VOV4.K’ho - Broă bơtàu tơnguh lơh sa suơn sre ngui công nghệ cao neh pơgồp bơnah uă ngan dong tơnguh bơta kuơ lơh geh bơh gah lơh sa suơn sre càr Daknông dê. Bal mờ ală broă lơh bơh dà lơgar dong kờl priă bơcri den geh uă cau lơh broă sa neh khin cha bơcri priă bơtàu tơnguh lơh sa suơn sre jat rơndap broă ngui công nghệ cao, lơh gơlik ală phan bơna bơh suơn sre kloh niam; pơn rơ ngan là bè tờm tiêu:

Trang trại Thu Thuỷ tàm xã Nâm N’Jang, kơnhoàl Dak Song geh sền là mpồl geh pơn rơ ngan tàm broă mut lơh broă tam tiêu sinh thái bơh càr Daknông dê. Tơnơ\ mờ tu\ mut ngui geh cồng nha rơndap broă lơh sa jat ală khà tơl VietGAP, GlobalGAP, nam lài, tiêu mpồl do dê tơl khà nàng tac hờ châu Âu – hòi lơyah là ESA.

Kờ` geh gar tiêu sinh thái, trang trại neh tam mờ pic tơnhàu ndrờm jat bơta geh is, ờ ngui phơng hoá học, sơnơm tu halà sơnơm nhơt… Phan bơna lơh gơlik trang trại dê uă ngan, tàm hơ\ geh ală bơta phan geh bơta niam uă bè tiêu jù, tiêu pơr hê, tiêu kò.

Gơwèt mờ ală bă tiêu tam mờ `jrong chơt bè lài do, tu\ do gam geh trang trại lơh niam wơl mờ broă tam tai tờm chi, lơh gơs rơ hiơm, pơgồp bơnah lơh niam tiah kis sinh thái. Kơnờm lơh jat krà` cê rơndap broă lơh sa den tàng ală bơta tiêu gar trang trại dê [uơn ngan ai tus broă cih mat sền gàr gơnoar geh ngui phan lơh gơs bơh bồ tơngoh jak mờ tac hờ ală lơgar geh ală jơnau kờ` nền nòn ngan bè tơl khà tàm dunia. Ồng Đinh Xuân Thu, cau tờm trang trại Thu Thuỷ tàm xã Nâm N’Jang, kơnhoàl Dak Song pà git: “Tàm ală bơta nàng tơl khà tam tiêu hữu cơ, jat a` den lài ngan he pal git rơndap broă lơh, git wă bè chài lơh sa suơn sre, hơ\ là bơta kuơ màng ngan rlau jơh, pal geh tiah ơm kis lơh geh tơl khà lơgar ndai dê bè bơta tiah ơm kis tu\ tam. Mơya kuơ màng den he kung pal git wă bè tiah ơm kis, bè sinh thái, pal sền gàr tiah ơm kis, tài do là tam tiêu kloh niam, bơta kloh ờ mìng tàm broă tam mờ gam tàm broă lơh gơlik, prap gàr.”

Ai hìu nhă bi Nguyễn Cao Nguyên tàm xã Thuận Hạnh, kơnhoàl Dak Song den sac rơwah công nghệ [ồm dà tềm pềr nàng tam tiêu kơ\ kơljap. Hìu nhă bi tu\ do geh 9 lồ tiêu. Priă jền bơcri lơh mai\ [ồm dà hòr ntờc tàm tơl lồ pơgap bơh 35 tus 40 tơlak priă. Do là khà priă ờ di dùl êt, mơya jat bi Nguyên, dilah kờp jơh tơngai dờng pràn tiêu dê mờ cồng nha ngui mai\ [ồm dà hòr ntờc den cồng nha lơh sa gam uă rlau pơn drờm mờ broă [ồm dà ờs mờng: “Pơn drờm bè bơta tềm pềr dà mờ ơpah cau lơh broă jat tu\ tơngai den bè 1 cụm [ồm bè ờs, dilah ơm rềp mai\ [ồm den 1 jiơ tàm 1 lồ, tu\ sơlơ ngài mờ mai\ [ồm den ờ huan pràn tai pal roh mờr 3 jiơ tàm 1 lồ, kờp bal là 2 jiơ tàm 1 lồ. Pơn drờm mờ [ồm dà mờ tê den he pal roh bơh 8 tus 16 jiơ tàm 1 lồ.”

Bơh ală broă lơh ngui công nghệ pa tàm broă tam tiêu tàm càr Daknông ai go\ cồng nha cèng wơl loh làng ngan. Do là rơndap broă kuơ màng, gam geh gơnoar atbồ mờ gah lơh broă geh gơnoar tàm càr sồr lơh uă rlau tai.

                Cau cih mờ yal tơnggit K’Duẩn