VOV4.K’ho - Tơnơ\ mờ rơlao 3 nam càr Kon Tum lơh jăt rơndăp broă tơnguh bơtàu kơphe tiah mrềt Catomo tàm ală kơnhoàl Đak Glei, Tumơ Rông mờ Kon Plông, tus tu\ do geh uă suơn kơphe neh geh tơnhào mờ neh lơh geh rài kis niam tus mờ làng bol kòn cau in. Bơh tàm cồng nha do, tu\ do geh uă hìu làng bol kờ` tam mờ rề ơnàng bă ù tam kơphe hìu nhă in. Ồng Bùi Văn Sơn, lơh broă tàm Phòng Nông nghiệp mờ Phát ttriển Nông thôn kơnhoàl Kon Plông bơto pơlam broă tam kơphe Catimor tiah mrềt bè lơi kờ` hòn gơs niam mờ geh uă plai.

- Bơh mùl màl broă lơh jăt  rơndăp broă tam kơphe tiah mrềt Catimor tàm kơnhoàl Kon Plông, ồng broă broă hòn gơs niam, mờ geh tơnhào uă bơh sơntìl kơphe do dê bè lơi?

Ồng Bùi Văn Sơn: Mùl màl lơh jăt bơh nam 2014, gơtùi đơs, sơntìl kơphe Catimor gơdờp mờ ù tiah tàm 6 xã, kơnhoàl Kon Plông dê, tàm hơ\ geh xã Măng Bút, Đăk Tăng, Măng Cành, Đak Long, Hiếu mờ Pờ Ê.

- Ơi, Ồng gơtùi pà g^t tơnơ\ mờ tu\ dờp sơntìl kơphe Catimor rê den làng bol pal lơh bè lơi kờ` tơl niam broă tam di mờ broă geh ai lơh?

Ồng Bùi Văn Sơn: Tơnơ\ mờ tu\ ai sơntìl kuang bàng lơh broă geh bơto sồr làng bol tàm broă ơn sơntìl tàm m[ur bơh 5 tus 7 ngai kờ` rơyas kơphe tàm broă pơn diang gơbàn rơngô tăc geh niam mờ pràn wơl. Tơnơ\ mờ bơh 5 tus 7 ngai den geh bơta ram tòm sơntìl in, hơ\ sồng cèng tam.

- Ơi, ơ ồng, tu\ tam kơphe Catimor, den làng bol pal kah bơta lơi?

Ồng Bùi Văn Sơn: Tu\ tam kơphe Catimor den làng bol pal kah lài ngan là broă tuh phơng lài mờ tu\ tam. Broă tuh phơng pal geh lơh lài mờ tu\ tam di pơgăp 2 poh. Tu\ tam, broă reh kơl dung pal geh lơh nền nòn nàng ù tàm kơl dung ba` gơtìp bơcah. Di lah lơh niam ală bơta do den khà kis tòm kơphe geh uă.

- Mùl màl tu\ tuh phơng tòm kơphe Catimor in den làng bol tuh ală bơta phơng lơi?

Ồng Bùi Văn Sơn: Jăt mờ broă geh ai di pal tus mờ tuh phơng lài mờ tu\ tam là pal tuh phơng hữu cơ, hơ\ là phơng rơpu, kơnrồ neh ồm. Phơng lân mờ vôi. Khà bơh phơng lân jăt mờ broă geh ai 1 lồ di pơgăp 1 rơbô k^. Mờ vôi kung 1 rơbô k^ sơl.

- Tàm broă sền gàr sơnkah kơphe tơngai pa tam tus tàm tu\ lì bơkào mờ tơ\t plai sơntờp, ồng geh jơnau lơi bơto sồr tus mờ làng bol?

Ồng Bùi Văn Sơn: Tơnơ\ mờ tu\ tam, tàm broă sền gàr mờ slơnka den làng bol pal kah. Lài ngan là broă jì `hơ\t den gơrềng uă ngan tus mờ trồ tiah. Jì jơh `hơ\t den hơ\ sồng he tuh phơng, mơya sih phơng tu\ trồ geh mìu, ù sùh ìo. Ù tơl sùh hơ\ sồng phơng [uơn lề kờ` tòm kơphe sa.

- Kờ` bơta niam kơphe kung bè cồng nha geh uă tàm broă tơnhào, den ồng geh jơnau lơi bơto làng bol lah ờ?

Ồng Bùi Văn Sơn: Kờ` geh bơta niam gar kơphe bal mờ broă tơ\t plai uă den làng bol pal sih phơng di pal, tàm hơ\ kuơ màng ngan là ală bơta phơng kali. Gơnoar bơh phơng kali uă ngan tàm broă lơh gar să mờ gar dờng uă rơlao. Broă tơnhào den làng bol pal kah tàm 1 tòm kơphe pal geh dum pơgăp 80% rơlao hờ đang. Di lah he p^c gờ` ir gar gam ờ hềt să den khà niam gar kơphe gơmù mờ lơh tus khà priă tăc ờ geh uă sơl.

- Ơi, ưn ngài ồng uă ngan!

Cau cih mờ yal tơng^t Ndong Brawl