VOV4.K’ho - Tàm jơnau  do poh lài, bol a` neh yal ală jơnau bơto pơlam bơh cau jak chài lơh sa suơn sre dê bè broă ơn phơng tờm tơngời tàm tơngai pa hòn, pơnjat tai jơnau đơs ngai do, Thạc sĩ Đinh Văn Phê, kuang jat jơng drơng broă gah Môn chi tam lơh phan sa, di anih kơlôi sơnơng bơta chài lơh sa suơn sre brê bơnơm Tây Nguyên, geh pơlam làng bol mờ gơp bơyô in broă ơn phơng tờm tơngời in tàm tơngai hòn dờng:

Broă ơn phơng tờm tơngời in tàm tơngai hòn dờng geh mut lơh bè lơi ơ Thạc sĩ?

Thạc sĩ Đinh Văn Phê: Gơwèt mờ ơn phơng dơ\ 2 den làng bol pal kờp khà nha bơh tờm tơngời dê, tơngai bơh 7 tus 9 nha, hơ\ là tơngai làng bol pal kờp du\ bơh 32 tus 37 ngai tơnơ\ mờ tu\ tam, den làng bol ơn 50% khà phơng Urê gam wơl, hơ\ là ndrờm mờ 150 ki\ đạm Urê pơgồp bal mờ 50% khà Kaliclorua gam wơl, hơ\ là 50 ki\ Kaliclorua, tu\ do, geh pal ơn ngài mờ tờm, tài tờm tơngai neh hòn jơnhua, ơn ngài mờ tờm bơh 10 tus 15 phơng, tơnơ\ hơ\ geh kung kuài, bồr tờm nàng tờm tơngời gơs niam, tơnguh bơta pràn jồp phơng geh niam rlau.

Ală tềl lơi ai go\ tờm tơngời gam gơtìp ờ tơl phơng ơ Thạc sĩ.?

Thạc sĩ Đinh Văn Phê: Ờ tơl phơng đạm lơh tờm tơngời ờ dờng, làng bol sền go\ nha tơngời ờ gơs, tờm lơyah, nha geh tơng go\ pàl. Gơwèt mờ ờ tơl phơng Lân den tềl tơnggo\ tềng nha, geh dà pơrhê, hơ\ là gơlơh pơrhê dimơ tềng nha. Dilah ờ tơl Kali den nha gơtìp ro jơh, sùm là gơtìp ro mat đah đơm lài, tơnơ\ hơ\ là nha đah tơnơ\, den tàng làng bol tu\ lòt sền suơn dilah go\ ală tơngo\ bè hơ\ den pal ơn tai phơng Kali gơ in dipal.

Bè hơ\ ală jơnau pal kah lơi tàm broă ơn phơng tờm tơngời in ơ Thạc sĩ?

Thạc sĩ Đinh Văn Phê: Tu\ làng bol ơn phơng den làng bol kah là ù pal tơl sùh ìo, ba` ơn phơng tu\ trồ mìu, tu\ ơn tàm trồ mìu den khà phơng gơtìp cò pơrdô mhar ngan, ngan là phơng Kaliclorua, làng bol kung ba` ơn rah rài tàm ù, pal ơn jat gùng, tu\ jơh ơn phơng den he bồr tơn nàng pleh gơtìp hòac huơr phơng, làng bol pal kah g wèt mờ phơng Kali, tu\ nha tơngời gam sùh den ba` ơn, dilah ơn den nha tơngời gơtìp ro.

Ưn ngài Thạc sĩ bè ală jơnau pơlam do.

                              Cau mblàng K’ Duẩn.