VOV4.K’ho - Mờ tiêu,  rlau dùl nam ròng tờm,  geh lì bơkàu mờ tơt plai, tu\ tơngai tơnơ\ jơh pic plai la tu\ tiêu kờ` pal ơm rlô sa\, ròng tờm mờ rcang tus ala\ bơta phơng tuh lài mờ tu\ gơ mut tàm tơngai pơnjat tai. Nàng gàr tus suơn tiêu dờng pràn,  ai cồng nha tơnhàu niam pah nam,  làng bol kờ` pal geh tơng kah tus broa\ sơng ka sền gàr suơn chi. Jơnau ngai do geh tìp mờ lùp jơnau mờ tiến sĩ Trương Hồng  kuang jat jơng atbồ Gah lơh broa\ gah jak chài ma\y mok lơh broa\ sa suơn sre chi brê Tây Nguyên bè broa\ sền gàr mờ lơh kloh suơn tiêu tơnơ\ geh jơh pic plai.

            -Ơ ồng,  broa\ sơnrờp jơh cau tam tiêu kờ` pal lơh mo tơnơ\ jơh pic plai la broa\ lơi?

            Tiến sĩ Trương Hồng: Tơnơ\ jơh pic tiêu den geh ờ ua\ broa\ lơh làng bol pal kah la:

            Dùl la bol he  lơh kloh suơn tam, koh jơh ala\  ntê gơ jrùh nha mờ khòm jơh, ngan la ala\ suơn chi mờ gơbàn kòp den pal kah la ala\ ntê kòp pal khòm jơh mờ bơsong mờ broa\ chu nàng gơsơt kòp bơtờp.

            Pơnjat tai la koh bà ntê, ala\ ntê lơi ờ pràn den he pal koh bà nàng tiêu geh ha pah mờ geh gơ lời phan pràn ròng tờm, ròng ntê gam wơl nàng geh dong tiêu pràn, lì bơkàu, tơt plai niam rlau.

            Tơnơ\ lơh kloh suơn tam mờ koh ntê, den làng bol pal rcang broa\  tuh dà. Mờ ala\ tờm tiêu den khà dà tuh gơ in ờ kờ` ua\ bè kơphe, bol he gơtùi tuh dà tơl tờm  tơnhàu tiêu di 100 lik dà la di. Dilah geh,  den  pal lơh  phan tuh dà tềm pềr dà nàng geh dong bol he  tềm pềr geh dà mờ atbồ suơn tiêu bươn boài rlau. Ngan la bơh ròt ding tuh dà do den bol he gơtùi geh lơh bal tàm broa\ tuh phơng.

            -Pa do,  ồng geh đơs tus broa\ lơh kloh suơn tiêu, den bè hơ\,  tơnơ\ jơh pic tiêu, broa\ lơh kloh suơn tiêu kờ` ngan bè lơi tus mờ  suơn tiêu?

            Tiến sĩ Trương Hồng: Tàm jơh ala\ bơta chi tam,  ngan la chi tam jo\ sơnam den broa\ lơh kloh suơn tam geh bơnga\ kuơ màng ngan tài tu\ bol he lơh kloh sươn  tam niam den geh lơh suơn chi geh ha  pah, mờ gơtùi geh lơh gơsơt jơh ala\ bơta lơh bơtờp kòp, den tàng geh ờ gơbàn kòp tai kalf tơnơ\ hala tơmù gơbàn kòp kàl tơnơ\. Den tàng geh dong suơn chi dờng mờ bơtàu tơngguh pràn niam mờ geh plai ua\ tàm ua\ nam.

            -Ồng gơtùi  yal nền nòn ala\ broa\ lơh kloh suơn tiêu geh bơyai lơh mbè lơi?

            Tiến sĩ Trương Hồng: Bè ờs, ala\ broa\ pal lơh tàm bơta lơh kloh suơn tam, den làng bol pal kah: Dùl la,  tơnơ\ jơh pic plai den ala\ ntê, nha gơ jrùh he pal khòm jơh. Dilah suơn tiêu ờ kòp den he bù gơ tềng gùng lòt nàng tơnơ\ do gơ geh ồm lơh gơs phơng mờ lơh mbùr ù. Dơ\ 2 la dilah suơn chi gơbàn kòp den he pal khòm jơh ala\ ntê chu  ồs sa ntê kòp hala tơp gơ nàng  cah is bơta lơh kòp mờ kơryan geh bơta bơtờp kòp bơh kàl tơnơ\.

            -Bè hơ\, ai broa\ tuh dà tiêu in. Làng bol pal tuh dà tiêu in mo tơn jơh pic plai lah ờ, ơ ồng?

            Tiến sĩ Trương Hồng: Tơnơ\ jơh pic tiêu den kung  pal lời nàng tieê gơ rlô sa\ di 2 poh tus 1 nhai,  gơ jat  mờ bơta geh, tài dilah he tuh dà mo tơnơ\ jơh pic plai den tiêu ờ gam geh tơngai ra` rlô sa\,  den tàng broa\ gơ ơm rlô lơh gơ mòn bơkàu êt rlau. Den tàng,  tơnơ\ jơh pic plai, làng bol pal lời tiêu in gơbàn rlô sa\ di 1  gùl nhai tus 1 nhai gơ jat mờ bơta geh tơnơ\ hơ\ he tuh dà tiêu in gơ geh gơ lì bơkàu ua\ rlau, tơt plai  niam rlai.

            -Ưn ngài ồng ua\ ngan.

                        Cau cih mờ yal tơnggit K’ Brọp