VOV4.K’ho - Mờ ua\ ngan ala\ bơta phơng tuh tàm drà ka\ bro tu\ do, broa\ rwah phơng tuh di pal chi tam in la dùl broa\ kờ`  ngan mờ geh kuơ màng ngan. Tàm jơnau đơs ngai do,  Phó giáo sư-tiến sĩ Trình Công Tư, gơnoar jat jơng atbồ anih tờm sền sơnơng ù,  phơng tuh mờ tiah kis Tây Nguyên geh pơlam  nàng git rwah geh ala\ bơta phơng tuh bơrlu\ bal NPK di pal mờ chi tam, mờ  bơta ù nàng geh ngui.

            -Ơi, ơ ồng Trình Công Tư, ồng gơtùi yal tus làng bol cau lơh sa in wa\ loh rlau tai, mbè lơi la phơng bơrlu\ bal?

            Ồng Trình Công Tư: Bè làng bol neh git,  phơng NPK , do la phơng geh bơrlu\ bal geh đơs bal, gơ geh lơh gơs mờ lơh di bơta kờ` tàm broa\ lơh broa\ sa bè dùl bơta kuơ màng ngan tàm rài lơh sa mờ ma\y mok bơh broa\ lơh sa suơn sre. Ngui phơng NPK bal dùl tu\ den he geh tuh geh ua\ bơta phơng. Tu\ do, geh bal NPK geh trơgùm ala\ bơta trung mờ vi lượng tàm hơ\ bal. Dùl dơ\ tuh phơng gơtùi tuh geh ua\ bơta phơng mờ geh ai ua\ bơta kờ` ròng chi tam, mờ kung  tơmù bơta tuh phơng ndai, ờ hoan bơta pơndiang. Bulah bè hơ\, tơl bơta phơng NPK drờm geh dùl broa\ lơh geh is, khà bơrlu\ bơh ala\ bơta phơng, den tàng tu\ ngui làng bol pal kah. Tơl bơta phơng NPK mìng gơ kờ` dùl bơta ù, dùl bơta chi tam krơi is. Pơnyơu bè geh chi tam gơ kờ` ua\ đàm, mơya geh chi tam gơ kờ` ua\ phơng lân, hala ù do kờ` ua\ lân, ù ne kờ` ua\ Kali…Den  pal sơnđìng tàm ù, sơnđìng tàm chi tam bè hơ\ mờ he geh ngui bơta phơng NPK gơ di pal.

            -Den bè hơ\, tơl tu\ tơngai, tơl bơta chi tam, cau lơh broa\ sa geh ngui dùl bơta phơng bơrlu\ bal krơi is, hơ ờ, ồng?

            Ồng Trình Công Tư: Mùl màl,  cau kung kan ngan lơh gơs phơng NPK  ai tus tơl bơta chi tam, tơl tơngai  dờng pràn bơh chi tam. Pơnyơu bè bồ kàl tuh phơng mbè lơi, tu\ neh plai tuh phơng bè lơi, tu\ tơnhàu tuh phơng bè lơi. Dilah lơh ua\ bơta phơng ngui bè hơ\ den geh lơh  ờ suk ngan kung bè kan ngan tàm broa\ ka\ bro. Bulah bè hơ\,  làng bol gơtùi ngui phơng NPK tàm drà ka\ bro mờ geh bơsir tai phơng mìng  is  lơm di pal  geh bơta pơnring ngan, geh ai tơl mờ drờm bal, ai geh  tơl phơng mờ pơndrờm bal  bơta kờ` ròng chi tam.

            -Bè hơ\, bal mờ bơta phơng geh bơrlu\ bal geh tac tàm drà ka\ bro den cau lơh broa\ sa suơn sre gam pal bơsir tai 2, 3 bơta phơng mìng is lơm nàng pơnring bơta ròng chi tam,  ồng geh  jơnau lơi tơng kah tus mờ làng bol tàm tu\ tuh phơng?

            Ồng Trình Công Tư: Phơng NPK den làng bol pal kah,  bè ờs ù tiah tàm Tây Nguyên do,  đàm la phơng la ua\ rlau, ờ tơl lân. Bulah lân geh jơh la ua\ mơya khà lân chi sa geh la ê\t ngan. Den tàng, làng bol pal kah ngui ala\ bơta phơng mờ geh lơh di mơ lơh di khà ai geh ngan. Đơs bè hơ\, mơya làng bol gam pal geh sền ngan tai tus mờ chi tam tai. Pơnyơu bè kơphe hala tiêu, gơ kờ` kali la ua\ ngan,  geh tu\ ua\ rlau mờ phơng đàm. Den tàng,  tu\ tuh phơng, làng bol pal ngui phơng geh khà đàm mờ kali drờm bal, ngan la pal ndrờm bal. Bè phơng 16-8-16. Dilah làng bol ngui phơng 16-16-8 den phơng do mìng gơ kờ` mờ kò lơm mo. Ai dilah ngui mờ kơphe den  pal tuh tai kali, geh tu\ pal tuh tai  phơng đàm tai…

            -Ưn ngài ồng bè dơ\ ho jơnau lùp bol a` dê.

                                         Cau cih mờ yal tơnggit K’ Brọp