền gàr niam suơn tiêu hìu nhă ồng dê mờ gam tam pà mờng chài lơh broă uă cau ndai tàm [òn lơgar in. Bol a` đơs là, do là bă suơn tiêu geh cồng nha nàng làng bol tus bơsram mờ đòm jat.”

      Cau cih mờ yal tơng^t K’ Duẩn